Génesis 20:3 - Bible in Tzotzil de Chamula

³ C'u stu un, ta ac'ubaltique, laj yil ta xvaich ti Abimeleque, ti xi albat yu'un ti Diose: “Ta xacham, yu'un ti ants laj aviq'ue, oy smalal.”

Bible in Tzotzil de Chenalhó with Deuterocanon

³ Pero li Abimeleque te no'ox ta yac'ubalil ic'opanat ta xvayech yu'un li Diose. Jech i'albat: “Ta xacham, yu'un li ants laj aviq'ue oy smalal”, x'utat.

Génesis 20:3 Iomraidhean Croise

Génesis 12:17

C'u stu un, ti faraone xchi'uc ti c'u yepal oy ta snae, busanbatic talel chopol vocol ta stojolic yu'un Dios ta scoj ti Saraie.

Génesis 12:18

Jech o xal ti faraone laj stac ta iq'uel ti Abrame, ti xi laj yalbee: “¿C'u cha'al jech laj apasbun? ¿C'u cha'al mu laj avalbun ca'i ja' avajnil ti ants li'e?

Génesis 20:7

Ja'uc avi tana le' une, ac'bo sutel yajnil ti vinique, yu'un ja' jun j'alc'op ti stuque. Ta xc'opoj xti'in ta sc'anel vocol ta jtojol yo' jech ta to xach'i xac'opoj. Yan mi mu xavac'be sutel ti yajnile, ti vo'ote xchi'uc ti c'u yepal achi'uc ta nacleje, j'ech'el ta xachamic.”

Génesis 28:12

Ti bu taje, lic vaichinajuc. Laj yil jun tec'obal ti quiquil ta banomil ti c'otem to c'alal vinajele, ti xyal xmuy yaj'ánjeltac ti Dios laj yile.

Génesis 31:24

Ja' no'ox un, ti ta ac'ubaltique, laj yac' sba iluc ti Dios ta xvaich ti arameo vinic Labane, ti xi i'albate: “A'yio ava'i, mu me ta jajeteluc xac'opon ti Jacobe.”

Génesis 37:5

Oy bu vaichinaj ti Josee. Ja' yu'un un, laj yalbe ya'i ti sbanquiltaque. Ja' no'ox un, ti stuquique cap sjolic, lic scontrainic ta j'ech'el.

Génesis 37:9

Laj taj une, laj to yil yan xvaich ta ts'acal ti Josee. Ja' yu'un un, xi laj yalbe ya'i ti sbanquiltaque: —¿Mi xana'ic, livaichinaj no'ox xtoc? Laj quil ta jvaich ti c'ac'ale, ti ue, xchi'uc buluchbej c'anal ti laj snijan sbaic ta yich'elun ta muq'ue.

Génesis 40:5

Ti banquilal yu'un ti jbainej-bise xchi'uc ti banquilal yu'un jpaspane, oy jun ac'ubal vaichinajic ti xchibalique. Ja' no'ox un, slecoj smelol ti jujutos xvaichique.

Génesis 40:8

Xi laj staq'uique: —Yu'un livaichinajcutic. Ja' no'ox un, mu'yuc buch'u xiyalbuncutic c'usi smelol ta xal ti jvaichcutique. Xi laj stac' ti Josee: —¿Mi mu ja'uc xu' svinajesbe smelol ti Diose? Alic ca'itic c'usi ti avaichique.

Génesis 46:2

Ja' o ta yac'ubalil, ti Israele jam sba sat laj yil c'oponat talel yu'un Dios ti biiltasat ta sbi Jacobe. Jech ti stuque xi laj staq'ue: —¿C'usi ta xaval?

1 Crónicas 16:21

mu'yuc laj yac' ye Dios ti yich'icuc ilbajinel yu'un ti buch'uuc no'oxe, yu'un xi albat ya'i ti ajvaliletique:

Job 33:15

Oy bu ta xc'ot ta pasel yu'un ta ac'ubaltic, ta vaichil, mi ta sjamel ba satil ta yilel ti oy c'usi ta xac' iluque, mi c'alal ta xlic vayicuc ti viniquetique, mi c'alal batem xch'ulelic ta vayele.

Job 33:17

yo' jech ta xch'ac loq'uel ti bu tiq'uil ta spasel ti c'usi chopole, yo' jech ta scaj'ac'be sna' ti stoyobbaile.

Salmos 105:14

mu'yuc laj yac' ye Dios ti ilbajinbilique, ti xi laj scaj'albe ya'i ti ajvaliletique:

Jonás 3:4

Och batel ta jteclum ti Jonase, ti jun c'ac'al xanav ti xi lic ta yalilanele: “Ti li' ta cha'vinic c'ac'ale, ta xlilij ti jteclum Nínive li'e.”

Números 22:9

Va'i un, ti Diose laj yac' sba iluc ta stojol ti Balaame ti xi laj sjac'bee: —¿Buch'u ti viniquetic ti li' xchi'inojote?

San Mateo 1:20

C'alal jech ta snope, tal jun yaj'ánjel Dios ti xi tal albatuc laj yil ta svaiche: —José, snitilul ajvalil David, mu xlo'ilaj avo'nton yu'un ti Mariae, ic'o. Ti yol xchi'uque, ja' ta sventa smuc'ul stsatsal ti Ch'ul Espiritue.

San Mateo 27:19

C'alal chotol ti ajvalil ti bu ta xchapanvane, laj stac talel mantal ti yajnil ti xi laj yale: “Mu xatic' aba ta smilel ti jun lequil vinic le'e. Ech'em chopol livaichinaj ta ac'ubaltic ta sventa ti vinique.”