Génesis 20:2 - Bible in Tzotzil de Chamula

² C'alal tey xa oyique, lic yalilan ti ja' xchi'il ta voq'uel ti Sarae, ti c'alal ja' yajnile. Va'i un, ti Abimelec ajvalil yu'un ti jteclum Gerare, laj yal mantal ti ac'o ic'batuc talel ti Sarae yo' jech ta xajnilin.

Bible in Tzotzil de Chenalhó with Deuterocanon

² C'alal te xa oyique, laj yal ti ja' yixlal li yajnile, ja' li Sarae. C'alal laj ya'ay li Abimeleque, ja' li ajvalil ta lum Gerare, laj yal mantal ti ac'o ic'batuc batel li Sarae yu'un tsc'an ta xic'.

Génesis 20:2 Iomraidhean Croise

Génesis 12:15

C'alal yilic ec yaj'abteltac ti faraón ajvalil yu'un ti Egiptoe, bat yalbeic ya'i ti c'upil sba ti ants taje. Va'i un, laj yiq'uic batel ta sna ti faraone.

Génesis 20:12

Ja' no'ox un, xi s'elan sc'oplal laj cal ti ja' jchi'il ta voq'uele, yu'un ja' yantsil nich'on jtot. Ja' no'ox mu jmojuc ti jme'cutique. Jech o xal c'ot ta pasel ti laj quiq'ue.

Génesis 21:22

Ja'tic van jech yorail ech'el taje, ti Abimeleque bat sc'opon ti Abrahame, chi'inbil batel yu'un ti Ficole, ti ja' banquilal yu'un ti yajsoldadotaque. Ti Abimeleque xi laj yalbe ya'i ti Abrahame: —Yu'un scotol ti c'usi ta xapase, ta xquilcutic ti coltabilot yu'un ti Diose.

Génesis 26:1

Ti jech yorail taj une, ja' o lic jun muc' ta vi'nal ta lum taje, ti ech' xa ono'ox xtoc c'alal cuxul to ox ti Abrahame. Jech o xal ti Isaaque bat nacluc ta lum Gerar bu nacal ti Abimeleque, ajvalil yu'un ti filisteoetique.

Génesis 26:16

Sta jun c'ac'al, ti Abimeleque xi laj yalbe ti Isaaque: —Loc'an batel li'e, yu'un lac'ot xa ta jun banquilal jc'ulej, ja' mu sta ti vu'uncutique.

Génesis 26:7

Va'i un, lic jac'batuc yu'un ti jnaclejetic teye c'usi yutoj ti Rebecae. Ti Isaaque lic xi'uc ta yalel ti ja' yajnile, yu'un laj yal ti ja' xchi'il ta voq'uele. C'upil sba ta j'ech'el ti Rebecae. Laj snop ti Isaaque ti xu' ta xlaj ta milel yu'un ti jnaclejetic teye ta scoj ti Rebecae.

2 Crónicas 19:2

Ja'uc le' une, bat nupatuc ta be yu'un ti j'alc'op Jehú xnich'on ti Hananie, ti xi jac'bat yu'une: ¿C'u cha'al ta xatic' aba ta scoltael ti chopol vinique, ti lec xavil abaic xchi'uc ti yajcontra Diose? Ti jech laj apas le'e, ilin xa ti Dios ta atojole.

2 Crónicas 20:37

Va'i un, ti Eliezer ti liquel talel ta Maresa xnich'on ti Dodavahue, xi laj scaj'albe sc'oplal ti c'usi ta xc'ot ta stojol ti Josafate: “Ti c'usitic laj apase, ta slilin ti Diose ta scoj ti laj anupinbe aba ajol avo'ntonic xchi'uc ti Ocoziase.” Jech o no'ox c'ot ta pasel, laj lilijuc ti barcoetique, mu'yuc xa xbatic ta Tarsis un.

2 Crónicas 32:31

C'ot ta pasel un, ti Diose laj xch'ac sba loq'uel ta stojol ti Ezequiase yo' jech ta sna'be yo'nton c'u s'elan ta snop c'alal ta xc'otic yaj'opisialtac ti ajvalil yu'un ta Babiloniae, ti jech ta xvu'lanat ta xjaq'uilanbat ti c'usitic ch'ayal c'ot o'ntonal yu'un ta Judae.

Proverbios 24:16

Ac'o mi ta xyal ta lum vuc-cojuc (7), ta ono'ox stam sba liquel, ja'uc ti buch'u mu'yuc xch'ulel xa'i sbae, yacal xa ta tsatsajel ti svocole.

Proverbios 29:25

Ti xi'el yu'un ti viniquetique, muc'ul tsalel ta j'ech'el; ti buch'u spatoj yo'nton ta stojol ti Dios une, chabibil lec.

Proverbios 6:29

Ti buch'u ta xyaque yu'un ti jovil antse, jbel sc'oplal ta stoj lec.

Eclesiastés 7:20

Ti li' ta banomil une, mu'yuc ono'ox ma' ti oy buch'u junuc lec tuc' ta x'ech'e, ti lec ta spas sbae, ti mu jutebuc ta sta ti smule.

Efesios 4:25

Ja' yu'un un cha'e, lajuc sc'oplal avu'unic ta sjutilanel ti c'ope. Ta jujun tal, alanbo abaic ti bu ja' melele, yu'un jcotoltic junotic ta stojol ti Cristoe.

Colosenses 3:9

Ictaic ti jut c'op ta jujun tale, yu'un laj xa ajip laj xa atenic comel ti c'u s'elan to ox ta spas ti apoco' cuxlejalic ti mu'yuc c'usi lec laj apasic talel yu'une.