Génesis 2:9 - Bible in Tzotzil de Chamula

⁹ Ja' jech xtoc laj yac' ch'iuc ep ta tos lequil te'etic ti lec ta lo'bel ti sate. Ti ta o'lol ts'unubale, laj yac' ch'iuc ti j'ac'-cuxlejal te'e, xchi'uc ti te' ta xac' ta na'el ti leque xchi'uc ti chopole.

Bible in Tzotzil de Chenalhó with Deuterocanon

⁹ Laj yac' ch'iuc noxtoc ep ta chop te'etic toj c'upilic sba, lec ta lo'bel sat. Te ta o'lol li ts'unubaltique laj yac' ch'iuc jpets te' sventa cuxlejal, xchi'uc jpets te' sventa chac' ta na'el c'usi lec xchi'uc c'usi chopol.

Génesis 2:9 Iomraidhean Croise

Génesis 2:17

Yan ti te' ta xac' ta na'el ti leque xchi'uc ti chopole, mu xalo'be ti sate. Yu'un mi laj alo'e, jbel sc'oplal ta xacham.”

Génesis 3:22

Xi laj yal ti Diose: —Avi tana ti vinique jech xa ic'ot jech c'u cha'al ti vo'otique. Laj xa sna' ti c'usi leque xchi'uc ti c'usi chopole. Naca mi xbat stsac ti sat te' ti ta xac' cuxlejale, ti ta slo' yo' jech ta xcuxi oe.

Génesis 3:24

Ti Diose, ti c'alal laj sloq'ues batel ti vinic ti ta sloq'ueb c'ac'ale, laj yac' jun chib jchabiej ts'unubal ti oy xiq'uique, xchi'uc jun espada ti ta xtil xojobal ta joyobe, yo' jech mu'yuc buch'u xu' ta xc'ot ti bu oy ti te' ti ta xac' cuxlejale.

Génesis 3:3

Ja' no'ox un, mu xu' jlo'becutic sat ti jpets ti teq'uel ta o'lol ts'unubale. Yu'un laj yalbuncutic ti Diose, mi ja'uc xu' ta jtul jlo'becutic sat ti te' le'e. Yu'un ti mi jech ta jpascutique, ta xichamcutic.

Génesis 3:5

Yu'un ti Diose sna'oj lec ti c'alal ta xalo'beic ti sat te' le'e, ta sjam ti asatique yo' jech ta xavilic ti c'usi leque xchi'uc ti c'usi chopole. Yu'un ta xac'otic jech c'u cha'al ti Diose.

Proverbios 11:30

Ti lequil tuq'uilale, ta xac' ch'iel c'opojel, ja'uc ti soquemal jol o'ntonale, ta xtuch' cuxlejal une.

Proverbios 3:18

Ti buch'u oy yu'un ti bijilile, cuxlejal ta j'ech'el; mu'yuc c'usi sna' ti buch'u xtojob ta stunesele.

Isaías 44:25

Mu jq'uelojuc no'ox ta xc'ot ta pasel yu'un ti c'usi ta scaj'al ti jutc'op j'alc'opetique. Ta jsoquesbe snopbenal yu'unic ti buch'utic sna' xt'unvanique. Ta xc'ot ta pasel cu'un ti xtal xbat xa sc'opic ti buch'utic oy sbijilique, ti naca no'ox jovil c'opetic ti c'usitic sna'ique.

Isaías 47:10

Yu'un atsinanoj aba yu'un ti yacalot ta spasel ti chopole, ti xi laj anope: ‘Mu'yuc la buch'u ta xiyilun un.’ Ti abijil une, ti oy c'usi xavojtiquin ti avaloj une, lalaj ta lo'lael yu'un. Xachi laj anop ti ta yut avo'ntone: ‘Ja' no'ox li vu'une, ¿buch'u xa can yan un?’

Ezequiel 31:16

Xi'ic xa ti muc'tiquil lumetic ti xvo'o'et to ti lom yalel ta lum cu'une, ti bat stsob sba xchi'uc ti buch'u chamemic xae. Xpatet to yo'ntonic ta xa'iic ma' ti te'tic ta Edene, xchi'uc ti c'upil sba maltabil lec te'tic ta Líbano ti ta xvalc'uj ech'el ti lum ach'el yu'unique.

Ezequiel 31:18

‘Mu jtec'uc te' ta Edén sta xco'olaj ti yutsilale xchi'uc ti stayleje. Ta xyalic batel ta jc'ol banomil jmoj xchi'uc ti te'tic ta Edene. Ta xnaquiic xchi'uc ti buch'u yan yajvalique, xchi'uc ti buch'u chamic ta letoe. Sc'oplal faraón ma' ti jtec' te' taje, xchi'uc ti svinictaque. Ti vu'un Ajvalilune, mu lo'iluc no'ox ta xcal.’ ”

Ezequiel 47:12

Ta jujujot sti'il uc'ume, ch'iemic ep ta tos lo'bolal te'etic. J'ech'el mu xcocaj ti yanale. Mu sna' xpaj ta satinel. Jujun u oy sat. Maltabil ta vo' yu'un yoc ti uc'um ta xloc' talel ta ch'ulnae. Ta xtun ta poxil ti yanale, ta tunel lajesel ti sate.

San Juan 6:48

Vu'unun ti pan ti ta xac' cuxlejale.

1 Corintios 8:1

Avi tana li'e, ta xcalboxuc ava'iic sc'oplal ti ve'lil ac'bil ta smoton ti c'usitic meltsanbil ta c'abale. Ti oy bu xi x'ale ti c'ope, ja' melel: “Ti jujunotique ta jnoptic ti oy smelol ti c'usi ta xcaltique.” Ti oy c'usi jna'tic calojtique, oy bu ti ja' no'ox ta jtoy jbatic xchi'uque. Ja'uc ti syail xc'uxul o'ntonale, ja' sventa ta jta jun co'ntontic ta stojol ti Cajvaltique.

Deuteronomio 6:25

Ja' yu'un un, toj jtunel cu'uncutic ti vo'otic ta stuc'ulanel lec ti c'otuc ta pasel cu'untic ti mantaletic ta sba ta sat ti Ajvalil Dios cu'untic jech c'u cha'al yaloj ono'oxe.’

Apocalipsis 2:7

Ti buch'u oy xchiquine, ac'o ya'i lec c'u s'elan ta x'albat yu'un Ch'ul Espíritu ti jch'unolajeletique. Ti buch'u ta stsal yu'un scotole, ta xcac'be slo' ti sat te' ti sventa cuxlejal ti teq'uel ta yavil ts'unubal yu'un ti Diose.”

Apocalipsis 22:14

Yan yutsil ti buch'utic laj yaq'uic ta chuq'uel ti sc'u'ique yo' xu' ta slo' ti sat te' ta xac' ti cuxlejale, yo' ta x'ochic batel ta sti'tac ti jteclume.

Apocalipsis 22:2

Ta o'lol calle yu'un ti muc' ta jteclume, ti ta jujot sti'il ti uc'ume, ch'iemic te'etic ti ta xac' cuxlejale. Lajcha'coj ta xac' sat ta jun jabil, ti lec ta alele, jujun u ta xac' ti sate. Yanal ti te'e, ta xtun yo' ta xpoxta o sbaic ti jnaclejetic ta banomile.