Génesis 2:8 - Bible in Tzotzil de Chamula

⁸ Ts'acal to un, ti Dios ti ja' Ajvalile, laj xchapan jun yav ts'unubal tey ta yosilal ti Eden sbie, ti oy ta yelov ti sloq'ueb c'ac'ale. Ti bu taje, laj yac' ti vinic ti laj smeltsane.

Bible in Tzotzil de Chenalhó with Deuterocanon

⁸ Ts'acal to li Muc'ul Diose la sts'un jsep ts'unubaltic ta sloq'ueb c'ac'al, Edén sbi. Ja' te laj yac' li vinic ti la spase.

Génesis 2:8 Iomraidhean Croise

Génesis 13:10

Va'i un, ti Lote laj sq'uel batel scotol ti stenlej sti'il uc'um Jordane. Laj yil oy lec vo' ta sjunul ti stenleje, co'ol xa s'elan yav ts'unubaltic xc'ot c'alal to biq'uit jteclum Zoar. Yu'un co'ol s'elan yosilal Egipto. (Yu'un ta vo'ne, ja' to ox jech s'elan c'alal mu'yuc to ox lilinbil yu'un Dios ti jteclum Sodomae xchi'uc ti jteclum Gomorrae.)

Génesis 3:23

Jech o xal ti Dios ti ja' Ajvalile laj sloq'ues batel ti vinic ti ta ts'unubal ti ja' Eden sbie, bat yac' abtejuc ta banomil ti bu lic ayanuc talele.

Génesis 3:24

Ti Diose, ti c'alal laj sloq'ues batel ti vinic ti ta sloq'ueb c'ac'ale, laj yac' jun chib jchabiej ts'unubal ti oy xiq'uique, xchi'uc jun espada ti ta xtil xojobal ta joyobe, yo' jech mu'yuc buch'u xu' ta xc'ot ti bu oy ti te' ti ta xac' cuxlejale.

Génesis 4:16

Jech ti Caine loc' batel ti bu laj sc'opon sbaic xchi'uc ti Diose. Bat nacluc ta Nod ti oy ta sloq'ueb c'ac'al yu'un ti Edene.

2 Reyes 19:12

¿Mi yu'un oy bu c'ot ta pasel ti diosetic ti cuch yu'un ta spojel ti lumetic ti xi s'elan laj slilin ti jmolmuc'totac ta vo'ne, jech c'u cha'al ti Gozane, ti Harane, ti Résefe, xchi'uc ti jnaclejetic ta Bet-edén ti oyic ta Telasare?

Isaías 51:3

C'uxubaj to me co'nton yu'un ma' ti lum Sión une, ti lum ti jinem xa scotole. Ti taquin sbajtical banomile, ta joybin ta jun yavil ts'unbilal nichim ti ta xc'ot jech c'u cha'al yavil sts'unbil nichim Dios ta ts'unubaltic ta Edene. Ti bu taje, naca xa muyubajel xal o, mu'yuc c'usi xal ti o'ntonale, ti xlaet no'ox ti q'uejimol jmoj xchi'uc ti c'usitic ta xich' tijele.

Ezequiel 27:23

Ta xbolomajic ta atojol ec ti jteclum Harane, ti Cane, ti Edene, jbolomajeletic oyic ta jteclum Sabá, ta Asiria, xchi'uc scotol jteclum ti oyic ta Mediae.

Ezequiel 28:13

Oyot to ox ta ts'unubaletic yu'un Dios ti sbiinoj Edene, ti xi a'elan ch'albilot ep ta tos c'upil sba bax-tonetique: ti tsoj-tsojtic sba xojobale, ti c'on-c'ontic sba xyaxale, ti ic'-ic'tic sba xyaxale, ti xlablun sba sc'anele, ti ic'-ic'tic sba stsajale, ti yox-yoxtic sba stsajale, ti yax'elantic sba stsajale, ti ep ta tos xojobale, ti c'on-c'ontic sba xyaxal xlablun ta q'uelele, ti c'usitic x'ayan avu'une, ti taq'uinal chiquinale, naca ta oro, chapanbil xa ono'ox c'alal laj avich' ac'bel ach'ulele.

Ezequiel 31:16

Xi'ic xa ti muc'tiquil lumetic ti xvo'o'et to ti lom yalel ta lum cu'une, ti bat stsob sba xchi'uc ti buch'u chamemic xae. Xpatet to yo'ntonic ta xa'iic ma' ti te'tic ta Edene, xchi'uc ti c'upil sba maltabil lec te'tic ta Líbano ti ta xvalc'uj ech'el ti lum ach'el yu'unique.

Ezequiel 31:18

‘Mu jtec'uc te' ta Edén sta xco'olaj ti yutsilale xchi'uc ti stayleje. Ta xyalic batel ta jc'ol banomil jmoj xchi'uc ti te'tic ta Edene. Ta xnaquiic xchi'uc ti buch'u yan yajvalique, xchi'uc ti buch'u chamic ta letoe. Sc'oplal faraón ma' ti jtec' te' taje, xchi'uc ti svinictaque. Ti vu'un Ajvalilune, mu lo'iluc no'ox ta xcal.’ ”

Joel 2:3

Yu'un co'ol s'elanic jech c'u cha'al junuc c'oc' ti scotol ta stsutsese. Xchic'ovan no'ox c'alal ta x'ech' batele, jech tilem ta xcom mi ech' xa batel une. C'alal mu'yuc to ox ta xvulic ta loq'uele, toj jun to ox yutsil ti banomile. C'alal laj ech'el yo'ntonique, co'ol s'elan jun sbajtical banomil ta xictaic comel. Laj to sc'oplal ma' ti oy c'usi colem ta xcom yu'unic une.