Génesis 2:5 - Bible in Tzotzil de Chamula

⁵ mu'yuc to ox bu voq'uem ti te'etique, ti momoletique, yu'un ti Dios ti ja' Ajvalile, mu'yuc to laj yac' taluc vo' ta banomile, mi ja'uc oy buch'u ta xabtelan.

Bible in Tzotzil de Chenalhó with Deuterocanon

⁵ mu'yuc to'ox ch'iemic li te'etique xchi'uc mu'yuc to'ox chjavan tal li ts'i'laletique. Yu'un li Muc'ul Diose mu'yuc to laj yac' taluc vo' ta banamil, xchi'uc mu'yuc to'ox boch'o chabtelan li banamile.

Génesis 2:5 Iomraidhean Croise

Génesis 2:6

Manchuc mi ja' jech taje, yu'un ta no'ox xloc' ti vo' ta banomil yo' ta smalta scotol ti osile.

Génesis 3:23

Jech o xal ti Dios ti ja' Ajvalile laj sloq'ues batel ti vinic ti ta ts'unubal ti ja' Eden sbie, bat yac' abtejuc ta banomil ti bu lic ayanuc talele.

Génesis 4:12

Ac'o mi ta xavabtelan ti banomile, mu'yuc c'usi ta xayac'bot. Yu'un yalel muyelot ta banomil. Mi ja'uc jutebuc ta xata ti xlaet ta xava'i ti osile.

Génesis 4:2

Ts'acal to un, laj svoq'ues ti Abele, yits'in ti Caine. Ti Abele naca ts'un chij lic yabtelan. Ja'uc ti Caine naca ts'unubajel ta banomil lic yabtelan.

Job 5:10

Ta xac' yaluc talel vo' ta banomil, ti ta smalta ti osil banomile.

Salmos 104:14

Ta xapules momol yaxaletic ta sventa ta slo' ti chon bolometique, xchi'uc ti buch'utic oy c'usi ta sts'unic yo' ta sta ti sve'elique.

Salmos 135:7

Xva'et no'ox muyel yu'un toc ta yibel ti vinajele; xc'avlajet no'ox yu'un ti chauque, ti ta xac' ta na'el ti ta xtal ti chaquilo'e, ti xvo'o'et no'ox loq'uel ti ic' bu q'uejajtic yu'une.

Jeremías 10:12

Ta sventa smuc'ul stsatsal, laj smeltsan banomil ti Diose; ta sventa sbijil stuc, laj yac'be yic ti banomile; ta sventa sbijil stuc, ti bu c'alal smacoj c'ot yu'un ti vinajele.

Jeremías 10:13

Xvo'o'et no'ox ta xtal banomilal vo' yu'un ta vinajel c'alal xc'avlajet no'ox liquel yu'un ti chauque. Xvolet no'ox yu'un ti toc buyuc no'ox ta sjoylej ti banomile. Xjaplajet no'ox yu'un ti sac tsel c'alal xlomet ti banomilal vo'e. Xjumet no'ox liquel yu'un ti ic' c'alal ta xloc' talel ti bu q'uejbil yu'une.

Jeremías 14:22

¿Mi oy bu loc'tabil jyanlum dios ti xu' yu'un ta xac' taluc ti vo'e? ¿Mi ta smantal no'ox stuc ti vinajel ta xac' taluc ti vo'e? Cajval, Dios cu'uncutic, bu la xata ti jech une. Ti vo'ote ta xavac' taluc vo', aventainoj scotol ma' taj une, jech o xal jmalaojcutic ti c'usi lec ta xapas ta jtojolcutique.

San Mateo 5:45

Mi jech ta xapasique, ja' xnich'naboxuc ti Dios ti oy ta vinajele. Yu'un ti Diose ta xac'be talel xojobal c'ac'al ti buch'u oy slequil stuq'uile xchi'uc ti buch'u ch'abal slequil stuq'uile. Ta xac'be tal vo' ti buch'u oy slequil stuq'uile xchi'uc ti buch'u ch'abal slequil stuq'uile.

Hebreos 6:7

Yu'un c'otem jech c'u cha'al junuc banomil ti lec ta xa'i xuch'ilan vo' c'alal ta xtalolan jujucoje. Ti banomil taje, sva'anoj sba ti Dios ta stojol mi ta xac'be lec sat sts'unob ti buch'u ta xabtelane.