Génesis 2:2 - Bible in Tzotzil de Chamula

² Ti ta yucubal c'ac'ale, laj xcux yo'nton ti Diose, yu'un tsutsem xa ox yu'un ti c'usitic laj smeltsane.

Bible in Tzotzil de Chenalhó with Deuterocanon

² Li Diose la xcux yo'nton ta svucubal c'ac'al, yu'un meltsajem xa'ox yu'un scotol.

Génesis 2:2 Iomraidhean Croise

Génesis 1:31

Ti c'u s'elan laj smeltsan ti Diose, laj yil ti lec scotole. Ja' yu'un un, ja' jech chapaj ta svaquibal c'ac'al.

Génesis 2:3

Va'i un, laj sts'uiltas ti yucubal c'ac'ale, yu'un laj yal ta jamal ti ja' jun ch'ul c'ac'ale. Yu'un ti jech c'ac'al taje, ja' o laj xcux ta sventa scotol ti yabtel laj smeltsane.

Éxodo 23:12

“Vaquib (6) no'ox c'ac'al sjalil ta xapas scotol ti c'usi sc'an pasele. Ta yucubal (7) c'ac'al un, cuxo xa yo' jech ta xcux yo'ntonic ti avacaxe, ti aburroe, ta xcux yoc sc'obic ec ti amosove xchi'uc ti jyanlumetique.

Éxodo 31:15

Vaquib c'ac'al xu' xa'abtejic. Yan ti ta yucubal c'ac'ale, ja' xa cuxob o'ntonal ti t'ujbil yu'un ti Diose. Ti buch'u ta x'abtej ta sc'ac'alil ti cuxob o'ntonale, chapal sc'oplal ta xich' milel.’

Éxodo 31:17

Ja' svinajeb ti com o ta stojolic ti israeletic cu'une.” Yu'un ti Diose, ta vaquib c'ac'al, laj smeltsan ti vinajele xchi'uc ti banomile. Ta yucubal c'ac'al une, tsuts yabtel, laj xcux yo'nton.

Isaías 58:13

“Ich'o ta muc' sc'ac'alil ti cuxob o'ntonale. Ma'uc me xbat avo'nton ta bolomajel ta yorail ti ch'ul c'ac'al cu'une. C'otuc ta avo'nton ti ja' yorail muyubajel ti c'ac'al taje, ti xc'ot o ta yich'obil ta muc' ti jun ch'ul c'ac'al yu'un ti Diose. Xi'tao, yu'un ma'uc yorail ti oy c'usi quechel macalote. Ma'uc yorail ti avac'ojbe xa yipal ta sa'el ti c'usi ta xtun avu'une, ti batem avo'nton ta bolomajele.

San Juan 5:17

Xi laj yal ti Jesuse: —A'yio ava'iic, ti Jtote yacal ta abtel avi li'e. Ja' jech ti vu'une ta xi'abtej ec.

Deuteronomio 5:14

Ja'uc ta yucubal c'ac'al une, ja' jun c'ac'al ti sc'ac'alil cuxob o'ntonal ti chapanbil yu'un ti Ajvalil Dios avu'une. Mi ja'uc xa'abtej jset'uc ti jech c'ac'al taje, mi ja'uc ti aquerem nich'one, ti avantsil nich'one, mi ja'uc ti amosov vinique, ti antse, mi ja'uc ti avacaxe, ti aburroe, mi jcotuc ti chon bolom avu'une, mi ja'uc ti jyanlumetic ti oy ta atojolique, yo' jech ti amosov vinique, mi ja' ti antse, ac'bo xcux yo'ntonic ec jech c'u cha'al ti ta xacuxe.

Hebreos 4:10

Yu'un ti buch'u ta x'och ta cux o'nton xchi'uc ti Diose, ta xa xcux yo'nton ta sventa ti yabtele jech c'u cha'al ti Dios laj xa xcux yo'nton ta sventa ti yabtele.

Hebreos 4:4

Yu'un oy bu xi ta xal ta ch'ul c'op sc'oplal ti yucubal c'ac'ale: “Ta yucubal c'ac'al laj xcux yo'nton ti Diose, yu'un tsuts scotol ti yabtele.”