Génesis 19:8 - Bible in Tzotzil de Chamula

⁸ Oy li' chib cantsil nich'on mu'yuc to yilojic viniquetic, ja' ta jloq'uesboxuc talel yo' jech xu' xapasic ta stojol ti c'usi lec ta xava'iique. Ja'uc ti viniquetic li'e, mu xapasbeic ti c'usi chopole, yu'un ja' cajvu'laltac.

Bible in Tzotzil de Chenalhó with Deuterocanon

⁸ Oy chib jtsebetic mu'yuc to yilojic vinic; ja' ta jloq'ues tal. Pasbeic li c'usi tsc'an avo'ntonique. Pero mu me c'usi chopol xapasbeic li viniquetic li' oyic ta jnae, yu'un ja' jvu'laletic cu'un —xi.

Génesis 19:8 Iomraidhean Croise

Génesis 18:5

Ti jech la'ech'ic ta sna ti avajtunele, xba quich'boxuc talel jutebuc ave'elic yo' jech mu xalubtsajic ta be ti bu ta xabatique. —Jechuc, lec oy —xi laj staq'uique.

Génesis 19:7

Xi laj yale: —Avocolicuc, chi'lactic, mu xapasic ti c'usi toj chopol ta j'ech'ele.

Génesis 42:37

Ti Rubene xi laj yalbe ti stote: —Vu'un ta jq'uel. Ac'bun jbain ti Benjamine. Ta xquic'bot sutel tal. Yan mi mu'yuc sut talel cu'une, xu' xamil ti cha'vo' jquereme.

Éxodo 32:22

Ti Aarone xi laj staq'ue: —Yojtot, mu xaviltaun, yu'un xana' lec ti jteclum li'e, ja' me'inem xa'iic ta spasel ti c'usi chopole.

Proverbios 9:7

Ti xatojobtas xa ti buch'u pimuneb xa'i sbae, ti mu'yuc xch'ulel xa'i sbae, ta xata yu'un ti utele, xchi'uc ti contrainele.

Isaías 58:7

Ma'uc no'ox taje, yu'un yorail ta xat'olbij xchi'uc ave'el avuch'om ta stojol ti oyic ta vi'nale, ta yiq'uel ech'el ta ana ti buch'u ch'abal ti snae, ta yac'bel sc'u' ti buch'u ch'abal yu'une, ti mu xavicta aba ta sventainel ti avinquilele.

Marcos 9:6

Ta xi'el xa ti yajchanc'optaque, mu stac' a'yeluc ta xa'iic c'usi xu' ta xal ti Pedroe.

Romanos 3:8

Ti jechuc ta melele, ¿c'u cha'al mu x'ochuc yipal ta spasel ti c'usi chopole yo' ta xvul ta loq'uel ti c'usi leque? Ti jech taje, yu'un oy jlom ta soquemal yo'ntonic ta xalic ti ja' jech ta xichanubtasvane. Ti buch'utic jech ta xalic taje, xtunic o ti stojicuc ya'iique.

Jueces 19:23

Ti yajval nae xi xvocolet xa laj yale: —¡Avocolicuc, jchi'iltac, mu jechuc xapasic! ¡Mu xa'ilbajinvanic! Yu'un ti vinic li'e naca no'ox cajch'om na.

Jueces 19:24

A'yio ava'iic, li' oy jun cantsil nich'on ti tojol tseb toe, xchi'uc xtoc li' oy yajnil ti vinique. Ta jloq'uesboxuc talel yo' jech ta xapasic ta stojol ti c'usi lec ta xava'iique. Ch'an utic, mu xapasbeic c'usi chopol ma' ti vinic li'e.

Jueces 9:15

Albatic yu'un ti ch'ix te'e, ti lec ta xa'i ti ta xc'ot ta ajvalil yu'unique. Ti mi ja' jech yo'ntonic melel ta xc'ot ta ajvalil yu'unique, ti scotolicuc ac'o yac' sbaic ta yolon squeovale. Yan ti mi mu sc'anic ti ta xc'ot ta ajvalil yu'unique, ta xloc' talel c'oc' ta stojol, ti ta sbal ta chiq'uel ta c'oc' ti ch'ut te'etic ti oy ta Líbanoe.