Génesis 19:3 - Bible in Tzotzil de Chamula

³ Manchuc mi jech laj yalic un, ti Lote tey ono'ox mu xa'ibe xchiquinal ta pajesvanej. Jech o xal un, ch'unbat, jmoj batic xchi'uc ta snae. C'alal c'otique, jech ti Lote lic xchapan lec xoc' xch'utic, yu'un laj smeltsan pan ti ch'abal yich'oj spajubtasobile. Jech ti jvu'laletique ve'ic.

Bible in Tzotzil de Chenalhó with Deuterocanon

³ Pero li Lote mu xlaj yo'nton ta yiq'uel batel, jech te la xch'unic; ibatic ta sna li Lote. C'alal ic'otique, li Lote lic smeltsan lec ve'lil xchi'uc pan ti mu'yuc yich'oj svolesubil xch'ute, jech ive'ic li jvu'laletique.

Génesis 19:3 Iomraidhean Croise

Génesis 19:2

Va'i un, xi laj yale: —Jtot jme'tac, abolajanic, avocolicuc, ech'uc avu'unic ti ac'ubaltic ta sna ti avajtunelune. Xu' xapoc avacanic tey. Sob oc'om xu' xatam batel ti abeique. Ti stuquique xi laj yalique: —Mo'oj, colaval. Xu' ta x'ech' cu'uncutic ti ac'ubal ta osiltique.

Génesis 21:8

Ti querem Isaaque muq'uib xa, laj yictabeic ti xchu'e. C'alal jech ictabil xa ti xchu'e, jech ti Abrahame lic spas jun muc' ta q'uin.

Génesis 24:31

Ja' yu'un un, xi c'ot yalbee: —Xnich'on Dios, la', batic ta jna. ¡Mu smeloluc ta xacomic ta osiltic ti c'alal laj xa jch'uba ti jnae, ti oy xa bu xu' ta xvayic ti acamellotac cu'une!

Génesis 26:30

Va'i un, ti Isaaque lic spas jun muc' ta q'uin. Jech ti stuquique lic ve'icuc uch'ubajicuc.

2 Reyes 4:8

Oy jun c'ac'al, ech' ta Sunem ti Eliseoe. Ti bu taje, nacal jun ants ti caj tsacal xa'i sbae, ti laj stsatsal pajes yo' co'ol ta xve' xchi'uquique. C'alal jujucoj ta x'ech' ti Eliseo ti bu taje, ta x'ech' ve'uc.

Éxodo 12:15

Vucub c'ac'al sjalil ta xave'ic pan ti mu'yuc yich'oj ti spajubtasobile. Yu'un ta xlic ta sliquebal sba c'ac'al ti ch'abal xa yich'oj spajubtasobil ti pan ta anaique. Buch'uuc no'ox ta sve' pan ti yich'oj spajubtasobil ti vucub c'ac'al taje, tenbil ta xloc' ta stojol ti israeletique.

Éxodo 12:39

Ti jech tacatic loq'uel ta jteclum Egipto ti israeletic yu'un ti egipcioetique, mu'yuc xa c'usi laj yutic ti laj smeltsanic ti ve'lile. Ja' yu'un un, laj sta'ajesic muc'tic pan ti vots'bil ta harina ti mu'yuc yich'oj ti spajubtasobile.

San Lucas 11:8

Ta xcalboxuc ava'iic, mu xlic yac'bot ti c'usi ta xtune manchuc mi lec xavil abaic xchi'uc. Le' une, ta xtavan xa'i ti xavulvun ta jmeque, ta xlic yac'bot ti c'usi ta xtun avu'une.

San Lucas 14:23

Ti ajvalile xi laj yalbe ti yajtunele: ‘Batan no'ox xtoc ta calleetic, ta bic'tal beetic yu'un ti jteclume. Tsatsal ic'o talel ti buch'utic ta xatae yo' ta xnoj ti jnae.

San Lucas 5:29

Ts'acal to, ti Levie lic spas jun muc'ul q'uin ta sna ta sventa ti Jesuse. Yepal no'ox ti jc'an-patan-taq'uinetic sventa Romae, xchi'uc yan jmoj chotolic ta sts'el sti'il ti mexae.

San Juan 12:2

Ti bu taje, laj yich' meltsanel ve'lil ta sventa ti Jesuse. Ti Martae ta xet'es jelavel ti ve'lile. Chotol ta sts'el sti'il mexa ec ti Lázaro ta xve'ic xchi'uc ti Jesuse.

1 Corintios 5:8

Tsots sc'oplal, sjunuluc o'ntonal xquich'tic ta muc' ti Cajvaltique, ti ma'uc capal xchi'uc ti mulile, xchi'uc ti c'usi chopol ta q'uelel jech c'u cha'al ti poco' spajubtasobil ti pane. Mi mu jechuc ta jpastique, melel unbi, co'ol j'elantic jech c'u cha'al ti pan ch'abal yich'oj ti spajubtasobile.

2 Corintios 5:14

Ja' sujbiluncutic yu'un syail xc'uxul yo'nton ti Cristo c'alal laj ca'ibecutic lec xchiquinal ti cham ta sventa jcotoltique, xchi'uc ti ja' ta sventa jcotoltic cham ti jpoco'-taleltique.

Hebreos 13:2

Oyuc slequil avo'ntonic ta xc'uxubinel ti buch'utic ta xc'ot ta anaique, yu'un oy bu jech c'ot ta pasel ti ja' ánjeletic laj yiq'uic ochel ta snaic ti mu ja'uc jutebuc laj sna'ique.

Jueces 6:19

Jech ti Gedeone bat, lic xchapan ta meltsanel jcot ch'in tentsun, xchi'uc jtob (20) litro juch'bil ninal trigo. Lic smeltsan pan ti ch'abal yich'oj ti spajubtasobile. Laj taj une, laj xch'am ech'el ta moch ti beq'uete, xchi'uc xchechoj ech'el ta bin ti scaltoale. Scotol laj yich' batel ti bu teq'uel ti tulane.

1 Samuel 28:24

Ja'uc ti ants une lic smil jcot jubem ch'in vacax ti ta snae. Lic svots' ninal harina yo' jech ta spas pimiquil pan ti mu'yuc ac'bil spajubtasobile.