Génesis 19:2 - Bible in Tzotzil de Chamula

² Va'i un, xi laj yale: —Jtot jme'tac, abolajanic, avocolicuc, ech'uc avu'unic ti ac'ubaltic ta sna ti avajtunelune. Xu' xapoc avacanic tey. Sob oc'om xu' xatam batel ti abeique. Ti stuquique xi laj yalique: —Mo'oj, colaval. Xu' ta x'ech' cu'uncutic ti ac'ubal ta osiltique.

Bible in Tzotzil de Chenalhó with Deuterocanon

² Jech laj yal: —Tata, avocolicuc ta jc'an te chbat vayanic jvoyuc ta jna. Xu' te xapoc avacanic. Ja' to sob oc'om xu' xabatic —xi. Itac'ovic: —Mo'oj, colavalbuncutic. Xu' li' no'ox chivaycutic ta xoral jvoyuque —xiic.

Génesis 19:2 Iomraidhean Croise

Génesis 18:4

Yu'un mi xu' to ta xajalijic cu'une, ta xcani c'an talel jutebuc vo' yo' xu' ta xapoc ti avacanique, xu' xacux jliqueluc ta squeoval te' mi laje.

Génesis 19:1

Ta xa x'ic'ub talel osil c'alal c'ot ti chib ánjeletic ta jteclum Sodomae. Jech ti Lote, ja' o chotol ta ochebal yu'un ti jteclume, ti bu ono'ox ta xc'ot stsob sbaic ti jnaclejetique. C'alal jech laj yile, va'i batel ta snupel ta be, ti snupilan xa banomil laj spatan sba ta lume.

Génesis 19:3

Manchuc mi jech laj yalic un, ti Lote tey ono'ox mu xa'ibe xchiquinal ta pajesvanej. Jech o xal un, ch'unbat, jmoj batic xchi'uc ta snae. C'alal c'otique, jech ti Lote lic xchapan lec xoc' xch'utic, yu'un laj smeltsan pan ti ch'abal yich'oj spajubtasobile. Jech ti jvu'laletique ve'ic.

Génesis 24:31

Ja' yu'un un, xi c'ot yalbee: —Xnich'on Dios, la', batic ta jna. ¡Mu smeloluc ta xacomic ta osiltic ti c'alal laj xa jch'uba ti jnae, ti oy xa bu xu' ta xvayic ti acamellotac cu'une!

Génesis 43:24

Ts'acal to un, laj yic' batel scotol c'alal to sna ti Josee. Laj yac'anbe vo' yo' jech ta spoc yacanic. Ja' jech xtoc ac'bat sve'el ti sburroique.

2 Samuel 11:8

Ts'acal to un, laj yalbe ti batuc ta snae, ti batuc smes ti yo'ntone. C'alal loc' batel ti Urias ta sna ti Davide, tacbat ech'el t'ujbil ve'lil ti ja' smoton yu'un ti Davide.

Job 31:32

mu jq'uelojuc ti ta x'ech' yu'un ac'ubaltic ta osiltique. Laj ono'ox quic'an ochel ta jna ti j'ech'el-beetique.

Proverbios 25:17

Ma'uc xapas ti xava'vun ta svu'lanel ti buch'u lec xavile, naca mi sti'joltaot.

Cantares 5:3

“Jloc'oj xa ox ti jc'u'e, tsots sc'oplal ta xlic jlap ta anil. Jpocoj xa ox ti cacantaque, ta xlic no'ox yac'beic xcuch pucuc xtoc un.”

San Lucas 7:44

Va'i un, ti Jesuse sq'uel xch'a batel ti antse, xi laj yalbe ti Simone: —¿Mi xavil ti ants li'e? C'alal li'och talel ta anae, mu'yuc xavac'bun vo' yo' ta jpoc ti coque. Ja'uc ti ants li'e, ta ya'lel sat laj spocbun ti coque, laj staquijes ta stsatsal sjol.

San Juan 13:5

Laj taj une, lic sq'ueb vo' ta pocob-c'obal. Lic spocbe yacan ti yajchanc'optaque. Laj scusbe o ti yacantac ta poc' ti c'amal ta xchucbenale.

Hechos 16:15

Laj yich' vo' xchi'uc ti yalab xnich'nabe. C'un to un xi laj sc'anbuncutic vocole: —Mi ta xavil jch'unolajelun ta melel yu'un ti Cajvaltique, la'ic, comanic ta jna. Laj sujuncutic yo' jech ta xicomcutic ta sna.

Hebreos 13:2

Oyuc slequil avo'ntonic ta xc'uxubinel ti buch'utic ta xc'ot ta anaique, yu'un oy bu jech c'ot ta pasel ti ja' ánjeletic laj yiq'uic ochel ta snaic ti mu ja'uc jutebuc laj sna'ique.