Génesis 19:16 - Bible in Tzotzil de Chamula

¹⁶ Ti ánjeletic ti xch'ayet no'ox ta xilic ti Lote, laj snitbeic batel sc'ob, ja' ti tal to xc'uxul yo'nton ti Dios ta stojole. Ja' jech xtoc nitbil batel sc'ob ti yajnile xchi'uc ti yantsil nich'one. Loq'uesatic batel ta lum yo' jech ta xcolic.

Bible in Tzotzil de Chenalhó with Deuterocanon

¹⁶ Pero li Lote muc xac'beic yipal smeltsanel sbaic, jech te nitbil iloq'uic batel yu'un j'almantaletic xchi'uc yajnil xchi'uc li chib stsebetique, yu'un c'uxubinbilic yu'un li Muc'ul Diose. Ta ti'lum to ay ac'aticuc, yu'un jech mu me xchamic.

Génesis 19:16 Iomraidhean Croise

Génesis 19:15

C'alal po'ot xa sacub talele, ti ánjeletique xi laj yalbeic ti Lote: —Sujo aba, batan ta anil. Ic'o batel ti avajnile xchi'uc ti cha'vo' avantsil nich'one mi mu xac'anic ti jmoj capal ta xachamic c'alal ta xcac'becutic castigo ti lum li'e.

Génesis 43:10

Ti manchucuc li' no'ox xijch'ayetotique, libatcutic xa, lisutcutic xa talel xchibal velta ti jechuque.

1 Crónicas 16:34

“Ti oy yutsil slequil ti Diose, colaval, utic, yu'un sbatel osil oy syail xc'uxul yo'nton.

Salmos 103:13

Jech stalel ma' ti Dios ta stojol ti buch'utic ta xich'ic ta muq'ue, co'ol s'elan jech c'u cha'al junuc totil ti oy sts'iquemal xcuchemal yu'un ta stojol ti xnich'nabe.

Salmos 106:1

Jun yutsil ta j'ech'el ma' ti Dios une. Colaval, utic ma' ti Diose, yu'un oy slequil yo'nton, yu'un sbatel osil oy ma' ti syail xc'uxul yo'ntone.

Salmos 106:8

Le' une, coltabilic yu'un ti Diose, ac'bat yilic ti smuc'ul stsatsal une, ta sventa ti ich'biluc c'otuc ta muq'ue.

Salmos 107:1

Colaval, utic ti Diose, yu'un oy slequilal yo'nton, yu'un sbatel osil oy ti syail xc'uxul yo'ntone.

Salmos 111:4

Ti c'usitic jun yutsil laj spase, bejel o ta o'ntonal ta xc'ot. Jun yutsil, oy sts'iquemal xcuchemal yu'un ti Diose.

Salmos 118:1

Colaval, utic ti Diose, yu'un oy yutsil slequil yo'nton, yu'un sbatel osil oy syail xc'uxul yo'nton.

Salmos 119:60

Ta ora no'ox laj jsuj jba, mu'yuc xjalij cu'un ta yabtelanel ti amantaltaque.

Salmos 136:1

Colaval, utic ti Diose, yu'un oy slequil yutsilal, yu'un sbatel osil oy syail xc'uxul yo'nton.

Salmos 32:10

Ti buch'utic mu'yuc xch'ulel xa'i sbaique, mu x'ech' ti svocolic une, ja'uc ti buch'utic spatoj yo'ntonic ta stojol ti Diose, volibilic ta syail xc'uxul yo'nton.

Salmos 33:18

Ti buch'u yich'ojic ta muc' ti Diose, ti spatoj yo'ntonic ta sventa ti syail xc'uxul yo'ntone, le'e, chabibilic yo' jech mu xcham xlajic; mu'yuc taqui ti'il ta xa'iic c'alal yorail ti vi'nale.

Salmos 34:12

¿Mi jal ta xach'i xac'opoj ava'i? ¿Mi ta xac'upin ava'i ti ach'iel ac'opojele?

Salmos 86:15

Le' une, Cajval, Diosot ti mu xatuch'van ta o'ntonale, ti c'ux ta xa'a'yivane, oy sts'iquemal xcuchemal avu'un, melel ono'ox oy syail xc'uxul avo'nton.

Salmos 86:5

Ti vo'ot une, Cajval, oy yutsil slequil avo'nton, ta xach'ay ti mulil colo'ile; yepal no'ox syail xc'uxul avo'nton ta stojol ti buch'u xvocolet ta atojole.

Éxodo 34:6

Yu'un xi tsots c'opoj ti c'alal ech' ta sts'el ti Moisese: —¡Ti vu'un Ajvalilune! ¡Ti vu'un Ajvalilune! ¡Diosun ti mu xitenvan xijipvane, ti oy xpuxulil sts'iquemal cu'une, ti jelavem ti syail xc'uxul co'ntone, ti xc'ot xic'opoje!

Éxodo 34:7

Yu'un sbatel osil staoj yav ta xcac' ta ilel ti syail xc'uxul co'ntone. Ta jch'ay ti toyobbail yu'un ti mulil colo'ile. Ja' no'ox un, mu teyuc no'ox jq'ueloj ti buch'u jech ono'ox ti smule. Yu'un ta ono'ox cac'be stoj xtoc ti c'usi chopol ta spasic ti totil me'iletique, ti c'usi ta spasic ti alab nich'nabiletique, ti momiletique, xnich'nab ti momiletique, xchi'uc smom ti momiletique.

Isaías 63:9

Scotol ti vocol lamal ta stojolique, cajal c'ot ta sba. Yu'un mu yanuc buch'u ti jpojvanej yu'unique, ja' laj sva'an sba talel stuc ti Diose. Pojeic yu'un ta sventa yutsilal slequilal, xc'uxul yo'nton. Laj stam, laj snit liquel. Jech ono'ox stalel ta spas.

Lamentaciones 3:22

ja' ti mu'yuc spajeb syail xc'uxul yo'nton ti Diose, ti mu'yuc lajem sc'oplal ti yutsilal slequilale.

Números 14:18

ti mu xana' xacap ta anile, ti jelavem ti xc'uxul avo'ntone, ti xana' xatub ti toyobbaile, ti c'usi chopole, ac'o mi ta ono'ox xavac'be stoj ti buch'u chopole. Yu'un ta ono'ox xavac'be stoj smulic ti totil me'ile, ti ta sta ta maquiel xtoc ti nich'nabile, ti momiletique, ti yialmomiletique, ti smomic xtoc ti yialmomiletique.

San Lucas 18:13

Ja'uc ti jc'an-patan-taq'uine, ta patil nijil com ta q'uexlal. Mi ja'uc jutebuc stoy muyel ti sat ta vinajele. Ja' no'ox smajolan xa ti sti' yo'ntone, ti xi laj yale: ‘Ch'ul Dios, c'uxubinun, yu'un jsa'mulilun.’

San Juan 6:44

Mu'yuc buch'u junuc xu' ta xtal ta jtojol mi ma'uc ic'bil talel yu'un ti Jtot ti laj stacun talele yo' ta jcha'cuxes ta slajeb ti c'ac'ale.

Romanos 9:18

Va'i un cha'e, ti Diose ta xc'uxubin ti buch'u ta sc'an ta xc'uxubine. Ta spucujibtasbe yo'nton ti buch'u ta sc'an ta spucujibtasbee.

2 Corintios 1:3

La' jlequil-c'opontic ti Diose, Stot ti Cajvaltic Jesucristoe, yu'un ti Jtotique, stalel c'uxotic ta yo'nton, ta spatbotic ti co'ntontique.

Deuteronomio 4:31

ja'uc ti stuc une, ti jech mu albajuc ti yutsil slequil yo'ntone, mi ja'uc xastenoxuc comel. Mi ja'uc ti ta xastsutsesoxuc ta j'ech'ele. Mi ja'uc ta xch'ay ta yo'nton ti strate laj spas xchi'uc ti amolmuc'totic ti laj ech'icuc ta vo'nee, ti laj sva'an sba ta yalel ti ta xc'ot ta pasel yu'une.

Deuteronomio 5:15

Mu xch'ay xava'i ti mosovinbiloxuc to ox la'ech'ic ta Egiptoe, ti laj sloq'uesot talel ti Ajvalil Dios avu'un ti bu taje, yu'un laj slaman ti smuc'ul stsatsale. Jech o xal ti Ajvalil Dios avu'une ta xalbot mantal ti c'otuc ta pasele, ich'o ta muc' ti sc'ac'alil cuxob o'ntonale.

Deuteronomio 6:21

Va'i un, xachi ta xatac'beique: ‘Ti ta Egiptoe, mosovinbiluncutic to ox yu'un ti faraone. Ja'uc ti Ajvalil Dios une, ta smuc'ul stsatsal laj sloq'uesuncutic talel ti bu taje.

Deuteronomio 7:8

Ti Diose, ta smuc'ul stsatsal laj spojoxuc loq'uel talel ta yoc ta sc'ob ti faraón ti bu to ox mosovinbiloxuc ta Egiptoe, yu'un c'uxoxuc ta yo'nton. C'otuc la ta pasel yu'un ti strate ti yaloj no'ox ta stojol ti amolmuc'totic laj ech'icuc ta vo'nee.

SUN TITO 3:5

laj scoltaotic, ma'uc ta sventa ti oy c'usi lec laj jpastique, yu'un ja' no'ox c'uxubaj yo'nton ta jtojoltic ti laj scoltaotic ta sventa ti laj smes laj stusotic ti Ch'ul Espíritue, ti laj svoq'uesotic ta ach' ta stael ti ach' cuxlejale.

Josué 6:22

Ti Josuee xi laj yalbe ti cha'vo' jpa'ivanej jq'uel-osile: “Batanic ta sna ti ants ti sna' sbolomalin sbae. Yu'un loq'uesic talel xchi'uc scotol ti c'u yepal oy ta snae jech c'u cha'al laj ava'an abaic ta yalbele.”

2 Pedro 2:7

Ja'uc ti Diose laj scolta ti Lote, ti jun lequil tuq'uil vinique, ti oy ta at o'nton c'alal laj yil ti chopol xcuxlejalic ti chopol jnaclejetic ta banomile.

2 Pedro 2:9

Ti Cajvaltique ta spoj ta scolta ti buch'u nabalic ta stojol c'alal oy ti svocolique, xchi'uc caj chapal xa yu'un ta stsits ta xchapanel c'alal ta sta sc'ac'alil ti buch'utic toj chopolique.