Génesis 17:1 - Bible in Tzotzil de Chamula

¹ C'alal yich'oj xa balunlajuneb yo'vinic (99) jabil ti Abrame, laj yac' sba iluc ti Dios ta stojolal ti xi albate: —Vu'un Diosun ti scotol xu' cu'une. Tamo ta spasel ti c'usi lec tuc' ta xquil ta jba ta jsate.

Bible in Tzotzil de Chenalhó with Deuterocanon

¹ C'alal yich'oj xa'ox balunlajuneb yo'vinic (99) jabil li Abrame, li Muc'ul Diose laj yac' sba ta ilel ta stojol yan velta. Jech laj yalbe: —Vu'un Diosun ti scotol xu' cu'une. Tuc'uc me avo'nton ta jtojol. Mu me c'usi chopol xapas.

Génesis 17:1 Iomraidhean Croise

Génesis 12:1

Oy jun c'ac'al, xi albat yu'un Dios ti Abrame: “Ictao comel ti avosil abanomile, ti avuts' avalaltaque, xchi'uc sna ti atote yo' jech ta xabat ta banomil ti bu ta xcac'bot avile.

Génesis 12:7

Ti bu taje, laj yac' sba iluc ti Diose, ti xi laj yale: “Ti banomil li'e, ja' ta xcac'be yich' ti anitilultaque.” Va'i un, ti Abrame laj sva'an jun altar ta sventa yich'obil ta muc' ti Diose, yu'un laj yac' sba iluc ta stojol.

Génesis 16:16

Ti Abrame yich'oj xa vaquib yo'vinic (86) jabil c'alal voc' ti Ismaele.

Génesis 18:1

Nopol nan o'lol c'ac'al, ti Diose laj yac' sba iluc ta stojol Abraham c'alal chotol ta xcux yo'nton ta sti' yaxibalna ti oy ta tulantic yu'un ti Mamree.

Génesis 18:14

¿Mi yu'un la oy c'usi tsots ta xa'i ti mu xc'ot ta pasel yu'un ti Diose? Ta x'ech' jvu'lanot li' ta yan jabile. Va'i un, ti Sarae ta sta jun squerem ol.

Génesis 24:40

Va'i un, ti stuque xi laj stac'bune: ‘Nabalun ta spasel ti c'usi ta sc'an ti Diose. Ta stacbot talel junuc yaj'ánjel ta atojol yo' jamal lec abe axaneb bu ta xac'ot, yo' jech ta xat'ujbe talel junuc yajnil ti jquerem ta stojol scotol ti antsetic ti ja' jnamtal uts' alaltaque. Ti lec xcaltique, yuts' yalaltac ti jtote.

Génesis 26:2

Ti bu taje, laj svinajes sba ti Dios ta stojolale, ti xi albate: “Mu xabat ta lum Egipto, ta xcom naclan ti bu ta xlic cac'bot avile.

Génesis 28:3

Ti Dios scotol xu' yu'une, ac'o sva'an sba ta atojol. Ac'o yac'bot ep anitilultac yo' jech ta xlic ayanuc epal muc'tiquil lumetic ta aventa.

Génesis 35:11

xi albate: “Vu'un Diosun ti scotol xu' cu'une; ta xcac' epajuc anich'nabtac xchi'uc anitilultac. Ta aventa vo'ot ta xlic ayanuc muc' ta lum xchi'uc epal jteclumetic, ta sventa ti anitilultaque, ta xlic ayanuc talel ajvaliletic.

Génesis 43:14

Ti Dios scotol xu' yu'une, ac'o sva'an sba ta atojolic yo' jech ta xc'uxubaj yo'nton ti vinic ta atojolic ta scolta talel ti jun achi'ilic ta voq'uele, xchi'uc xtoc ti Benjamine. Mi jech ta xc'ot ta pasel ch'abal junuc ti jnich'on ta xcome, ¡jechuc ti ch'abaluc ti jnich'one!

Génesis 46:3

Ja' yu'un un, xi albat yu'un ti Diose: —Vu'un Diosun. Dios yu'un ti atote. Mu xaxi' ta xabat ta Egipto. Yu'un ti bu taje, ta xlic quepajes ti anitilultaque. Ta xc'otic liquel ta jun muc' ta jteclum.

Génesis 48:15

Va'i un, xi s'elan yich' c'anbel slequilal ti Josee: “Ti Dios ti Buch'u laj yich'ic ta muc' ti Abrahame, ti Isaac ti jtot jme' laj ech'icuque, ti Dios taje, ja' ti Buch'u laj xchabiun talel c'alal livoq'ue,

Génesis 48:3

Xi laj yalbe ti Josee: —Ti Dios scotol xu' yu'une laj sva'an sba ta jtojol. Laj yac' sba iluc ta jteclum Luz ti oy ta Canaán banomil

Génesis 5:22

Ti Enoque jun yo'nton cuxi xchi'uc ti Diose. Cuxi to batel vo'lajunvinic (300) jabil ti c'alal voq'uem xa ox ti Matusalene. Laj to yil squerem stsebtac.

Génesis 5:24

Ti jech jun yo'nton cuxi xchi'uc Dios ti Enoque, oy jun c'ac'al, sac ch'ay batel, yu'un iq'ue batel yu'un ti Diose.

Génesis 6:9

Ti li'e, ja' sc'oplal ya'yejal ti Noee: Ti Noee lequil vinic, yu'un tey ono'ox ta spas ti c'usi ta sc'an ti Diose. Ti ta scotol ti jnaclejetic ti jech ora taje, ja' no'ox stuc ti yac'oj yo'nton ta spasel ti c'usi oy ta yo'nton ti Diose.

1 Reyes 2:4

Ja' jech xtoc, yo' jech ta xc'ot ta pasel strate ti Dios ti yalojbune, ti mi sjunul yo'ntonique, sjunul xch'ich'elic ta stuc'ulan sbaic, ta stamic batel ti jnich'nab ti c'usi ta sc'an pasbel ti stuque, oy ono'ox buch'u ti jnitilultaque ta x'och ta ajvalil yu'un ti Israele.

1 Reyes 3:6

Ti Salomone xi laj staq'ue: “Mu no'ox albajuc yutsil avo'nton laj ac'uxubin ti David ti jtote, ti yutsil slequil yo'nton laj yac' sba ta tunel ta atojole, ti mu yanuc sjol sbaquile, ti xa'ibe sni' xchiquinal ti ech' ta atojole. Jech o xal ta yutsil slequil avo'nton laj ac'uxubin, ti la'abolaj ti laj avac'be jun xnich'on choti ta pas mantal ti bu to ox chotole jech c'u cha'al c'ot ta pasel avie.

1 Reyes 8:25

Ja' yu'un un cha'e, Ajvalil, Dios yu'un ti Israele, c'otuc me ta pasel avu'un ti xi s'elan laj avalbe ya'i ti avajtunel David ti ja' jtote: ti oy sc'oplal jun snitilul ta x'och ta ajvalil avu'un ta sventa ti Israele. Ja' no'ox un, tsotsuc sc'oplal ta sq'uel sba ta stuc'ulan sba ti xnich'nab ta jtojol jech c'u cha'al laj spas ti stuque.

2 Reyes 20:3

“Cajval, avocoluc, mu xch'ay xava'i ti sjunul co'nton laj cac' jba ta tunele, ti jamal lec co'nton laj jpas c'usi ta xac'ane.” Lic smil sba ta oq'uel un.

Job 1:1

Ti ta yosilal jteclum Uze, nacal jun vinic ti sbiinoj Jobe, ti lec stuc'ulanoj sbae. Lec ti xcuxlejale. Jun lequil yajtunel Dios ti xchabioj sbae, ti mu'yuc buch'u oy c'usi chopol ta spasbee.

Job 11:7

¿Mi yu'un xu' avu'un avaloj ta ya'yiel ti c'usi mu na'bajuc snopoj ti Dios ti oy ta yutil yo'ntone?

Salmos 115:3

Oy ta vinajel ma' ti Dios cu'untique; laj xa smeltsan scotol ti bu xa c'alal xal ti yo'ntone.

Salmos 116:9

Jch'unej-mantalun lic'ot yu'un Dios ta stojolic ti buch'u cuxulic ta banomile.

Salmos 25:14

Lec xil sbaic xchi'uc Dios ti buch'u ta x'aq'ue ich'el ta muc' yu'une, ta x'ac'bat yojtiquinic yu'un ti stratee.

Éxodo 6:3

Ti jbiinoj Dios ti scotol xu' cu'une, laj cac' jba iluc ta stojol ti Abrahame, ti Isaaque, ti Jacobe. Ja' no'ox un, mu'yuc laj jvinajes AJVALIL xi ti jbats'i bi ta stojolique:

Proverbios 10:9

Ti buch'u mu'yuc c'usi chopol spasoje, mu'yuc xi'el ta xa'i, ja'uc ti buch'u chopol stamoj batele, ta scoj xchopolal ta sta svocol xchi'uc.

Isaías 38:3

“Avocoluc, Dios, vuleso ta ajol ti ta slequil jol co'nton ti c'u s'elan laj cac' jba ta tunel ta atojole, ti ja' laj jpasilan ti xamuyubaj yu'une.” Lic smil sba ta oq'uel un.

Jeremías 32:17

‘Cajval, ti ta sjunul amuc'ul atsatsal laj ameltsan ti vinajele ti banomile. Ma'uc ma' ti mu'yuc c'usi ta xc'ot ta pasel avu'une.

Daniel 4:35

Yu'un ta sba ta sat ti stuque, mu'yuc c'usi xu' yu'unic ta xil scotol ti jnaclejetic ta banomile. Yu'un ja' ta xc'ot ta pasel yu'un ti c'usi snopoj stuque. Ja' ta spas mantal ta vinajel xchi'uc li' ta banomile. Mi junuc ti oy buch'u xu' yu'un ta spajesel ti c'usi oy ta yoc ta sc'ob ta spasele. Mi ja'uc oy buch'u xu' ta sjac'be ti c'u yu'un jech ta snop ta spasel ti c'ot ta nopel yu'un jech c'u cha'al le'e.

Miqueas 6:8

Uni vinic, xi s'elan albilot yu'un Dios ti smalaoj ac'o apas ti leque: Baino a spasel ti lequil chapanele, ti junuc avo'ntone, xchi'uc ti biq'uituc xavac' aba ta yich'el ta muc' ti Dios avu'une.

Números 11:23

Va'i un, xi tac'bat yu'un ti Diose: —¿Mi ta xanop ti juteb no'ox ti jmuc'ul jtsatsale? Ti jech laj cal taje, ta xavil mi ta xc'ot ta pasel cu'un, mi mo'oj.

Números 24:16

C'alal ta xbat ti xch'ulele, x'ech' to ta xvinaj ti c'usi ta sta ta q'uelel talele, ta yojtiquinel ti c'usi xojtiquin ti Dios ti oy ta toyol cajale, ti oy c'usi ta x'ac'bat sna' ta yalel ti c'usi sna'e, ti oy c'usi jchop o ta xil ta sventa ti Dios ti scotol xu' yu'une.

San Mateo 19:26

Ti Jesuse laj sq'uel ti yajchanc'optaque, xi laj yalbee: —Ta xcalboxuc ava'iic ta melel, mu'yuc ono'ox buch'u xu' yu'unic, ja'uc ti Diose xu' ta spas scotol.

San Mateo 5:48

Oyuc yutsil avo'ntonic jech chac c'u cha'al oy yutsil yo'nton ti Dios oy ta vinajele —xi ti Jesuse.

San Lucas 1:6

Xchibalic staojic ti lec x'ileic yu'un ti Diose, xch'unojic lec ta spasel mantal xchi'uc ti oy c'usi tsots sc'oplal albil yu'un ti Diose, ti mu'yuc buch'u jun sa'bun ti smulique.

Hechos 23:1

Ti Pabloe laj sq'uel batel ti jchapanvanejetique, xi laj yale: —Jchi'iltac, ti c'usi laj xa jpas talele, mu'yuc jmul xca'i ta stojol ti Diose.

Hechos 24:16

Jech o xal ta xcac'be yipal ta sq'uelel stuc'ulanel jba yo' mu jta jmul ta stojol ti Diose xchi'uc ta stojol ti jnaclejetic ta banomile.

Efesios 3:20

Ti jech oy smuc'ul stsatsal ti Diose, x'ech' to xu' ta xac'botic ti c'usi ta jc'antique, ti c'usi ta jnoptique. Avi tana une, ich'biluc ta muc' ti Dios ti ta x'abtej ti smuc'ul stsatsal ta jtojoltique.

Deuteronomio 10:17

Yu'un ti Ajvalil Dios avu'unique, ja' Dios yu'unic ti diosetique, Ajvalil yu'unic ti ajvaliletique. Ja' stuc no'ox Dios ti cajal sc'oplal ta scotole, ti xi'bal sba jelavem xu' yu'une, ti mu sna' spas ti jeltos yo'ntone, ti mu ja'uc sna' xchon sba ta matanale.

Deuteronomio 18:13

Yu'un ti vo'oxuque, tsotsuc sc'oplal c'otuc ta pasel avu'unic ti j'ech'eluc junuc avo'ntonic ti lecuc xavil abaic xchi'uc ti Diose.

Deuteronomio 30:20

C'uxuc xava'iic ti Ajvalil Dios avu'unique. Ch'unbeic ti c'usi ta sc'an pasbele. Co'oluc avo'ntonic xchi'uc. Yu'un ja' sbainoj ti acuxlejalique. Ta sventain stuc ti jaluc cuxianic ta lum ti laj sva'an sba ta rextico stuc ti ta xac'be yich' ti Abrahame, ti Isaaque, ti Jacobe, ja' ti amolmuc'totic ti laj ech'icuc ta vo'nee.”

Filipenses 4:13

Xu' cu'un scotol ta sventa Cristo, yu'un ja' ta xiyac'bun jtsatsal.

Hebreos 12:28

Ti ventainel yu'un ti Dios ti ta xijyac'botique, mu stac' niquesel. Col lij'albat yu'un taje, nijiletcutic, chimiletcutic ta yoc ta sc'ob ta yalbel vocol, xchi'uc ta yich'el ta muc' ti c'u s'elan lec ta xil ti stuque.

Hebreos 7:25

Jech o xal sbatel osil xu' spoj scolta ti buch'utic ta xnopajic batel ta stojol ti Diose, yu'un j'ech'el cuxul sbatel osil yo' ta sc'anbe vocol ti Dios ta stojolique.