Génesis 16:2 - Bible in Tzotzil de Chamula

² Ja' yu'un un, xi laj yalbe ti Abrame: —Q'uel avil, ti Diose mu xac' alajcun. Ta jc'anbot vocol ta atojol, chi'ino ta vayel ti jmosov Agare. Xu' nan ta jta col yu'un ti antse. Ti Abrame laj xch'un ti jech i'albat yu'un ti Saraie.

Bible in Tzotzil de Chenalhó with Deuterocanon

² Ja' yu'un li Saraie jech laj yalbe li Abrame: —Q'uelavil, li Muc'ul Diose mu'yuc chiyac'bun col. Avocoluc chi'ino li jquiara Agare. Oy yic'al ja' sna' x'alaj, jech ja' col chc'ot li yole —xi. Li Abrame la xch'un c'usi i'albat yu'un li yajnile.

Génesis 16:2 Iomraidhean Croise

Génesis 11:30

C'u stu un, ti Saraie mu sna' x'alaj, yu'un machero.

Génesis 17:16

Ta jts'uiltas, ta xcac'bot jun aquerem ta sventa ti antse. Melel, ta jts'uiltas. Yu'un ti antse, ta xc'ot ta me'il yu'un ti epal muc'tiquil lume, yu'un naca ajvaliletic yu'un jteclumetic ta xbat ti snitilultaque.

Génesis 18:10

Oy jun yu'unic xi laj yale: —Ta xtal jvu'lanot li' c'alal junabie. Ti jech ora taje, ta sta jun squerem ol ti avajnil Sarae. Jech ti Sarae ts'etel xchiquin ta xa'i ta ochebal yut sna ti va'i s'elan ta xlo'ilajic ti Abraham xchi'uc ti jvu'laletique.

Génesis 19:31

Oy jun c'ac'al, ti vixile xi laj yalbe ti smuque: —Mol xa ti jtotique. Ti jech li' nacalotique, mu'yuc viniquetic ta xiyic'otic jech c'u cha'al oy ono'ox sc'oplale.

Génesis 20:18

Yu'un ja' ta scoj ti Sarae, ti Diose laj smacbe yalajeb ti antsetic oyic ta sna ti Abimelec ti mu xu' x'alajique.

Génesis 25:21

Ti Rebecae mi ja'uc x'alaj. Jech o xal ti Isaaque laj sc'anbe vocol Dios ta sventa ti yajnile. A'yibat yu'un Dios ti sc'opojel sti'inele. Jech ti Rebecae lic xchi'in ti yole.

Génesis 3:12

Ti vinique xi laj staq'ue: —Ti ants ti laj avac'bun ta jchi'ile, laj yac'bun ti sat te'e, laj jlo' ec.

Génesis 3:17

Xi albat ti vinique: —Ti jech laj ach'unbe sc'op ti avajnile, ti laj alo' ti sat te' ti laj calbot ti mu xu' xalo'e, ta scoj amul ti ta soc ti banomile. Ta xavel achic' ava'lel ta tsots abtel yo' ta xata ave'el ti c'u sjalil cuxulot ta banomile.

Génesis 30:22

Ti Diose mu'yuc laj xch'ay ta yo'nton ti Raquele. A'yibat ti sc'ope. Ac'bat ti squeremtaque.

Génesis 30:6

Ja' yu'un un, ti Raquele xi laj yale: “Ti querem li'e ta sbiin Dan, yu'un laj ya'ibun jc'op ti Diose. Laj sva'an sba ta jtojol, yu'un laj yac'bun jun jquerem.”

Salmos 127:3

Ti calab jnich'nabtic ti chlaj voc'uque, ja' lequil c'uxubinel ta j'ech'el yu'un ti Diose.

Éxodo 21:4

Mi ja' ac'bat yajnil yu'un ti yajvale, mi laj yil jun squereme, mi jun stseb ti antse, va'i un, ti antse xchi'uc ti yalabe, ta xcom ta yoc ta sc'ob ti yajvale. Stuc smeyoj loq'uel yoc sc'ob ta xbat ti mosovile.

Rut 4:11

Ti moletique xchi'uc scotol ti c'u yepal joyolique, xi laj staq'uique: —Melel ava'uc unbi, rexticouncutic. Ti ants ti ta x'och ta anae, ¡ac'o sva'an sba ti Dios ta stojole jech c'u cha'al c'ot ta stojol ti Raquele xchi'uc ti Leae, ti jcotoltic lic talel jts'unubaltic yu'unic ti vo'otic ti israelotique! Ti vo'ote ja'uc junuc vinicot ti caj tsacal xava'i aba li' ta Efratae, ti ja'uc junuc vinicot ti ich'bilucot ta muc' li' ta Belene.