Génesis 15:8 - Bible in Tzotzil de Chamula

⁸ —Ja' no'ox un, Cajval, Ch'ul Dios ¿c'usi xcut ta jna' mi jbel sc'oplal ta xcosilin ti banomil li'e? —xi laj stac' ti Abrame.

Bible in Tzotzil de Chenalhó with Deuterocanon

⁸ Itac'ov li Abrame: —Cajval, Muc'ul Dios, ¿c'u x'elan xu' ta jch'un me ta melel jbel sc'oplal chavac'bun quich' li osil li'i? —xi.

Génesis 15:8 Iomraidhean Croise

Génesis 15:9

Va'i un, xi albat yu'un ti Diose: —Ich'bun talel jcotuc ch'in me' vacax ti yich'oj oxib jabile, xchi'uc jcot tot tentsun ti yich'oj oxib jabile, xchi'uc jcot tot chij ti yich'oj oxib jabile, xchi'uc jcot tórtola, xchi'uc jcot paloma.

Génesis 28:4

Ac'o yac'bot xchi'uc anitilultac ti slequilal Dios albil ta x'ac'bat ti Abrahame yo' jech ta xacomic ta yajval ti banomil li' bu nacalotic co'ol s'elan jyanlumotique, yu'un albil ono'ox ta x'ac'bat ti Abrahame.”

Génesis 50:24

Oy jun c'ac'al un, ti Josee xi laj yalbe ti xchi'iltac ta voq'uele: “Jutuc xa sc'an xicham. Le' une, ja' no'ox Dios ac'o xtal stic' sba ta scoltaeloxuc yo' jech ta sloq'uesoxuc batel li' ta muc' ta lume, yo' jech ta xic'oxuc batel ta banomil bu albilic ono'ox ta x'ac'batic ti Abrahame, ti Isaaque, xchi'uc ti Jacobe.

2 Reyes 20:8

Va'i un, ti Ezequiase xi laj sjac'be ti Isaiase: —¿C'usi svinajeb ta xquil yo' jech ta jna' ta xipoxtaj yu'un ti Diose, xchi'uc ti li' ta yoxibal (3) c'ac'al xu' ta xibat ta xch'ulna ti Diose?

Salmos 86:17

Vinajesbun ti oy yutsil slequil avo'ntone; mi vinaj une, nijil ta xc'otic ta q'uexlal ti buch'u xti'et sjolic ta jtojole. Ti vo'ot une, Cajval, coltaun un, patbun co'nton.

Isaías 7:11

“C'anbo ti Ajvalil Dios avu'une, ti ac'o yac'bot avil c'usi jchop o ta q'uelel ti ta xc'ot ta senyail avu'un ta xlic talel ta yolon to ti banomile, mi ja' ti ta xlic talel ti bu xa slajeb toyole.”

Jeremías 34:18

Ta xcac' ya'iic ta c'abal ti buch'utic mu'yuc xaq'uic ta venta ti tratee, ti mu'yuc yip laj ya'iic ti c'op ti laj yac' strateic ta jtojol ti c'alal laj spasic ta cha'xet' ti ch'in vacaxe, ti ech'ic ta o'lol ti bu xet'ajtique.

Jeremías 34:19

Ta xcaq'uic ya'i ta c'abal ti banquilaletic ta Judae, ti banquilaletic ta Jerusalene, ti jtunel ta sna ti ajvalile, ti paleetique, xchi'uc scotol ti jnaclejetic ta banomil ti jelavic batel ti bu xet'ajtic ti ch'in vacaxe.

San Lucas 1:18

Ti Zacariase xi laj sjac'be ti anjele: —¿C'usi xcut ta jna' mi melel jech ta xc'ot ta jtojol ti va'i s'elan taje? Yu'un molun xa. Ja' jech ec ti cajnile, me'el xa.

San Lucas 1:34

Ti Mariae xi laj sjac'be ti anjele: —¿C'uxi ono'ox la ta xc'ot ta pasel c'alal mu'yuc to jchi'uc vinique?