Génesis 15:1 - Bible in Tzotzil de Chamula

¹ C'alal laj ti va'i s'elan taj une, ti Abrame ta jech to yepal jam sba sat, ja' o xi albat yu'un ti Diose: —Mu xaxi', Abram, yu'un vu'un avajpojobbailun. Yu'un ti matanal ti oy sc'oplal ta xc'ot ta atojole, mu xa ono'ox albajuc yepal ta xbat.

Bible in Tzotzil de Chenalhó with Deuterocanon

¹ Ts'acal to, li Muc'ul Diose la sc'opan ta xvayech li Abrame, jech laj yalbe: —Mu xaxi' Abram. Vu'un jchabivanejun avu'un. Li amotone toj ep chata —xut.

Génesis 15:1 Iomraidhean Croise

Génesis 15:2

Ti Abrame xi laj staq'ue: —Cajval, Ch'ul Dios, ¿c'usi xtun o ti ta xavac'bun ep ti jmotone c'alal xana' lec ch'abal ti jnich'nabe?

Génesis 15:4

Ti Diose xi laj staq'ue: —Ti buch'u ta xich' comel ti c'usi x'ayan avu'une, anich'on atuc, ma'uc yan.

Génesis 21:17

Ti Diose laj ya'i ta x'oc' ti quereme. Jech ti yaj'ánjel Diose, ta vinajel to, laj yavta ti Agar ti xi laj yalbee: “¿C'u cha'alot, Agar? Mu xaxi'. Yu'un ti Diose laj ya'i ta x'oc' ti aquerem bu oye.

Génesis 22:1

Ech' c'u sjaliluc un, ti Diose lic sq'uelbe c'u s'elan yo'nton ti Abrahame. Jech ti Diose xi laj yalbee: —Abraham. —Li' oyune —xi laj staq'ue.

Génesis 22:20

Ech' xa ox c'u sjaliluc, ti Abrahame laj ya'ibe sc'oplal ti Nacor ti ja' xchi'il ta voq'uele, ti laj xa yil yan yol ti Milca yu'une.

Génesis 26:24

Ta yac'ubalil taje, laj yac' sba iluc ti Dios ta stojolale, ti xi albate: “Diosun yu'un ti atot Abrahame. Mu xaxi', yu'un li' jchi'inojote. Ta sventa ti cajtunel Abrahame, ta jva'an jba ta atojolal, yu'un ta xcac' epajuc ti anitilultaque.”

Génesis 31:7

Jech ti stuque laj xa slo'laun. Yu'un sjelilan ono'ox ti jtojole. Manchuc mi jech ta spas un, yu'un ti Diose mu xiyac'un ta ilbajinel.

2 Samuel 22:3

Ti Diose, co'ol s'elan jbej muc' ta ton ti snac'ojun leque, ti c'otem ta jun jmacobbaile, ti cuchem yu'un ta spojelune, ti ta toyol to nac'alun yu'une, ti c'otem ta toyol jpojobbaile, ti c'otem ta jcoltavaneje. Laj atic' aba ta spojelun ti c'alal tsots ta j'ech'el ti jvocole.

2 Reyes 1:15

Ja' yu'un un, ti yaj'ánjel Diose xi laj yalbe ya'i ti Eliase: —Chi'ino batel. Mu xaxi' yu'un. Jech ti Eliase yal talel ti bu oye. Laj xchi'in batel ti banquilal jpas-mantal yu'un ti soldadoe yo' jech ta xbat ta stojol ti ajvalile.

1 Crónicas 28:20

Va'i ti David une xi laj yalbe ti Salomone: “¡Tsotsan, j'ech'eluc, va'ano aba, liqueso ti avabtele! ¡Mu xatsiq'ues avo'nton, mi ja'uc xaxi'. Ti Ajvalil Dios cu'une ta xchi'inot! Ti c'u sjalil ta xc'ot ta tsutsel scotol ti abteletic ti tsots sc'oplal ta xtun ta ch'ulnae, j'ech'el sva'anoj sba ta atojol, mi ja'uc xayictaot comel.

Salmos 115:10

Pato avo'ntonic ta stojol ti Diose, paleetic. Ja' ta xiscoltaotic, ta xispojotic.

Salmos 119:114

Yu'un vo'ot jpojvanej jnac'vanej c'otemot cu'un, yu'un ta sventa ti ac'ope, ja' jpatoj co'nton yu'un.

Salmos 142:5

Xi'avet ta atojol, Cajval, ti xi ta xcalbote, Dios: “C'otemot ta jnac'obbail; atuc no'ox jech ti spajeb oyot ta jtojole.”

Salmos 18:2

Ti vo'ote, Dios, jpojobbailot, c'otemot ta jnac'obbailot, ta jcoltavanejot, jnac'obbail ton c'otemot, c'otemot ta jmacobbail ti co'ol s'elan oy ta toyol to ti nac'alun avu'une.

Salmos 27:1

Ti Dios une, sac jaman no'ox ta jtojol, jpojvanej cu'un, ¿mi oy la buch'u ta xac'bun xi'el? Ti Diose ta stic' sba ta jpojel un, ¿buch'u la ta xixi' yu'un un?

Salmos 3:3

Ja'uc ti vo'ote, Dios, c'otemot ta jmacobbail, ta jpojobbail, ta cutsil jlequilal, ta xcha'ac'bel yip ti co'ntone.

Salmos 3:4

Xi'avavet no'ox ta sc'anbel pojel ti Diose, ta xch'ul muc' ta vits to un, laj stac'bun talel ti jc'ope.

Salmos 5:12

Ja' yu'un un cha'e, Dios, va'ano aba ta xc'uxubinel ti buch'utic jun yo'nton ta atojole; volibilicuc yu'un ti slequil yutsil avo'nton jech c'u cha'al ti macobbaile.

Salmos 58:11

Va'i unbi, xi ta xalbe sbae: “Xloc' venta ma' ti jun jol co'ntone. Oy Dios ta xchapanel ti jnaclejetic ta banomile.”

Salmos 84:11

Yu'un ti Ajvalil Diose ta xac'botic ti saquil osile, ta stic' sba ta jpojeltic. Ti Diose mu tuch'baj ta xa'i, ta xac' ta ich'el ta muc' ti buch'u ta stuc'ulan sbaique, mu'yuc c'usi ta xjaltabatic jutebuc.

Salmos 84:9

Ti macobbail Ch'ul Diosot cu'uncutique, lecuc xavil ta aba ta asat ti buch'u laj at'uj ta ajvalilale.

Salmos 91:4

Ta smucot ta yolon xic' un; ta snac'ot ta yolon yoc sc'ob, mu'yuc c'usi xal avo'nton un. Co'ol s'elan c'otem ta amacobbail ti yutsil slequil yo'ntone.

Éxodo 14:13

Ti Moisese xi laj staq'ue: —Mu xaxi'ic. Tsots xavac' abaic. Q'uelic c'u s'elan ta stic' sba ta apojelic ti Dios avie. Yu'un ti egipcioetic ti ta xavilique, mi ja'uc xa ti ta to xtal avilbeic sat yelov yan veltae.

Proverbios 11:18

Naca yijil lo'lael ta sta ti buch'u mu'yuc xch'ulel xa'i sbae, ja'uc ti buch'u stamoj ta spasel ti c'usi leque, mu xch'ay ma' ti matanal yu'une.

Proverbios 30:5

Ti Diose ta spoj ti buch'u spatoj yo'nton ta stojole; scotol ti c'usi yaloj une, stac' jpat co'ntontic yu'un.

Isaías 35:4

Xi xavalbeic ya'i ti buch'utic xch'ayet xa no'ox ti banomil xa'iique: “Tsotsanic, mu xaxi'ic, yu'un li' oy ti Dios ta stic' sba ta apojelique. Ta stsits ti avajcontraic ti c'u yepal ja' xtunic o ta xich'ique.”

Isaías 40:10

Ta xa xvul ta loq'uel ti Dios xchi'uc ti smuc'ul stsatsale. Ta xlic pasvanuc ta mantal ta sventa smuc'ul stsatsal ti yoc sc'obe. Ta xic' talel ti steclumal ti c'alal mi laj xa spoj loq'uele.

Isaías 41:10

Mu xaxi', yu'un li' jchi'inojote, mi ja'uc xatsiq'ues avo'nton, yu'un Diosun avu'un. Ta xcac'bot avip, ta jcoltaot. Ta sventa ti jelavem xu' cu'une, icbil japbilot cu'un.

Isaías 41:14

Ti Diose j'ech'el ti xi ta xale: “Israel, steclumal Jacob, manchuc mi xi avuni muc'ul ta xa'ilee, ti mu'yuc xa yipal avu'un xtoque, mu xaxi', vu'un ta xajcoltaot. Vu'un ti ch'ul Diosun yu'un ti Israele, jpojvanejun avu'un.

Isaías 43:1

Avi tana une, Israel, steclumal Jacob, ti Dios ti laj yac'bot ach'ulel avanimae, xi ta xalbote: “Mu xatsiq'ues avo'nton, yu'un lac'ot xa ta pojel colel cu'un. Laj jbiiltasot, cu'un lac'ot.

Isaías 43:5

Mu xaxi', yu'un li' jchi'inojote. Yu'un ti avinquileltac ti oyic ta stuq'uil sloq'ueb c'ac'ale, ti oyic ta stuq'uil smaleb c'ac'ale, ta stsob sbaic talel cu'un.

Isaías 44:2

Vu'unun ti Ajvalil ti laj cac' ach'ulel avanimae, coltabilot cu'un ti c'uxi lic avich' talel abec'tal ti c'alal oyot to ox ta yut ch'utile. Mu xatsiq'ues avo'nton, Jesurún, steclumal cajtunel Jacob, ti t'ujbil cu'une.

Isaías 44:8

¡Tsinano avo'ntonic, mu xaxi'ic! Yu'un vo'ne xa no'ox xichi jcaj'aloje, ti vo'oxuque cajrexticooxuc. Ti xcaltique, ¿mi yu'un oy to van bu yan dios? Mu'yuc to bu xquil ec un, ja' no'ox vu'un ti Diosune. Xlajet to ma' ti oy bu ta tael ti yan pojobbail une, mu'yuc to bu xquil ec un.”

Isaías 51:12

“Vu'un ta xcac' tsatsuban. ¿Buch'u ti ta xaxi' yu'une, mi ja' ti viniquetique, mi ja' ti viniquetic ti sna' xcham xlajic co'ol s'elan ti momole?

Jeremías 39:17

Ta jtic' jba ta apojel un yo' mu xa'och ta yoc ta sc'ob ti jnaclejetic ti ta xaxi' yu'un ta jmeque. Ti vu'un Ajvalilune, mu lo'iluc no'ox ta xcal.

Lamentaciones 3:24

Xichi laj calbe jbae: Mu'yuc xa yan un, ja' no'ox ti Diose, jech o xal jpatoj co'nton ta stojol.

Ezequiel 1:1

Ta yo'obal (5) c'ac'al yu'un ti xchanibal (4) u ta slajunebal xcha'vinic (30) jabile, chotolun ta ti' uc'um Quebar jmoj xchi'uc ti buch'utic bec'bil loq'uique. Ta jech yepal un, jam ti jba jsat ti laj quil jamal ti vinajele, c'ot ta jsat ti Dios une.

Ezequiel 11:24

Laj taj une, ti smuc'ul stsatsal ti Diose, laj sva'anun, lisut batel ta Babilonia yu'un ti bu oy ti jlom ti bec'bil loq'uic ta slumalique. Ja' jech c'ot ta pasel ti laj sjambun jba jsat ti xcuxlejal Dios ti c'usi laj yac'bun quile. Ts'acal to un, sac ch'ay batel ti c'usi laj quile.

Ezequiel 3:4

Va'i un, xi laj yalbune: “Batan, ba albo ya'i xch'a ti jteclum Israel ti c'usi oy ta co'nton ta xcalbe ya'iique.

Números 12:6

xi albatic yu'un ti Diose: “A'yio ava'iic ti xi ta xcalboxuque: C'alal oy jun j'alc'op ti vu'un ta jva'an ta atojolique, jchop o ti c'u s'elan ta xcac' jba iluc ta stojole, xchi'uc ta jc'opon ta xvaich.

Números 18:20

Ti Diose xi laj yalbe ti Aarone: “Ti vo'ote, Aarón, c'ajomal no'ox vu'un avosilun, abanomilun, yu'un ch'abal ti avosil abanomil ta xac'ote. Ja'uc ti yan israeletique, oy yosil sbanomilic une'.

Números 24:4

C'alal ta xbat ti xch'ulele, x'ech' to xvinaj ti c'usi ta sta ta q'uelel talele, ep ti c'usi ta x'ac'bat sna'e, oy c'usi jchop o ta x'ac'bat yil ta sventa ti Dios ti scotol xu' yu'une.

San Mateo 28:5

Ti ánjele xi laj yalbe ti antsetique: —Mu xaxi'ic. Jna' ti ja' ta xasa'ic ti Jesús ti jipil cham ta curuse.

San Mateo 8:26

Ti Jesuse xi laj staq'ue: —¿C'u cha'al ti xi'el ta j'ech'ele? Mu'yuc c'usi c'otem ta ch'unel avu'unic. Ti jech laj yal une, va'i liquel, laj yalbe mantal ti iq'ue xchi'uc ti nabe. Sts'ijlajan com scotol.

San Lucas 1:13

Ti anjele xi laj yale: —Zacarías, mu xaxi', ti Diose laj xa ya'i ti ac'opojel ati'inele. Ti avajnil Isabele ta xlic xchi'in yol. Juan, ta xavac'be sbiin.

San Lucas 1:30

Xi laj yal ti anjele: —María, mu xaxi', mu'yuc c'usi xana', laj xa ata ti lec xa'ile yu'un ti Diose.

San Lucas 12:32

“Uni juteboxuc cuni chijtac, mu xaxi'ic. Ta sventa yutsil slequil yo'nton ti Atotique, c'ot xa ta nopel ti ta xataic ti ventainel yu'une.

Hechos 10:22

Xi laj staq'uic ti viniquetique: —Tacbiluncutic talel yu'un ti banquilal soldado Cornelioe, jun lequil vinic ti xi'taoj ti Diose, ti lec sc'oplal yu'un ti israeletique. Albat yu'un jun yaj'ánjel Dios ti ac'o avich' iq'uel batele yo' ta xabat ta sna yo' ta xa'i ya'iic ti c'usi ta xavalbee.

1 Corintios 3:22

Yu'un ti vu'un Pabloe, ti Apolose, ti Pedroe, ti banomile, ti cuxlejale, ti lajebale, ti c'usi oy xae, ti c'usi ta to xtale, scotol taje, c'otem ta aventaic yo' lec oyoxuc.

Deuteronomio 18:2

Yu'un mi ja'uc ta xich' xrexto osilic jech c'u cha'al ta xich' ti yan svinquileltaque. Yu'un ti xrextoique, ja' ti c'usitic ta x'ac'bat ti Dios ti jech ono'ox yaloje.

Deuteronomio 31:6

Tsotsanic, ac'beic yipal, mi ja'uc xatsiq'ues avo'ntonic. Mi ja'uc xaxi'ic yu'un ti c'alal ta sta yorail ta xatsaquic ta leto ti avajcontraique. Yu'un xchi'inojoxuc ti Ajvalil Dios avu'unique. Mi ja'uc ta xayictaoxuc comel, mi ja'uc ta xastenoxuc comel.”

Hebreos 1:1

Ti ta vo'nee, ep ta velta, ep ta tos, ti c'u s'elan c'opoj ti Dios ta stojol ti jmolmuc'totic ta sventa ti j'alc'opetique.

Apocalipsis 1:17

C'alal jech laj quile, co'ol s'elan chamem liyal ta lum ta sts'el yoc. Ja'uc ti stuque laj scajan talel sbats'i c'ob ta jtojol ti xi laj yalbune: —Mu xaxi', yu'un vu'unun ti sliqueb spajebe.

Rut 2:12

Scotol ti c'usi lec laj apas talele, Dios, ac'o xa xq'uextabot sutel. Ac'o xayac'bot amoton ti Ajvalil ti ja' Dios yu'un ti Israele, ti laj asa' apojel ta stojole.

1 Samuel 15:10

Laj taj une, xi c'oponat yu'un Dios ti Samuele:

1 Samuel 9:9

(Ta vo'ne, c'alal ti israeletic mi oy c'usi ta sjac' ta stojol ti Diose, xi ta xalique: “Batic ta stojol ti buch'u jamal sba sate.” Avi tana li'e, sbiinoj xa “j'alc'op”. Ja'uc ta vo'ne, sbiinoj “ti buch'u jamal sba sate”.)