Génesis 14:4 - Bible in Tzotzil de Chamula

⁴ Ti vo'ob ajvaliletic taje, lajcheb (12) jabil pasbilic ta mantal yu'un ti ajvalil Quedorlaomere. Ta yoxlajunebal (13) jabil un, yac' sjolic, lic stsaquic ta c'op.

Bible in Tzotzil de Chenalhó with Deuterocanon

⁴ Oy xa'ox xlajchabal jabil pasbilic ta mantal yu'un li ajvalil Quedorlaomere. Pero ta yoxlajunebal jabile, li vo'ob ajvaliletique lic scoman tsaquic ta pleito li jun ajvalil Quedorlaomere.

Génesis 14:4 Iomraidhean Croise

Génesis 14:1

Ti jech ora ta vo'ne taje, xi s'elan oy chanib ajvaliletic: Ti Amrafele, ja' ajvalil yu'un ti jteclum Sinare. Ti Arioque, ja' ajvalil yu'un ti jteclum Elasare. Ti Quedorlaomere, ja' ajvalil yu'un ti jteclum Elame. Ti Tidale, ja' ajvalil yu'un ti jteclum Goime.

Génesis 14:3

Ti vo'ob ajvaliletic taje, laj stsob yajsoldadoic ta stenlej Sidim bu oy ti Ats'am Nabe.

Génesis 14:5

Ta yan jabil une, ti ajvalil Quedorlaomere xchi'uc ti yan ajvaliletic ti jmoj svoloj sbaique, batic ta yosilal jteclum Astarot Karnaim. Ti bu taje, laj stsalic stsaquel ta c'op ti refaítaetique. Ts'acal to xtoc un, laj stsalic stsaquel ta c'op ti zuzitaetic oy ta Hame. Ja' jech xtoc, laj stsalic stsaquel ta c'op ti emitaetic oyic ta Savé-quiriataime.

Ezequiel 17:15

Snitilul ti ajvalil taj une, lic stoy sba ta stojol ti ajvalil yu'un ti Babiloniae. Laj stac batel yajtuneltac ta jteclum Egipto ta sc'anel ca'etic xchi'uc yepaluc no'ox ti viniquetique. Ti va'i s'elan taj une, ¿mi tac'al to ta xc'ot avu'un xana' un, mi ta to stam sba liquel, xchi'uc mi xu' to ta xcuxi? ¿Mi oy xa ono'ox la xana' q'uelbil ta xcom ti buch'u mu xc'ot ta pasel yu'un ti tratee?