Génesis 14:3 - Bible in Tzotzil de Chamula

³ Ti vo'ob ajvaliletic taje, laj stsob yajsoldadoic ta stenlej Sidim bu oy ti Ats'am Nabe.

Bible in Tzotzil de Chenalhó with Deuterocanon

³ Li vo'ob ajvaliletic le'e la stsob yajsoldadotaquic ta jun stenlejal ta Sidim yo' bu Nab Muerto sbie.

Génesis 14:3 Iomraidhean Croise

Génesis 10:19

Yosilic ti cananeoetique jam batel c'alal to yosilal Gerar. Yosilic ti cananeoetique lic ta jteclum Sidón, c'ot c'alal to jteclum Gaza, ta stuq'uil ti jteclum Sodomae, ti Gomorrae, ti Admae, xchi'uc ti Zeboime, c'ot c'alal to ta jteclum Lesa.

Génesis 14:10

Ti ta scotol ti stenlejal Sidime, oy ep sjoc'al bats'i asfalto. Jech o xal un, c'alal ta ox xjatavic batel ti ajvaliletic yu'un jteclum Sodoma xchi'uc ti Gomorrae, oy jlom laj bajicuc yalel ta joq'uetic c'alal xyaquet ti letoe. Ti jlom ajvaliletique jatavic batel ta vitstic.

Génesis 14:4

Ti vo'ob ajvaliletic taje, lajcheb (12) jabil pasbilic ta mantal yu'un ti ajvalil Quedorlaomere. Ta yoxlajunebal (13) jabil un, yac' sjolic, lic stsaquic ta c'op.

Génesis 14:8

Ja' yu'un un, ti ajvaliletic yu'un ti jteclum Sodomae, ti Gomorrae, ti Admae, ti Zeboime, ti Belae, batic ta stenlej Sidim.

Génesis 19:24

Jech ti Diose laj yac' taluc c'oc' xchi'uc azufre. Yal talel ta sba ti jteclum Sodomae xchi'uc ti jteclum Gomorrae.

Salmos 107:34

Ti ve'ebal banomile, ta sjoybin ta quechtic ta scoj smulic ti jnaclejetique.

Números 34:12

Ta stam ech'el ta uc'um Jordán, ti ta xc'ot ta tsutsel ta Sts'ijlajan Nabe. “Ti ts'aquetic taje, ja' me sts'aquil ti yosilal ti alumalique.”

Deuteronomio 3:17

Ja'uc ti xi oy ta yeloval sloq'ueb c'ac'ale, ja' laj cac'be yich'ic ti banomil Arabae, c'alal to yoc vits Pisga ta stuq'uil ti sloq'ueb c'ac'ale, scotol ti ta xlic ta stuq'uil ti bu sts'aquinoj sbaic ta xc'ot xchi'uc ti uc'um Jordane, ti x'ech' c'alal to Arabae, ti Sts'ijlajan Nab sbie.

Josué 3:16

Ti yoc ti ta xlic talel ta ac'ole, nom to xil ti Adam ti ja' jun jteclum ti nopol xil sbaic xchi'uc ti pojobbail ti oy ta Saretane. Ti yoc taje lic pajuc, ti co'ol to s'elan macbil c'ot yilele. Ja'uc ti yoc ta xanav yalel ta stuq'uil Sts'ijlajan Nabe, x'oquin ono'ox ta xanav batel, ja' to ti c'uxi laje. Ja' jech c'ot ta pasel ti laj xch'ac sba yoc ti uc'ume. Jech ti israeletique ta yeloval jteclum Jericó ech' xtuch'ic ti uc'ume.