Génesis 14:1 - Bible in Tzotzil de Chamula

¹ Ti jech ora ta vo'ne taje, xi s'elan oy chanib ajvaliletic: Ti Amrafele, ja' ajvalil yu'un ti jteclum Sinare. Ti Arioque, ja' ajvalil yu'un ti jteclum Elasare. Ti Quedorlaomere, ja' ajvalil yu'un ti jteclum Elame. Ti Tidale, ja' ajvalil yu'un ti jteclum Goime.

Bible in Tzotzil de Chenalhó with Deuterocanon

¹ Ta sc'ac'alil le'e, oy chanib ajvaliletic la spasic pleito xchi'uc yan vo'ob ajvaliletic. Li Quedorlaomer, ja' li banquilal ta chanib ajvalile, ja'o ochem ta ajvalilal te ta Elam. Ja'o ochem ta ajvalilal te ta Sinar li Amrafel sbie. Li Arioque ja'o ochem ta ajvalil te ta Elasar. Li Tidale ja'o ochem ta ajvalil te ta Goim.

Génesis 14:1 Iomraidhean Croise

Génesis 10:10

Ti jteclumetic bu laj spas mantal ti Nimrode, ja' ti Babele, ti Ereque, ti Acade, ti Calnee, oy ta yosilal ti Sinare.

Génesis 10:22

Xnich'nabtac ti Seme, ja' ti Elame, ti Asure, ti Arfaxade, ti Lude, xchi'uc ti Arame.

Génesis 11:2

C'alal loq'uic batel ta stuq'uil sloq'ueb c'ac'ale, laj staic jun stenlej ti oy ta yosilal Sinare. Com nacliicuc ti bu taje.

Génesis 14:9

Ti bu taje, ti vo'ob ajvaliletique lic stsaquic ta leto ti Quedorlaomere, ti Tidale, ti Amrafele, ti Arioque, ja' ti chanib ajvaliletic yu'un ti jteclumetic Elame, ti Goime, ti Sinare, ti Elasare.

Isaías 11:11

Ta yorail taje, ta xac' iluc xtoc smuc'ul stsatsal ti Diose. Ta xlic stsob talel ti scomelal slumale, yu'un ta xic' sutel talel ti buch'utic tiq'uilic ta lum Asiriae, ti tiq'uilic ta Egiptoe, ti tiq'uilic ta lum Patrose, ti tiq'uilic ta lum Etiopiae, ti tiq'uilic ta lum Elame, ti tiq'uilic ta lum Sinare, ti tiq'uilic ta lum Hamate, xchi'uc ta lumetic ti oy ta sti'il ti muc' ta nabe.

Isaías 21:2

Xi'bal sba ta j'ech'el ti xi s'elan laj yac'bun quil ti Diose: Ti jpayvaneje ta x'ac'van ta c'abal. Ta x'ac'van ta vocol ti j'ac'vanej ta vocole. Lican va'lan, Elam. Volvananic, medoetic. Ta'lo xa xca'i ti oy buch'u x'ajetique.

Isaías 22:6

Ti elamitaetique, yacal xa ta xchapanic ti syolobique. Cajalic xa ta scarretaic xchi'uc ta sca'ic. Ti ta Kire, stsacojanic xa ti smacobbailique.

Isaías 37:12

¿Mi yu'un cuch yu'unic ta spojel steclumaltac ti diosetic c'alal xi s'elan xquechet laj slilinic ech'el ti jmolmuc'totcutique? Tsuts yu'unic ti Gozane, ti Harane, ti Résefe, xchi'uc ti buch'utic ti oyic ta Bet-eden ti nacalic ta Telasare.

Ezequiel 32:24

“Le' oy ec ti Elame, volol tal ta spat xocon ta muclej xchi'uc scotol ti yajsoldadotaque. Chamic lajic ta leto scotol ma' le'e. Talic ta muquel ec un ti buch'u yan yajvalic ech'ique. Ti yajsoldadotaque laj yac'beic xi'el ti buch'u cuxulic ta banomile. Laj c'op ma' ti ich'bil ta muc' ti vulic xa ta muquinal ti bu muculic ti yan tana une.

Daniel 1:2

Jech ti Diose laj yac' ye ti ac'o ochuc ta c'abal yu'un Nabucodonosor ti Joacime, ti ochuc ta yoc sc'ob xtoc ti c'usitic jtunel ta xch'ulna ti Diose. Ti Nabucodonosore laj yic' batel c'alal to Babilonia ti jchuqueletique. Jech ti c'usitic toj jtunel ti laj sta batele, c'ot yac' ti bu q'uejel sc'ulejal ta xch'ulna ti yajdiostaque.

Daniel 8:2

Ti c'usi laj quil ti c'alal jam ti jba jsate, co'ol s'elan tey oyun ta jteclum Susa yilel ti oy ta yosilal ti Elame, ta sti'il uc'um ti Ulai sbie.

Zacarías 5:11

Xi laj stac'bun ti stuque: “Ta xich' meltsanbel xch'ulnail ta jteclum Babilonia. C'alal mi tsuts xa ox ta meltsanel ti ch'ulnae, ta xich' tiq'uel ochel, ta xich' chotanel ta scajleb.”