Génesis 13:9 - Bible in Tzotzil de Chamula

⁹ Yu'un le' oy ta jujujot scotol ti banomile, xu' xat'uj. Avocoluc, ja' lec, la' jch'ac jbatic. Mi vo'ot ta xabat xi ta stuq'uil yolon ti yolon xocon sloq'ueb c'ac'ale, jech ti vu'une ta xibat xi ta stuq'uil yolon ti yac'ol xocon sloq'ueb c'ac'ale. Mi vo'ot ta xabat xi ta stuq'uil yolon ti yac'ol xocon sloq'ueb c'ac'ale, vu'un ta xibat xi ta stuq'uil yolon ti yolon xocon sloq'ueb c'ac'ale.”

Bible in Tzotzil de Chenalhó with Deuterocanon

⁹ Li' oy scotol li banamile. Xu' chat'uj bu chac'an. Ja' lec jvoc' jbatic. Me vo'ot chabat ta xocon sloq'ueb c'ac'al ta nortee, vu'un chibat ta xocon smaleb c'ac'al ta Sur. Yan me vo'ot chabat ta xocon smaleb c'ac'al ta Sure, vu'un chibat ta xocon sloq'ueb c'ac'al ta norte”, xut.

Génesis 13:9 Iomraidhean Croise

Génesis 13:10

Va'i un, ti Lote laj sq'uel batel scotol ti stenlej sti'il uc'um Jordane. Laj yil oy lec vo' ta sjunul ti stenleje, co'ol xa s'elan yav ts'unubaltic xc'ot c'alal to biq'uit jteclum Zoar. Yu'un co'ol s'elan yosilal Egipto. (Yu'un ta vo'ne, ja' to ox jech s'elan c'alal mu'yuc to ox lilinbil yu'un Dios ti jteclum Sodomae xchi'uc ti jteclum Gomorrae.)

Génesis 13:8

Ja' yu'un un, ti Abrame oy bu jun c'ac'al xi laj yalbe ti Lote: “Ti vo'ote, cuts' calal jbatic. Mu lecuc ti ta xcutan jbatic. Mi ja'uc ti ta xut sbaic ti jq'uel-chon-bolometic cu'untique.

Génesis 20:15

Va'i un, xi laj yal ti Abimeleque: —Q'uelo avil, oy ta asat ti jlumale. T'ujo bu xal avo'nton yo' jech ta xanaqui.

Génesis 34:10

Comanic, jchi'in jbatic ta naclej li'e. Ti jteclum li'e, ja' alumalic. Paso abolomalic. Manic abanomilic.

Salmos 120:7

C'alal ta xcal ti lamajuc ti c'ope, ti stuque leto no'ox oy ta ye sti'ic.

Jeremías 40:4

Ti jech chuculot ta cadena taq'uine, tana li'e, ta jitunbot loq'uel. Mi xbat achi'inuncutic ta Babiloniae, la' me, ta xajchabiot. Mi mu xac'an xabate, coman, xi s'elan ti oy ta avoc ta ac'ob ta st'ujele. Batan ti bu lec ta xavile.

Romanos 12:18

Ti bu xa c'alal xu'e, ac'beic yipal yo' jun avo'ntonic ta xacuxi acotolic.

1 Corintios 6:7

Ti jech ta xatsacolan abaic ta c'ope, ma'uc xa jech smelol atamojic batel. ¿Mi mu ja'uc lec xana' ti ts'icuc cuchuc avu'unic ti ilbajinele? ¿Mi mu ja'uc lec xana' ti aq'uelojuc no'ox yelc'anicuc batel ti c'usi oy avu'unique?

Hebreos 12:14

Ac'beic yipal ta spasel ti lamajemuc avo'ntonic yu'un scotole, ti lecuc ta q'uelel ti acuxlejalique. Yu'un ti buch'u mu'yuc slequilalique, mu xilbeic sat ti Cajvaltique.