Génesis 13:8 - Bible in Tzotzil de Chamula

⁸ Ja' yu'un un, ti Abrame oy bu jun c'ac'al xi laj yalbe ti Lote: “Ti vo'ote, cuts' calal jbatic. Mu lecuc ti ta xcutan jbatic. Mi ja'uc ti ta xut sbaic ti jq'uel-chon-bolometic cu'untique.

Bible in Tzotzil de Chenalhó with Deuterocanon

⁸ Ja' yu'un li Abrame oy jun c'ac'al jech laj yalbe li Lote: “Li vu'utique cuts' calal jbatic. Mu lecuc ti oy c'op cu'untique, xchi'uc mu lecuc ti chut sbaic li jchabivacaxetic cu'untique.

Génesis 13:8 Iomraidhean Croise

Génesis 13:9

Yu'un le' oy ta jujujot scotol ti banomile, xu' xat'uj. Avocoluc, ja' lec, la' jch'ac jbatic. Mi vo'ot ta xabat xi ta stuq'uil yolon ti yolon xocon sloq'ueb c'ac'ale, jech ti vu'une ta xibat xi ta stuq'uil yolon ti yac'ol xocon sloq'ueb c'ac'ale. Mi vo'ot ta xabat xi ta stuq'uil yolon ti yac'ol xocon sloq'ueb c'ac'ale, vu'un ta xibat xi ta stuq'uil yolon ti yolon xocon sloq'ueb c'ac'ale.”

Génesis 14:14

C'alal laj ya'i Abram ti tsacbil xa batel ti sjun-nich'one, lic stsob yajtuneltac ti co'ol sjol yo'ntonic ti voq'uemic ta stojole. Ti ta scotol laj stsob sbaique, ja' vaxaclajuneb svaclajunvinic (318) ta vo'. Jmoj loq'uic batel ta stael ta be ti chanib ajvaliletic c'alal to jteclum Dan.

Génesis 45:24

C'alal laj xch'ac sbaic xchi'uc xchi'iltac ta voq'uel ti Josee, xi laj yalbee: —Mu me xavutilan abaic batel ta be un. Ti stuquique batic.

Génesis 46:34

albeic ya'i ti ja' avabtelic ts'un chij jech c'u cha'al laj ech'uc ti atot ame'ic ta vo'nee. Ja' yu'un un, xu' nan xcom naclanic ta yosilal Gosén, yu'un ti egipcioetique mu lecuc ta xa'iic ta xchi'in ta naclej ti jts'un-chijetique.

Salmos 133:1

Tuc'ulano avilic ti stuc xa no'ox jun yutsil ta xa'iic ti buch'utic bats'i xchi'il ta voq'uel ta xa'i sbaic ti c'u yepal vololique.

Éxodo 2:13

Ta yoc'omal loc' batel yan velta. Laj yil ti ta smaj sba stuquic chib hebreoe. Ja' yu'un un, xi laj sjac'be ti buch'u ta xmajvane: —¿C'u cha'al avinquilel no'ox ta xamaj abaic?

Proverbios 15:1

Ti xlamet no'ox ta taq'uel ti c'ope, ta xlamaj ti sti'emal jolile; mi ta tac'obil no'oxe, xchi'il xa yich' o unbi.

Proverbios 15:18

Ti buch'u jbel ta c'ope, ta sliques leto; ti buch'u oy sts'iquemal xcuchemal yu'une, ta spajes c'op.

Proverbios 20:3

Yich'el ta muc' xal ti buch'u ta snit sba ta sa'sunel ti c'ope, ja'uc ti buch'u pimunebe stic' no'ox sba ech'el.

San Mateo 5:9

“Yan yutsil ti buch'utic yac'ojbeic yipal ta slamajesel ti c'ope, ta sbis ta xnich'nab stuc ti Diose.

Hechos 7:26

Ta yoc'lomal un, ti Moisese laj yil ti yacal ta smaj sbaic cha'vo' israeletique. Bat spajes ti xi laj yalbee: ‘¿C'u cha'al ta xamaj abaic ti co'ol achi'il abaique?’

Romanos 12:10

Lecuc xavil abaic ta jujun tal ta sventa ti co'ol achi'il abaique. Co'oluc xavil abaic. Ich'o abaic ta muc' ta jujun tal.

Filipenses 2:14

Mu ta ijeteluc, mu ta vulvul c'opuc ti c'usi ta xapasique,

1 Tesalonicenses 4:9

Ja'uc ti sc'oplal syail xc'uxul o'ntonal ta sventa ti achi'il abaique, mu xa tsotsuc sc'oplal ta xcalboxuc talel ta vun. Yu'un ja' stuc Dios laj xa yac'boxuc ana'ic c'u s'elan ta xac'uxubin abaic ta jujun tal.

Hebreos 12:14

Ac'beic yipal ta spasel ti lamajemuc avo'ntonic yu'un scotole, ti lecuc ta q'uelel ti acuxlejalique. Yu'un ti buch'u mu'yuc slequilalique, mu xilbeic sat ti Cajvaltique.

Hebreos 13:1

Mu xavictaic ti jech c'ux ta xava'i abaic ta jujun tale, yu'un co'ol jch'unolajeloxuc.

1 Pedro 1:22

Avi tana ti jech tac'al c'ot ta avo'ntonic ta xch'unel ti lequil ach' c'op ti bu ja' melele, coltabiloxuc yu'un ti Ch'ul Espíritu ti jech mesbil pocbil xa lac'otic, yo' jech c'ux ta xava'iic ti jch'unolajeletique. Yu'un tsots sc'oplal, c'uxuc ta xava'i abaic ta sjunul avo'ntonic, ta sjunul avipic.

1 Pedro 2:17

Ich'ic ta muc' scotol. C'uxuc xava'iic ti jch'unolajeletique. Xi'taic ti Diose. Ich'ic ta muc' ti banquilal ajvalile.

1 Pedro 3:8

Ja' yu'un un, ta xcalboxuc ava'iic acotolic, junuc avo'ntonic cuxianic, co'oluc junuc ti snopbenal avu'unique, ti c'uxuc xava'i abaic ta sventa ti jech jch'unolajeloxuque. Ta yutsiluc avo'ntonic, nijano chimano abaic.

1 Pedro 4:8

Ma'uc no'ox taje, tsots sc'oplal ti yepaluc oyuc ti syail xc'uxul avo'ntonic ta jujun tale. Yepal no'ox mulil ta xch'ay yu'un ma' ti syail xc'uxul o'ntonale.

2 Pedro 1:7

C'alal ta xac'anbeic vocol ti Diose, ac'beic to ech'el yipal ta sa'el ti lec xavil abaique. C'alal lec xavilan abaique, ac'beic to ech'el yipal ta sa'el ti oy syail sc'uxul avo'ntonique.

1 Juan 4:7

Tsots sc'oplal ti c'uxuc xca'i jbatic ta jujun tale, Jchi'iltac, yu'un ti syail xc'uxul o'ntonale, ja' liquem talel ta stojol ti Diose. Buch'uuc no'ox ti oy syail xc'uxul yo'ntone, ja' xnich'on Dios, xchi'uc xojtiquin ti Diose.

Jueces 9:26

Oy jun c'ac'al, ti Gáal xnich'on ti Ebede, talic ta Siquem xchi'uc ti xchi'iltac ta voq'uele. Ti jnaclejetic ta Siqueme laj yac' sjolic ta stojol.