Génesis 13:2 - Bible in Tzotzil de Chamula

² Ti Abrame oy ep sc'ulejal. Oy oro yu'un. Oy plata taq'uin yu'un, xchi'uc oy ep sts'unubtac.

Bible in Tzotzil de Chenalhó with Deuterocanon

² Li Abrame toj ep sc'ulejal. Oy ep c'anal taq'uin, saquil taq'uin yu'un. Ep sts'unub yovol noxtoc.

Génesis 13:2 Iomraidhean Croise

Génesis 12:16

Ti jech c'upil sba ti Saraie, jech o xal ti faraone lec laj xc'uxubin ti Abrame. Laj sq'uelanbe chijetic, vacaxetic, mosovil viniquetic antsetic, burroetic, xchi'uc camelloetic.

Génesis 13:6

Ja' no'ox un, ti bu oyique, mu xa xve'ic o ti sts'unubique, yu'un toj ep ta jmec. Mu xa xu' yu'unic ti jech tsobolique.

Génesis 24:1

Mol xa ti Abrahame. Scotol ti c'usi laj spase, laj sta ti laj sva'an sba ti Dios ta stojole.

Génesis 24:35

Yu'un ti cajvale, xi s'elan ep sva'anoj sba ti Dios ta stojolal ti pasem ta jc'uleje: Ac'bil ep xchij, xvacax, oro, plata taq'uin, xchi'uc ep mosovil viniquetic, antsetic. Oy ep scamellotac, sburrotac xtoc.

Génesis 26:14

Mu albajuc yepal ti xchije, ti xvacaxe, xchi'uc ti smosovtaque, ti it'ix lic a'yiatuc yu'un ti filisteoetique.

Génesis 30:43

Ja' jech s'elan lic pasuc ta jun muc' ta jc'ulej ti Jacobe. Epaj ti xchije, ti scamellotaque, ti sburrotaque, xchi'uc oy ep smosovtac, viniquetic, antsetic.

Job 1:10

Yu'un ti vo'ote mu xavac' ti oy c'usi chopol ta xc'ot ta stojole, mi ja'uc ti yalab xnich'nabe, mi ja'uc jset'uc ti c'usitic oy yu'une. Ava'anoj aba ta stojol ti c'usi ta spase, ti spajeb xa no'ox jun vinic yepal sc'ulejal ta sventa xchon sbolom ta sjunul ti muc' ta lume.

Job 1:3

C'otem ta yajval vucmil (7,000) ta cot chij, oxmil (3,000) ta cot camello, vo'ob ciento (500) ta cot jchabajom vacax, xchi'uc vo'ob ciento (500) ta cot me' burroetic. Yepal no'ox smosovtac xtoc. Spajeb banquilal jc'ulej vinic ti oy ta yeloval sloq'ueb c'ac'ale.

Proverbios 10:22

C'ulejal xal ti sva'anoj sba ti Diose, ma'uc ta xaq'uilan vul o'nton.

San Mateo 6:33

Ja' yu'un un, ac'o ta avo'ntonic ti ventainel yu'un ti Diose, pasic ti c'usi tsots sc'oplal ta xil ti Diose. Ta xa'ac'batic scotol unbi ti c'usi ta xtun avu'unique.

Deuteronomio 8:18

Tsots sc'oplal ti vuleso ta avo'ntonic ti Ajvalil Dios avu'unique. Yu'un ja' laj yac'boxuc avipic ta stael. Yu'un laj c'otuc ta pasel yu'un ti strate ta atojolic jech cu cha'al laj ono'ox yalbe ya'i ti amolmuc'totic ti laj ech'icuc ta vo'nee.

1 Timoteo 4:8

Ac'o mi ta xtun yu'un ti buch'u yacal ta xchan yip ta xicubtasel ti sbec'tal stacopale, ja'uc ta spasel ti c'usi ta sc'an ti Diose, tsots sc'oplal ta xtun ta sventa scotol, ti albil sc'oplal ti oy c'usi ta xich' tael yu'un ti jech li' to cuxulotic ta banomile, xchi'uc ti le' to sq'ueloj batele.

1 Samuel 2:7

Ti Diose ja' yabtel ta spasvan ta jc'ulej, mi ta me'un, ta xlomesvan ta lum, ta xtoyvan liquel.