Génesis 13:10 - Bible in Tzotzil de Chamula

¹⁰ Va'i un, ti Lote laj sq'uel batel scotol ti stenlej sti'il uc'um Jordane. Laj yil oy lec vo' ta sjunul ti stenleje, co'ol xa s'elan yav ts'unubaltic xc'ot c'alal to biq'uit jteclum Zoar. Yu'un co'ol s'elan yosilal Egipto. (Yu'un ta vo'ne, ja' to ox jech s'elan c'alal mu'yuc to ox lilinbil yu'un Dios ti jteclum Sodomae xchi'uc ti jteclum Gomorrae.)

Bible in Tzotzil de Chenalhó with Deuterocanon

¹⁰ Li Lote la sq'uel batel li stenlejaltic ta ti' uc'um Jordán xchi'uc c'alal to ta biq'uit lum Zoare. Te ta stenlejaltique oy ep vo'etic. Toj lec yox jech chac c'u cha'al ts'unubaltic yu'un Muc'ul Dios., Jutuc mu co'oluc jech chac c'u cha'al Egipto. Ja' to'ox jech x'elan ti c'alal mu'yuc to'ox ta xules Muc'ul Dios li lum Sodoma xchi'uc Gomorrae.

Génesis 13:10 Iomraidhean Croise

Génesis 11:27

Li'e, ja' snitilultac ti Taré ti ja' stotic ti Abrame, ti Nacore, ti Harane. Ti Harane nich'naj, ja' ti Lote. Ti Harane, ja' stot ti Lote,

Génesis 13:11

Ja' yu'un un, ti Lote ja' laj st'uj ti stenlej Jordane. Ta sloq'ueb c'ac'al, laj stam batel ti bu oyique. Ja' jech s'elan c'ot ta pasel ti laj xch'ac sbaic ti Abram xchi'uc ti Lote.

Génesis 13:9

Yu'un le' oy ta jujujot scotol ti banomile, xu' xat'uj. Avocoluc, ja' lec, la' jch'ac jbatic. Mi vo'ot ta xabat xi ta stuq'uil yolon ti yolon xocon sloq'ueb c'ac'ale, jech ti vu'une ta xibat xi ta stuq'uil yolon ti yac'ol xocon sloq'ueb c'ac'ale. Mi vo'ot ta xabat xi ta stuq'uil yolon ti yac'ol xocon sloq'ueb c'ac'ale, vu'un ta xibat xi ta stuq'uil yolon ti yolon xocon sloq'ueb c'ac'ale.”

Génesis 14:2

Ti va'i yepalic taje, xi s'elan xvoletic liquel ta j'ac'-leto ta scontrainel vo'ob ajvaliletic ti xi s'elan li'e: Ti Berae, ja' ajvalil yu'un ti jteclum Sodomae. Ti Birsae, ja' ajvalil yu'un ti jteclum Gomorrae. Ti Sinabe, ja' ajvalil yu'un ti jteclum Admae. Ti Semébere, ja' ajvalil yu'un ti jteclum Zeboime. Ti Belae, ja' ajvalil yu'un ti jteclum Zóare.

Génesis 14:8

Ja' yu'un un, ti ajvaliletic yu'un ti jteclum Sodomae, ti Gomorrae, ti Admae, ti Zeboime, ti Belae, batic ta stenlej Sidim.

Génesis 3:6

Ti antse c'upil sba laj yil ti sat te'e. Yo'ntonuc xa slo' ya'i yo' jech ta xbijub. Laj xtuch' jbej ti sat te'e, laj slo'. Ts'acal to laj yac'be ti smalale, laj slo' ec.

Génesis 47:6

ti sbanomil Egiptoe, ja' yu'unic. Ac'bo yich'ic osil ti oy ta Gosene. Yu'un ja' lequil banomil oy yu'un ti jteclume, ac'o nacliicuc. Ja' jech xtoc mi oy buch'u yu'unic lec xtojob ta q'uel vacaxe, ac'o sq'uelbeicun jchon bolom ec.

Génesis 6:2

Jech ti buch'utic c'otic xa ta bats'i xnich'nab ti Diose, laj yilic ti toj c'upil sba ti antsetique. Ja' yu'un un, tey lic st'ujic ti bu junucal ta sc'an ta xiq'uic ta scotole. Laj yic' sbaic xchi'uc ti bu c'ot ta yo'ntonique.

1 Reyes 7:46

Ti ta yosilal uc'um Jordán ti oy ta o'lol yu'un Sucot xchi'uc ti Saretane, naca ta tsatsal yi'al lum sts'ananobiltac laj yijubuc ti c'usi laj yac' ta unijesel ti ajvalile.

Job 40:23

Mi ta xnoj talel yoc ti uc'ume, mu xi' yu'un; mu'yuc no'ox c'usi ta xal manchuc mi c'otem xa ti vo' ta sni'e.

Salmos 107:34

Ti ve'ebal banomile, ta sjoybin ta quechtic ta scoj smulic ti jnaclejetique.

Isaías 15:5

Jc'anuc xa ca'i ti oyuc spojel ti Moabe, ti xtanetic xa ech'el ta jatobal ti steclumal c'alal to lum Zoare, ta Eglat-selisiyae. X'oc' x'avanic xa ta xmuyic ech'el ta sbelel Luhit. Smil xa sbaic ta avetel ta oq'uel ta sbelel Horonaim ta scoj ti laj yilic ti chopol c'ot ta pasele.

Isaías 51:3

C'uxubaj to me co'nton yu'un ma' ti lum Sión une, ti lum ti jinem xa scotole. Ti taquin sbajtical banomile, ta joybin ta jun yavil ts'unbilal nichim ti ta xc'ot jech c'u cha'al yavil sts'unbil nichim Dios ta ts'unubaltic ta Edene. Ti bu taje, naca xa muyubajel xal o, mu'yuc c'usi xal ti o'ntonale, ti xlaet no'ox ti q'uejimol jmoj xchi'uc ti c'usitic ta xich' tijele.

Jeremías 48:34

Ta x'avanic ta j'ech'el yu'un yipal ti mu ts'icbaj ta xa'iic ti jnaclejetic ta Hesbone. Ti yech'omal snuq'uique xvinaj to batel c'alal to Elalé xchi'uc ti ta Jahase, ti ta Zoare, c'ot c'alal to Horonaim xchi'uc ta Eglat-selisiyae. Ul xa ti sat vo' ti ta xtuc ta Nimrime.

Ezequiel 16:46

“Ti avix ti oy ta yolon ti yolon xocon sloq'ueb c'ac'ale, co'ol s'elan lum Samaria xchi'uc ti bic'tal jteclumetic yu'une. Ti amuc ti oy ta yolon ti yac'ol xocon sloq'ueb c'ac'ale, co'ol s'elan lum Sodoma xchi'uc ti bic'tal jteclumetic yu'une.

Ezequiel 16:49

Ti smul laj sta ti achi'il ta voq'uel Sodomae, xi s'elane: Ti stuque xchi'uc ti bic'tal jteclumetic yu'une, stuc xa no'ox xa'iic ma' ti busul c'usitic ta stun slajese. Mu'yuc c'usi sna'ic ti cuxulique. J'ech'el mu'yuc xt'olbijic ta scoltael ti me'une, xchi'uc ti buch'utic ch'abal c'usi x'ayan yu'une.

Ezequiel 28:13

Oyot to ox ta ts'unubaletic yu'un Dios ti sbiinoj Edene, ti xi a'elan ch'albilot ep ta tos c'upil sba bax-tonetique: ti tsoj-tsojtic sba xojobale, ti c'on-c'ontic sba xyaxale, ti ic'-ic'tic sba xyaxale, ti xlablun sba sc'anele, ti ic'-ic'tic sba stsajale, ti yox-yoxtic sba stsajale, ti yax'elantic sba stsajale, ti ep ta tos xojobale, ti c'on-c'ontic sba xyaxal xlablun ta q'uelele, ti c'usitic x'ayan avu'une, ti taq'uinal chiquinale, naca ta oro, chapanbil xa ono'ox c'alal laj avich' ac'bel ach'ulele.

Ezequiel 31:8

Mu jpetsuc ch'ut te' xco'olaj teq'uel ta sts'unubal ti Diose, mi jpetsuc jech sc'obtac jech c'u cha'al ti avu'une, mi jpetsuc castanyo te' yepal yanal jech c'u cha'al ti avu'une, mi petsuc te' ta sts'unubal Dios stac' co'oltasel jech c'u cha'al ti avutsile.

Ezequiel 31:9

Vu'un laj jpas ti c'upil sbae, ti limil no'ox yutsil ti ac'obtaque. Ti yan te'tic oy ta sts'unubal ti Diose, it'ix ta xaya'iic.

Ezequiel 47:18

“Ti sts'aquil ta sloq'ueb c'ac'ale, ta xlic ta o'lol yu'un ti Haurane xchi'uc ti Damascoe. Ta xc'ot ta jteclum Tamar ti oy ta sts'el Sts'ijlajan Nabe, sjunul c'u snatil yoc ti uc'um Jordane. Ta xc'ot ta sts'ac yu'un Galaad xchi'uc ti Israele.

Joel 2:3

Yu'un co'ol s'elanic jech c'u cha'al junuc c'oc' ti scotol ta stsutsese. Xchic'ovan no'ox c'alal ta x'ech' batele, jech tilem ta xcom mi ech' xa batel une. C'alal mu'yuc to ox ta xvulic ta loq'uele, toj jun to ox yutsil ti banomile. C'alal laj ech'el yo'ntonique, co'ol s'elan jun sbajtical banomil ta xictaic comel. Laj to sc'oplal ma' ti oy c'usi colem ta xcom yu'unic une.

Deuteronomio 34:3

Ma'uc no'ox taje, ac'bat yil ti Négueve, ti stenlejaltic Jordane, ti stenlejal Jericoe, ti ja' jteclum Xantic sbie, c'alal to jteclum Zoar xtoc.