Génesis 12:7 - Bible in Tzotzil de Chamula

⁷ Ti bu taje, laj yac' sba iluc ti Diose, ti xi laj yale: “Ti banomil li'e, ja' ta xcac'be yich' ti anitilultaque.” Va'i un, ti Abrame laj sva'an jun altar ta sventa yich'obil ta muc' ti Diose, yu'un laj yac' sba iluc ta stojol.

Bible in Tzotzil de Chenalhó with Deuterocanon

⁷ Li Muc'ul Diose te laj yac' sba ta ilel ta stojol li Abrame. Jech laj yalbe: “Li banamil li'i ja' ta xcac'beic li amomnich'nabtaque”, x'utat. Ja' yu'un li Abrame te lic spasbe jun scajleb smoton li Muc'ul Diose yu'un chich' ta muc' ta sventa ti laj yac' sba ta ilel ta stojole.

Génesis 12:7 Iomraidhean Croise

Génesis 12:8

Ts'acal to un, bat ta muc'tiquil vitstic ti oy ta yeloval sloq'ueb c'ac'al yu'un ti jteclum Betele. Ti bu taje, laj sva'an ti yaxibalnae. Ti Betele, ta smaleb c'ac'al oy bu laj sva'an ti yaxibalnae. Yan ti jteclum Haie, ta stuq'uil sloq'ueb c'ac'al oy yu'un. Ti bu taje, ti Abrame lic sva'an jun altar yan velta. Laj sta ta na'el ti Diose.

Génesis 13:15

Le'e, vu'un ta xcac'bot scotol ti banomil ti ta xaq'uel batele. Ja' avu'unic o ta xcom xchi'uc scotol ti anitilultaque.

Génesis 13:17

Soban, xanio ava'i c'u snatil, c'u sjamlej ti banomil ti vu'un ta xcac'bote.”

Génesis 13:18

Ja' yu'un un, ti Abrame laj stsob batel ti yaxibalnae, bat nacluc ta tulantic yu'un jun vinic Mamre sbi, nopol xa ta sts'el jteclum Hebron. Ti bu taje, laj sva'an jun altar ta sventa yich'obil ta muc' ti Diose.

Génesis 13:4

Taje, ja' ti bu laj sva'an ta ba'yel ti altare, ti laj sta ta c'oponel ti Diose.

Génesis 15:18

Ti jech c'ac'al taje, ja' o ti Diose laj yac' strate xchi'uc ti Abram ti xi laj yalbee: —Ti banomil li'e, ja' ta xcac'be ti anitilultaque. Ta xlic ta yuc'umal Egipto, ta x'ech' ta muc' ta uc'um yoc ti uc'um Eufratese.

Génesis 17:1

C'alal yich'oj xa balunlajuneb yo'vinic (99) jabil ti Abrame, laj yac' sba iluc ti Dios ta stojolal ti xi albate: —Vu'un Diosun ti scotol xu' cu'une. Tamo ta spasel ti c'usi lec tuc' ta xquil ta jba ta jsate.

Génesis 17:3

Jech ti Abrame snupilan xa banomil laj spatan sba ta lum c'alal yacal xi xvulvun ta c'opojel ti Diose:

Génesis 17:8

Ti vo'ote xchi'uc ti stuquique, ta xcac'boxuc scotol yosilal Canaán ti bu nacalot avie. Yu'un j'ech'el ta xcom o ta arextoic cu'un, xchi'uc ta jva'an jba ta Dios avu'unic.

Génesis 18:1

Nopol nan o'lol c'ac'al, ti Diose laj yac' sba iluc ta stojol Abraham c'alal chotol ta xcux yo'nton ta sti' yaxibalna ti oy ta tulantic yu'un ti Mamree.

Génesis 22:9

C'alal c'otic bu albilic yu'un ti Diose, jech ti Abrahame lic smeltsan jun altar. Laj yac'be si'il. Ts'acal to un, lic xchuc ti Isaac ti ja' xnich'one. Laj scajan ta ba si' oy ta altar.

Génesis 24:7

Ti Ajvalil Dios yu'un ti vinajele, laj sloq'uesun talel ta sna ti jtote, ta yosilal ti cuts' calale. Laj yac' ye sti' ta xiyac'bun jventain xchi'uc jnitilultac ti banomil li'e. Ja' jech xtoc ta stacbot talel yaj'ánjel yo' xu' avu'un ta yiq'uel talel jun tseb ta sventa yajnil ti jnich'one.

Génesis 26:25

Ja' yu'un un, ti Isaaque laj smeltsan jun altar. Laj sta ta na'el ti Diose. Com naquiuc ti bu taje. Jech ti smosovtaque lic sjoq'uic joc'.

Génesis 26:3

Avi tana li'e, naclan ta jteclum. Ta jchi'inot. Ta jva'an jba ta atojol. Yu'un ti banomil li'e, chapal sc'oplal ta xcac'bot avich' xchi'uc ti anitilultaque. Ti jech taje, ja' ta xc'ot ta pasel cu'un ti jtrate calojbe ti atot Abrahame.

Génesis 28:13

Ja' jech xtoc laj yil va'al ti Dios ta sts'ele, ti xi albate: “Vu'un ti Ajvalilune, Dios yu'un ti amuc'tot Abrahame xchi'uc ti atot Isaaque. Ti vo'ote xchi'uc ti anitilultaque, ta xcac'boxuc ti banomil bu puch'ulote.

Génesis 28:4

Ac'o yac'bot xchi'uc anitilultac ti slequilal Dios albil ta x'ac'bat ti Abrahame yo' jech ta xacomic ta yajval ti banomil li' bu nacalotic co'ol s'elan jyanlumotique, yu'un albil ono'ox ta x'ac'bat ti Abrahame.”

Génesis 32:30

Ja' yu'un un, ti Jacobe, Penuel laj yac'be sbi ti bu taje. Yu'un xi laj yale: “Laj quilbe jba jsatcutic xchi'uc ti Diose. Ac'o mi jech un, li' to cuxulun ya'yele.”

Génesis 33:20

Ts'acal to un, laj sva'an jun altar, laj yac'be sbi El-elohé-israel.

Génesis 35:12

Yu'un ti banomil laj cac'be yich' ti Abrahame xchi'uc ti Isaaque, ta xcac'bot avich' ec. Ts'acal to un, ta xcac'be yich' ec ti anitilultaque.”

Génesis 35:7

Va'i un, laj smeltsan jun altar. Ti bu taje, El-betel, laj yac'be sbi, yu'un laj yac' sba iluc Dios ta stojol c'alal ja' o loq'uem ta jatavil ta stojol ti sbanquile.

Génesis 50:24

Oy jun c'ac'al un, ti Josee xi laj yalbe ti xchi'iltac ta voq'uele: “Jutuc xa sc'an xicham. Le' une, ja' no'ox Dios ac'o xtal stic' sba ta scoltaeloxuc yo' jech ta sloq'uesoxuc batel li' ta muc' ta lume, yo' jech ta xic'oxuc batel ta banomil bu albilic ono'ox ta x'ac'batic ti Abrahame, ti Isaaque, xchi'uc ti Jacobe.

Génesis 8:20

Ts'acal to un, ti Noee lic xchapan jun altar ta sventa yich'el ta muc' ti Diose. Laj stsac talel jujucot ta jujutos ti lequil chon bolometique xchi'uc ti mutetique. Laj xchic' ta matanal ta sventa yich'el ta muc' ti Diose.

2 Samuel 24:25

Ti bu taje, laj sva'anbe yaltar ti Diose. Laj yac' ti chic'bil matanale xchi'uc ti c'usitic ta xich' svocol ta sventa ti lajesobil o'ntonale. Va'i un, ti Diose laj xchiquinta ti ta xc'anbat vocol sventa ti lume. Ti chamel lajel ta xmilatic o xchi'uc ti Israele, loc' batel.

1 Reyes 18:32

Lic smeltsanbe ta yaltar Dios. Laj spolbe sbeo'al ta joyob ta yoc ti altar ta ts'acal to une, ti x'och yu'un jtobuc (20) ta litro sat ts'unobale.

1 Crónicas 16:16

ti trate laj yal ta stojol ti Abrahame, ti c'u s'elan laj sva'an sba ta yalel ta stojol ti Isaaque,

1 Crónicas 16:18

ti c'alal xi laj yale: ‘Ta xcac'bot ti banomil Canaane, ta xavu'nin ti ta xc'ot ta arextoe.’

2 Crónicas 20:11

Ti stojol ta xaq'uic une, ta xistsacuncutic ta leto yo' jech ta xisnutsuncutic loq'uel ta banomil ti ja' avu'une, ti laj avac'buncutic ti c'ot ta cu'uncutique.

2 Crónicas 20:7

Ti Diosot cu'uncutique, yilojic ta sba ta satic ti israeletic ti vo'ot laj aten loq'uel ti jnaclejetic yu'un ti banomil li'e, ti laj avac'be o ta j'ech'el snitilultac ti Abraham ti lec xavil abaic xchi'uque.

Esdras 3:2

Va'i ti Josuee, xnich'on ti Josadaque, xchi'uc ti xchi'iltac ta paleale, ti xcaltique, ja' ti Zorobabel xnich'on ti Salatiele, xchi'uc ti yuts' yalaltaque, lic smeltsanic yaltar ti Dios yu'un ti Israele, yo' jech ta xaq'uic chic'bil matanal ta sba jech c'u cha'al ti oy c'usi jbel tsots albil yu'un ti Moisés yajtunel ti Diose.

Éxodo 17:15

Va'i un, ti Moisese laj smeltsan jun altar ti laj yac'be sbi “Ja' c'ot ta jbandera ti Diose.”

Éxodo 24:4

Va'i un, ti Moisese laj sts'iba scotol ti c'u s'elan albat yu'un ti Diose. Sob xa lic ta yoc'omal. Laj smeltsan jun altar ta yoc ti vitse, ti laj slats lajcha'bej (12) t'ujbil tone, ti jujubej yu'unic ti jujuvoc' snitilultac ti Israele.

Éxodo 32:13

Vuleso ta avo'nton c'u s'elan albil avu'un ta sventa ti Abrahame, ti Isaaque, ti Israele, ti ja'ic avajtuneltaque. Yu'un ja'ic laj ya'iic ti vo'ot atuc loq'uem ta ave ta ati' ti jbel sc'oplal mu xch'ay ta be ti laj aval ti xi ta xapas ta stojolique: “Ti anitilulique, ta jpas ta stojolic ti ta x'epajic ta j'ech'el jech c'u cha'al ti c'analetic ti oy ta vinajele. Ja' jech xtoc scotol ti banomil li'e, loc' ta que ta jti' ta xcac'boxuc ti ta xc'ot o ta arextoic cu'un ta sbatel osile.”

Éxodo 33:1

Ti Diose xi laj yalbe ti Moisese: —Tamo batel abe. Loc'an batel xchi'uc ti israeletic ti laj aloq'ues talel ta Egiptoe. Batanic ta banomil ti bu calojbe ya'iic ti Abrahame, ti Isaaque, ti Jacobe, ti caloj ti ta xcac'be ti snitilulique.

Éxodo 6:3

Ti jbiinoj Dios ti scotol xu' cu'une, laj cac' jba iluc ta stojol ti Abrahame, ti Isaaque, ti Jacobe. Ja' no'ox un, mu'yuc laj jvinajes AJVALIL xi ti jbats'i bi ta stojolique:

Éxodo 6:4

Ac'o mi jech taje, ja' no'ox un, laj jpas jun jtrate ta stojolic. Laj cal ta xcac'beic ti Canaán banomil bu co'ol s'elan jyanlum xanavic c'uc sjalile.

Jeremías 3:18

“C'alal ta xc'ot ta pasel sc'ac'alil taje, ti jteclum Judae ta xlic sco'oltas yo'ntonic xchi'uc ti jteclum Israele. Jmoj xvoletic ta sutic batel ta muc' ta lum ti oy ta yolon ti yolon xocon sloq'ueb c'ac'al ta banomil ti calojbeic ta xcac'beic ta xrextoic amolmuc'totic laj ech'uc ta vo'nee.

Números 26:53

“Ti va'i yepal ta scotol ti viniquetic taje, ja' me ta xich'ic sparte osilic ti buch'utic laj yich' tsacanbel ti sbiique.

Números 32:11

“Yu'un scotol ti querem viniquetic ti yich'ojic jtob jabile xchi'uc ti x'ech' xa ti c'alal loq'uic talel ta Egiptoe, mu x'ochic batel ta banomil ti caloj ta xcac'beic ti Abrahame, ti Isaaque, ti Jacobe, ta scoj ti yan ti sjol yo'ntonic ta jtojole.”

Hechos 7:5

Mi ja'uc ac'bat jutebuc xrexto osil ti oy bu jutebuc ta stec'an ti yacane. Ja'uc le'e, albat ono'ox ti ta x'ac'bat ta sventa snitilultac c'alal mi chame, ac'o mi ch'abal to ox xnich'on ti jech ora taje.

Romanos 9:8

Taje, ja' ta xac' ta na'el ti ma'uc xnich'nab Dios ta sventa ti voq'uem no'ox talel ta nitilule. Ti buch'u ta xc'ot ta xnich'nab Diose, ja' ti buch'u albil sc'oplal yu'un ti Diose, ja' bats'i nitiluletic unbi.

Gálatas 3:16

Ja' jech laj yal ec ti Dios ta stojol ti Abraham ta sventa sc'oplal ti jun snitilule. Ti ts'ibabil ta ch'ul c'ope, ma'uc ta xal ti ta sventa snitilultac ti Abrahame, ti ta staic slequilal yutsilal ti jnaclejetique, ti co'ol s'elan jun yepal ya'luque. Mo'oj, yu'un laj yal ti Diose ti ta staic slequilal yutsilal ti jnaclejetic ta sventa ti jun snitilul ti Abrahame, ja' sc'oplal Cristo ma' taje.

Gálatas 4:28

Ti vo'oxuque, Jchi'iltac, xi s'elan oy ti ac'oplalique: Lac'otic xa ta xnich'nab Dios jech c'u cha'al albat sc'oplal ti Isaaque.

Deuteronomio 1:8

Yu'un laj xa cac'boxuc ta avoc ta ac'obic ti muc' ta lume. Batanic, u'ninic ti banomil une. Ti vu'un Diosune laj ono'ox jva'an jba ta yalel ti ta xcac'beic ti amolmuc'totic ti laj ech'icuc ta vo'nee xchi'uc ti snitilultaque, ja' sc'oplal ti Abrahame, ti Isaaque, xchi'uc ti Jacobe.

Deuteronomio 30:20

C'uxuc xava'iic ti Ajvalil Dios avu'unique. Ch'unbeic ti c'usi ta sc'an pasbele. Co'oluc avo'ntonic xchi'uc. Yu'un ja' sbainoj ti acuxlejalique. Ta sventain stuc ti jaluc cuxianic ta lum ti laj sva'an sba ta rextico stuc ti ta xac'be yich' ti Abrahame, ti Isaaque, ti Jacobe, ja' ti amolmuc'totic ti laj ech'icuc ta vo'nee.”

Deuteronomio 34:4

Va'i un, xi albat yu'un ti Diose: “Ja' me ma' ti jteclum le' une ti laj jva'an jba ta yalel ti ta xcac'be yich' snitilultac ti Abrahame, ti Isaaque, ti Jacobe. Jech ono'ox oy ta co'nton ta jc'an ta xcac'bot avil ta aba ta asat ac'o mi mu xa'och batel un.”

Deuteronomio 6:10

“Ti Ajvalil ti ja' Dios avu'unique, ta xac' ochanic batel ta lum ti bu albat ta jamal ti ta x'ac'batic ti amolmuc'totic Abrahame, ti Isaaque, ti Jacobe, ti laj ech'icuc ta vo'nee. Ja' jun muc' ta lum ti c'upil sba ti jteclumetic ti oy yu'une, ti mu jutebuc laj atic' abaic ta smeltsanele.

Deuteronomio 9:5

Mo'oj, yu'un ma'uc ta sventa ti xana' c'usi xavut abaic yu'un ti abijilique. Mi ja'uc ta sventa slequilal yutsilal avo'ntonic ti yo' jech la'ochic ta yu'ninel ti slumalique. Yu'un ti jech ta xtenatic loq'uel yu'un ti Dios ta aba ta asatique, ja' ta scoj ti xchopolalique, xchi'uc xtoc yo' ta xc'ot ta pasel yu'un ti strate ti laj ono'ox yalbe ya'i ti amolmuc'totic Abrahame, ti Isaaque, xchi'uc ti Jacob ti laj ech'icuc ta vo'nee.

Hebreos 11:13

Scotolic taje, cham ilajic, mu'yuc yich'ojic ti c'usi albilic yu'un Dios ti ta x'ac'batique. Ta sventa ti c'otem ta yo'ntonic ta xch'unele, ta nom laj yilic batel ti xmuyubajic xa yu'une, xchi'uc laj ya'i sbaic ti naca j'ech'el-beetic ech'ic li' ta banomile.

Hebreos 11:8

Ti jech c'otem ta yo'nton ta xch'unel ti Abrahame, ti c'alal tae ta iq'uel yu'un ti Diose, laj xch'un, loc' batel yo' ta xbat ta banomil ti bu ta x'ac'bat ti xrexto yu'un ti Diose. Laj yicta comel ti yosil sbanomile c'alal mi ja'uc sna' ti bu ta xbate.

Josué 1:6

Tsotsan un cha'e, mu xatsiq'ues avo'nton. Yu'un abainoj ta xch'acbel sbanomil ti lum li'e. Yu'un ja' xrexto osilic ti laj jva'an jba ta yalel ta stojol ti smolmuc'totic laj ech'icuc ta vo'nee.

Josué 22:10

C'alal c'otic ta sts'el uc'um Jordán ti ja' to yosilic ti cananeoetique, jech ti snitilultac ti Rubene, ti Gade, xchi'uc ti o'lol jvoc' snitilultac ti Manasese, lic sva'anic jun muc' ta altar ta sts'el ti uc'ume.

Josué 8:30

Va'i un, ti Josuee laj slats jun altar ta vits Ebal ta sventa ti Ajvalil ti ja' Dios yu'un ti Israele.

Jueces 6:24

Va'i un, ti Gedeone lic smeltsan jun altar ti bu taje, sventa yich'obil ta muc' ti Diose, ti laj yac'be sbiin “Ti Diose, ja' jlamajesej c'op”. Avi tana ti altar taje, yoquel to xvinaj ta Ofra ta steclumal snitilultac ti Abiezere.

1 Samuel 7:17

Mi laj yo'nton une, ta sut talel ta Ramá ti bu chotole. Ti bu taje, ja' to tey ta xlic talel ti spaselic ta mantal ti Israele. Ti bu taj xtoque, laj smeltsan jun altar ta sventa ti Diose.