Génesis 12:6 - Bible in Tzotzil de Chamula

⁶ Jech ti Abrame ech' xani jelavel c'u sjamlej ti banomile, ja' to ti c'uxi c'ot ta Siquem bu oy ti ch'ul tulan yu'un ti Moree. Yu'un ja' nacalic ti cananeoetic ta banomil taje.

Bible in Tzotzil de Chenalhó with Deuterocanon

⁶ Ech' xtuch'ic jelovel scotol li Canaán banamile. Ibatic c'alal to ta Siquem, te yo' bu muc'ta tulan ta Moree. Li banamil bu ic'otique, ja' te nacalic li canaanetique.

Génesis 12:6 Iomraidhean Croise

Génesis 10:15

Sba xnich'on ti Canaane, ja' ti Sidone, xchi'uc xtoc ti Hete.

Génesis 13:7

Yu'un ti buch'u ta sq'uelbeic sts'unubtac ti Abrame, ta stsac sba ta c'op xchi'uc ti buch'utic ta sq'uelbeic sts'unubtac ti Lote. Ma'uc no'ox taje, yu'un ti cananeoetique, xchi'uc ti ferezeoetique, nacalic to ox jech yorail taje.

Génesis 33:18

Va'i un, ti Jacobe mu'yuc c'usi laj snuptan, lec c'ot ta Canaán c'alal loc' batel ta Padán-aram. Laj slaman sba ta yeloval jteclum Siquem.

Génesis 34:2

Ilat yu'un ti Siqueme, ti ja' squerem nich'on ti heveo vinic Hamor ti banquilal jtsobvanej yu'unic ti bu taje. Ti Siqueme laj stsatsal jis ta lum, laj yilbajin ti tsebe.

Génesis 34:30

Ja' yu'un un, ti Jacobe xi laj yalbe ti Simeone xchi'uc ti Levie: —Ti vo'oxuque laj xa avaq'uicun ta vocol. Avi tana une, ti jnaclejetic li'e, ti cananeoetique, xchi'uc ti ferezeoetique, ta xlic capuc sjolic. Ta stsob sbaic ta scontrainelun, ta xistsaquicun ta leto. Ti jech mu'yuc ep ti jvinictaque, ta xismilicun, ta xlajic ec ti c'u yepal oy ta jtojole.

Génesis 35:4

Jech ti stuquique laj yac'beic ta sc'ob Jacob scotol ti jnabel diosetique xchi'uc ti taq'uinal chiquinaletic ti joc'ajtic ta xchiquinique. Jech ti Jacobe laj smuc ta yoc jpets tulan ta nopol Siquem.

1 Reyes 12:1

Ti bat ta Siquem ti Roboame, yu'un scotol ti Israel batic ti bu taje yo' jech ta snup yabtel ta ajvalilal yu'unic.

1 Reyes 12:25

Ti Jeroboame lic xcha'meltsan ti lum Siquem ti oy ta vitstic yu'un ti Efraine, lic nacluc. Laj taj une, lic xcha'meltsan ti Penuele.

Salmos 60:6

Ti Diose xi laj yalbotic ta xch'ulnae: “Mu'yuc xa c'usi xtaun o xca'i ximuyubaj ta jch'ac ti Siqueme, ta spuquel ti stenlejal Sucote.

Oseas 6:9

Ti paleetique, ja' jun j'eleq'uetic ti xvoletic no'ox ti oy ta stojol ti jnaclejetique. Ta xmilvanic xchi'uc ep ta tos ti c'usitic ta spasic ti ta sbelel Siqueme.

San Juan 4:5

C'ot ta jteclum Sicar ti oy ta yosilal Samariae, nopol xil sbaic xchi'uc ti banomil ti ja' to ox yu'un ti Jacob ti laj yac'be comel ti xnich'on José sbie.

Hechos 7:16

Sbaquil ti jmolmuc'totic Jacobe laj xcuchbeic loq'uel ti ta Egiptoe, bat smuquic ta smuquinal ti bu laj sman ti Abrahame, ti ja' yosilic to ox xnich'nab ti Hamor ti oy ta Siqueme.

Deuteronomio 11:30

Ti muc'tiquil vits taje, oy ta jot uc'um Jordán ta stuq'uil batel ti bu ta x'ech' ti be ti ta xbat ta smaleb c'ac'al ta yosilal ti cananeoetic ti nacalic ta stenlejal ti ta yeloval Gilgale, ta sts'el xtoc ti tulantic yu'un ti Moree.

Hebreos 11:9

Ti jech c'otem ta yo'nton ta xch'unele, co'ol s'elan j'ech'el-be naqui ta osil ti bu albil yu'un ti Dios ta x'ac'bate. Yu'un ta axibal na naqui jech c'u cha'al naqui ti Isaaque, ti Jacobe, ti c'alal albilic ono'ox sc'oplal ta x'ac'batic ti osil banomile.

Josué 20:7

Ti pojobbail jteclumetic ti laj st'ujic ti israeletique, ja' ti Cedes yu'un Galilea ti oy ta vitstic yu'un ti Neftalie. Laj st'ujic xtoc ti jteclum Siquem ti oy ta vitstic yu'un ti Efraine, xchi'uc ti jteclum Quiriat-arba ti sbiinoj xtoc Hebrón ti oy ta vitstic yu'un ti Judae.

Josué 24:32

Sbaquiltac ti José ti laj yich'ic loq'uel talel ta Egipto ti israeletique, bat smuquic ta Siquem ta yosil Jacob ti laj sman ta vo'vinic (100) ta sep plata taq'uin ti ja' yu'unic xnich'nabtac ti Hamore, ti ja' stot ti Siqueme. Ts'acal to xtoc un, c'ot ta xrextoic xnich'nabtac ti Josee.

Jueces 7:1

Ti Gedeone, ti ja' xa sbiinoj yu'unic ti Jerobaale, xchi'uc ti c'u yepal oy ta stojole, sob xa liquic batel ta yoc'omal, ti c'ot svol sbaic ta sat vo' yu'un ti Harode. Yan ti bu vololic ta yaxibal naic ti madianitaetique, comem ta yolon ti yolon xocon sloq'ueb c'ac'al yu'unic ta stenlej ti oy ta yoc vits yu'un ti Moree.

Jueces 9:1

Ti Abimeleque, xnich'on ti Jerobaale, bat ta Siquem, ti xi laj yal ti c'alal bat sc'oponan ti yuts' yalaltac ta sventa ti sme'e: