Génesis 12:3 - Bible in Tzotzil de Chamula

³ Ti buch'utic lec ti c'usitic oy ta ye ta sti'ic ta atojole, naca c'uxubinel oy ta que ta jti' ta stojolic ec. Yan ti buch'utic naca chopol ti c'usitic oy ta ye ta sti'ic ta atojole, oy ta que ta jti' ti chopol sc'oplalic cu'un eque. Yu'un ja' ta aventa ta staic c'uxubinel ti lec que jti' ta stojol ta jujuchop scotol ti jnaclejetic ta banomile.”

Bible in Tzotzil de Chenalhó with Deuterocanon

³ Ta xcac'be bendición li boch'o lec chayilote. Ta xcac'be stoj smul li boch'o chopol chayilote. Vo'ot ta aventa chich'ic bendición scotol cristianoetic ta sbejel banamil”, x'utat yu'un li Diose.

Génesis 12:3 Iomraidhean Croise

Génesis 18:18

Yu'un ti stuque ta xc'ot ta totil yu'un ti jun muc' ta lume, xchi'uc xi'bil. Yu'un laj calbe ya'i ja' ta sventa stuc ta sc'upinic c'uxubinel cu'un scotol ti muc'tic lumetic oy ta sbejel banomile.

Génesis 18:19

Ti stuque, laj xa jt'uj yo' jech ta xchanubtas ti xnich'nabtaque, xchi'uc ti snitilultaque, ac'o xch'unic c'u s'elan ti chanubtasel ta xcale, ti lecuc tuc'uc scotol c'usi ta spasique, yo' jech ta xc'ot ta pasel cu'un ti c'usi caloje.”

Génesis 22:18

Yu'un scotol ti muc'tiquil lumetic oy ta banomile, ta staic xc'uxubinelic ta sventa ti stuquique. Yu'un ti vo'ote laj ach'un ti c'usi laj calbote.”

Génesis 24:35

Yu'un ti cajvale, xi s'elan ep sva'anoj sba ti Dios ta stojolal ti pasem ta jc'uleje: Ac'bil ep xchij, xvacax, oro, plata taq'uin, xchi'uc ep mosovil viniquetic, antsetic. Oy ep scamellotac, sburrotac xtoc.

Génesis 25:11

C'alal cham xa ox ti Abrahame, jech ti Diose lic sva'an sba ta stojol ti Isaaque, ti nacal com ta sts'el joc' ti jech sbie, “Sjoc' ti Buch'u cuxul yilojune”.

Génesis 26:29

Mu xapasbuncutic ti c'usi chopole, yu'un ti vu'uncutique mu'yuc ono'ox ti c'usi chopol laj jpascutic ta atojolale. Yu'un lec ono'ox xquil jbatic. Ta lequilal laj jtacotcutic loq'uel talel. Avi tana le' une, sva'anoj sba ti Dios ta atojolale.

Génesis 26:4

Yu'un ta xquepajes ta j'ech'el ti anitilultac jech c'u cha'al ti c'analetic ti oy ta vinajele. Ta xcac'beic ti banomil li'e. Ta sventa ti anitilultaque, ta staic c'uxubinel scotol ti muc'tiquil lum ti oy ta banomile.

Génesis 27:29

Ac'o yac' sba ta mosovinel ta atojolal ti epal jnaclejetique, ti quejeleticuc ti muc'tiquil lum ta atojolale. Ventaino ti achi'iltaque, ti quejeleticuc ta atojolale. Ti buch'u ta sbisot ta cotol chavale, ja' no'ox jech ta xich' sbisel ta cotol chaval ec, ti buch'utic ta xc'uxubinote, ja' no'ox jech ta xich'ic c'uxubinel ec.”,

Génesis 28:14

Jech ti stuquique ta x'epajic jech c'u cha'al spucuquil ti banomile. Ta xtanijic batel ta xchanjechal banomil. Ta aventa vo'ot xchi'uc ti anitilultac eque, ta staic slequilal Dios scotol ti jujuchop jnaclejetic ta sbejel banomile.

Génesis 30:27

Va'i un, ti Labane xi laj staq'ue: —Avocoluc, coman li' ta jtojole. Mu xabat. Yu'un laj xa jta ta t'unel ti sva'anoj sba ti Dios ta jtojol ta aventae.

Génesis 30:30

Yu'un c'alal livul ta atojole, mu'yuc to ox ep ti c'usi x'ayan avu'une. Avi tana li' une, epajem ta j'ech'el. Ti c'alal livul li'e, laj sva'an sba ta atojol ti Diose. Ja' no'ox un, ¿c'usi to ora ta xlic jbain jba jtuccutic ti c'u quepalcutique?

Génesis 39:5

C'alal lic sbainbe sna Potifar ti Josee xchi'uc scotol ti c'usi x'ayan yu'une, laj sva'an sba ti Dios ta sna ti Potifare, xchi'uc ti c'usi oy yu'un ta yosile.

Salmos 72:17

J'ech'eluc oyuc ta eil ti'il sc'oplal ti ajvalile; jechuc s'elan c'ac'al jalijuc ta xvinaj ti cuchem yu'une. Ja'uc ta sventa staicuc ti mu'yucuc c'usi sna'ic scotol ti muc'tiquil lumetic ta banomile. Stuc xa no'ox jech ta j'ech'el xiicuc yu'un ti muc'tiquil lumetique.

Éxodo 23:22

Yan ti mi j'ech'el ta xach'unbeique, ti mi ta xapas scotol ti c'usi caloje, ta jva'an jba ta scontrainel ti avajcontrae, ta xi'ilin yu'un ti buch'u ta xayilbajinote.

Números 24:9

Yu'un xi s'elan ti c'alal xach'al ta xcuxique, co'ol to s'elan junuc jti'oval león yilel: mu'yuc buch'u uni xit'an no'ox xa'i sba ta xnopaj ta stijbel ti svayele. C'uxubinbiluc ec ti buch'u ta xc'uxubinote. Bisatuc ta cotol chaval ya'i ti buch'u ta sbisot ta cotol chavale.”

San Mateo 25:40

Ti vu'un Ajvalilune xi ta jtac'beique: ‘Ta xcalboxuc ava'iic ta melel, ta sventa ti laj ac'uxubinic ti jun jchi'ile, ti peq'uel yuni c'oplale, vu'un laj ac'uxubinicun.’

San Mateo 25:45

Ti vu'un Ajvalilune xi ta jtac'beique: ‘Ta xcalboxuc ava'iic ta melel, ta sventa ti mu'yuc laj ac'uxubinic ti achi'ilique, ti peq'uel yuni c'oplalique, vu'un mu'yuc laj ac'uxubinicun.’

San Lucas 24:27

Ta jech yepal lic yalbe sba sc'oplal stuc ti ts'ibabil ta ch'ul c'op ti oy ta jujupoc svuntac ti Moisese, ti xcholet laj yal batel ti c'ot c'alal to ta jujupoc svuntac ti c'usi laj sts'iba comel ti yan j'alc'opetique.

Romanos 4:11

Ta ts'acal to lic yich' circuncisión ti Abrahame, senyail ti laj sta ti lec x'ile yu'un ti Dios ta sventa ti c'ot ta yo'nton ta xch'unele. Ti jech c'ot ta yo'nton ta xch'unel ti Abrahame, c'ot ta totil yu'unic ti buch'utic jech ta xc'ot ta yo'ntonic ta xch'unele, manchuc mi mu'yuc yich'ojic ti circuncisione. Ta staic ti lec x'ileic yu'un Dios ti buch'utic jech ta xc'ot ta yo'ntonic ta xch'unele.

1 Corintios 1:30

Yu'un ti Diose laj spasoxuc ta jun xchi'uc ti Cristo Jesuse, ti c'ot ta pasel yu'un ti ja' jbijiltic ti Cristoe. Ta sventa ti Cristoe, laj jtatic ti lec xij'ilee, lijc'ot ta yu'un, laj jtatic pojel colel.

Gálatas 3:16

Ja' jech laj yal ec ti Dios ta stojol ti Abraham ta sventa sc'oplal ti jun snitilule. Ti ts'ibabil ta ch'ul c'ope, ma'uc ta xal ti ta sventa snitilultac ti Abrahame, ti ta staic slequilal yutsilal ti jnaclejetique, ti co'ol s'elan jun yepal ya'luque. Mo'oj, yu'un laj yal ti Diose ti ta staic slequilal yutsilal ti jnaclejetic ta sventa ti jun snitilul ti Abrahame, ja' sc'oplal Cristo ma' taje.

Gálatas 3:28

Ti jech oyoxuc ta stojol ti Cristoe, junoxuc xa, laj xa sc'oplal ti ta xavalbe abaic mi israele, mi jyanlum, mi mosovil, mi colem, mi vinic, mi ants.

Gálatas 3:8

Ti ch'ul c'ope, vo'ne xa ono'ox laj svinajesbe sc'oplal ti jyanlumetic ta staic ti lec ta x'ileic yu'un Dios ta sventa ti ta xc'ot ta yo'ntonic ta xch'unele. Jech o xal ti Diose laj svinajes ti lequil ach' c'op yu'un ta stojol ti Abrahame: “Ta aventa vo'ot, ta staic slequilal yutsilalic ti jnaclejetic ti oyic ta sjoylej banomile”, xi ti Dios ta stojol ti Abrahame.

Efesios 1:3

Lequil-c'optabiluc cu'untic ti Jtotic Diose, Stot ti Cajvaltic Jesucristoe, yu'un laj xa yac'botic ep ta tos ch'ul lequilal ti oy ta vinajel ta sventa ti Cristoe.

Colosenses 3:11

Ma'uc xa tsots sc'oplal mi israel mi ma'uc, mi yich'oj circuncisión mi mu'yuc, mi jyanlum, mi mu'yuc chanubtasbil, mi mosovil mi ma'uc. Yu'un ja' tsots sc'oplal ti oyotic ta stojol Cristo ti ta sventainotic jcotoltique.

Apocalipsis 7:9

Laj taj une, laj quil yepal oy bu talemic ta jujun banomil ti oyic ta muc'tiquil lumetique, ti jujutos ti sts'unobalique, ti jujutos ti sc'opique, ti oyic ta jujun jteclume. Ti yepal no'ox ta j'ech'el ti mu'yuc buch'u xchap yu'un c'u yepalique, tey va'ajtic ta stojol ti Buch'u chotol ta muc' ta chotlebale, xchi'uc ti jcot ta Uni Chije. Slapojic batel saquil c'u'il xchi'uc xtuchojic batel yanal xan.