Génesis 12:2 - Bible in Tzotzil de Chamula

² Yu'un ta sventa ti anitilultaque, ta xlic c'oticuc cu'un ta jun muc' ta lum. Ta jts'uiltasot yo' jech ich'bilot ta muc' ta xac'ot, ja' sliqueb c'uxubinel ta xac'ot yu'unic ta sventa ti yane.

Bible in Tzotzil de Chenalhó with Deuterocanon

² Ta sventa amomnich'nabtac ta jliques jun muc'ul lum. Chacac'bot ep bendición; ta xcac' pucuc batel ac'oplal. Xchi'uc vo'ot ta aventa chich'ic bendición li yantique.

Génesis 12:2 Iomraidhean Croise

Génesis 13:16

Vu'un ta jpas ta stojolic ti ta xcac' epajuc jech c'u cha'al spucuquil ti banomile. Jech c'u cha'al mu atbajuc c'u yepal ti pucuque, ja' jech mu atbajuc yepal ta xbat ti anitilultaque.

Génesis 15:5

Ja' yu'un un, ti Diose laj yic' loq'uel ti Abram ti xi laj yalbee: —Q'uelo avil batel ti vinajele. Ato avil ti c'analetic mi xchap avu'une. Ja' yu'un un cha'e, ja' jech yepal ta xbat ti anitilultaque.

Génesis 17:20

Yan ta sventa ti Ismaele, laj xa ca'i ti c'usi laj ac'an ti ac'o stae. Ja' yu'un un, ta jts'uiltas, ta xcac' epajuc liquel ti yalab xnich'nabe. Ta xcac' epajuc liquel ti snitilultaque. Yu'un ti Ismaele ta xc'ot ta totil yu'un lajcha'chop banquilaletic ti tsots xu' yu'unique. Ta xc'ot cu'un ti spajeb xa no'ox ta jun muc' ta lum ta xbate.

Génesis 18:18

Yu'un ti stuque ta xc'ot ta totil yu'un ti jun muc' ta lume, xchi'uc xi'bil. Yu'un laj calbe ya'i ja' ta sventa stuc ta sc'upinic c'uxubinel cu'un scotol ti muc'tic lumetic oy ta sbejel banomile.

Génesis 18:19

Ti stuque, laj xa jt'uj yo' jech ta xchanubtas ti xnich'nabtaque, xchi'uc ti snitilultaque, ac'o xch'unic c'u s'elan ti chanubtasel ta xcale, ti lecuc tuc'uc scotol c'usi ta spasique, yo' jech ta xc'ot ta pasel cu'un ti c'usi caloje.”

Génesis 19:29

Ja' jech c'ot ta pasel yu'un Dios ti laj stubbeic sc'oplal ti jteclumetic oy ta stenlejaltique, ti bu to ox nacal ti Lote. Ja' no'ox un, ti Diose laj to svules ta sjol c'usi sc'anoj ti Abrahame. Jech o xal laj sloq'ues batel ti Lot bu oy ti vocole.

Génesis 24:1

Mol xa ti Abrahame. Scotol ti c'usi laj spase, laj sta ti laj sva'an sba ti Dios ta stojole.

Génesis 24:35

Yu'un ti cajvale, xi s'elan ep sva'anoj sba ti Dios ta stojolal ti pasem ta jc'uleje: Ac'bil ep xchij, xvacax, oro, plata taq'uin, xchi'uc ep mosovil viniquetic, antsetic. Oy ep scamellotac, sburrotac xtoc.

Génesis 25:11

C'alal cham xa ox ti Abrahame, jech ti Diose lic sva'an sba ta stojol ti Isaaque, ti nacal com ta sts'el joc' ti jech sbie, “Sjoc' ti Buch'u cuxul yilojune”.

Génesis 26:3

Avi tana li'e, naclan ta jteclum. Ta jchi'inot. Ta jva'an jba ta atojol. Yu'un ti banomil li'e, chapal sc'oplal ta xcac'bot avich' xchi'uc ti anitilultaque. Ti jech taje, ja' ta xc'ot ta pasel cu'un ti jtrate calojbe ti atot Abrahame.

Génesis 26:4

Yu'un ta xquepajes ta j'ech'el ti anitilultac jech c'u cha'al ti c'analetic ti oy ta vinajele. Ta xcac'beic ti banomil li'e. Ta sventa ti anitilultaque, ta staic c'uxubinel scotol ti muc'tiquil lum ti oy ta banomile.

Génesis 27:29

Ac'o yac' sba ta mosovinel ta atojolal ti epal jnaclejetique, ti quejeleticuc ti muc'tiquil lum ta atojolale. Ventaino ti achi'iltaque, ti quejeleticuc ta atojolale. Ti buch'u ta sbisot ta cotol chavale, ja' no'ox jech ta xich' sbisel ta cotol chaval ec, ti buch'utic ta xc'uxubinote, ja' no'ox jech ta xich'ic c'uxubinel ec.”,

Génesis 28:14

Jech ti stuquique ta x'epajic jech c'u cha'al spucuquil ti banomile. Ta xtanijic batel ta xchanjechal banomil. Ta aventa vo'ot xchi'uc ti anitilultac eque, ta staic slequilal Dios scotol ti jujuchop jnaclejetic ta sbejel banomile.

Génesis 35:11

xi albate: “Vu'un Diosun ti scotol xu' cu'une; ta xcac' epajuc anich'nabtac xchi'uc anitilultac. Ta aventa vo'ot ta xlic ayanuc muc' ta lum xchi'uc epal jteclumetic, ta sventa ti anitilultaque, ta xlic ayanuc talel ajvaliletic.

Génesis 46:3

Ja' yu'un un, xi albat yu'un ti Diose: —Vu'un Diosun. Dios yu'un ti atote. Mu xaxi' ta xabat ta Egipto. Yu'un ti bu taje, ta xlic quepajes ti anitilultaque. Ta xc'otic liquel ta jun muc' ta jteclum.

2 Samuel 7:9

Ti buyuc no'ox xajoyet batele, laj jchi'inot. Laj jtubbe sc'oplal ti avajcontra ti laj stsacot ta letoe. Cajal c'ot ac'oplal cu'un jech c'u cha'al ti viniquetic ti tsots xu' yu'unic li' ta banomile.

1 Reyes 1:47

Jech xtoc yajtuneltac ti ajvalil Davide bat xa spatbeic yo'nton ti Salomone, ti ac'o sva'an sba ti Dios ta stojolale, ti ech'uc to ti c'u s'elan ta stae, ti jamuc to ech'el sts'aquiltac ti yosile, ti ja'uc mu sta ti c'u s'elan laj sta to ox ti ajvalile. Ma'uc no'ox taje, ja' stuc ti ajvalile, ti quiquil xa ta sba steme, laj snijan sba ta yich'el ta muc ti Dios yu'une.

Job 35:8

Ti viniquetic no'ox jech c'u cha'al ti vo'ote, ta soquesat yu'un ti amule, xchi'uc oy c'usi lec ta staic yu'un ti c'usi lec ta xanope.

Salmos 107:38

Ta sva'an sba ta c'uxubinvanej, ta xc'ot ta pasel ti lec ta xch'ie, ta x'epaj ti xchon sbolomic yu'une.

Éxodo 1:7

Ja' no'ox un, ti israeletique ep ti yalab xnich'nabique. Ja' yu'un un, epajic ta jmec. Tsalvanic comel ta j'ech'el, yu'un naca israeletic xc'uletic ti ta lume.

Éxodo 32:10

Avi tana un, ts'ijlan xa no'ox me ta jtojol, yu'un mu me xa sts'icbaj ta xca'i yu'un ti sc'ac'al co'ntone. Ta jtsutsesic ya'iic ta j'ech'el. Ja'uc ti vo'ote, ta jliques jun muc' ta lum ta aventa.

Isaías 51:2

Ma'uc no'ox un, a'yibeic sc'oplal ti Abraham ti totil avu'unique, xchi'uc ti Sara ti la'ayanic talel ta stojole. C'alal laj jta ta iq'uele, xch'ul tuc ta banomil. Ja'uc le' une, laj jva'an jba ta stojol. Mu no'ox albajuc yepal laj cac'be ti snitilultaque.

Ezequiel 34:26

“Ta sjoylej ti ch'ul vits cu'une, ta jlaman batel ti cuni chijtaque. Ta jva'an jba ta xc'uxubinelic. Ta jtac no'ox talel vo' ta stojolic sventa xc'uxubinelic.

Miqueas 7:20

Staojuc me yav ac'o ta q'uelel ti yutsil slequil avo'ntone, ti syail xc'uxul avo'nton ti laj aval ta vo'ne ta stojol ti jmolmuc'totcutic Abrahame xchi'uc ti Jacobe.

Zacarías 8:13

Ti vo'oxuc judaoxuque, ti israeloxuque, ti chopol ac'oplalic yu'unic ti muc'tiquil lumetic ti capaloxuc ta naclej xchi'uque, ja' yu'un li' une, ta jpojoxuc, ta jtic' jba ta spasel ti mu no'ox c'usi xana'ic liquele. Mu xaxi'ic, tsotsanic me.”

Números 14:12

Ta xcac' taluc jtsutsesvanej chamel ta stojolic yo' jech ta xmacatic ta be ta yu'ninel ti banomil taje. Yan ti vo'ote ta xa'epajic cu'un yo' jech ta xac'otic ta jun muc' ta jteclum ti x'ech' to xu' avu'unique, ti ja' mu sta ti stuquique.

Números 22:12

Va'i un, ti Balaame xi albat yu'un ti Diose: —Mu xachi'in ech'el ti viniquetic le'e. Mi ja'uc xac'anbe slajel stubelic ti lum taje. Yu'un ti lum taje, laj xa jva'an jba ta stojolic.

Números 23:20

Yu'un albilun ti ta xcac' yich'ic ti slequilal yutsilique. C'alal ti Dios ta xac' ti slequil yutsilale, mi ja'uc ti vu'un cajal xa xca'i ta spasel ti c'alal mu'yuc c'usi albilune.

Romanos 4:11

Ta ts'acal to lic yich' circuncisión ti Abrahame, senyail ti laj sta ti lec x'ile yu'un ti Dios ta sventa ti c'ot ta yo'nton ta xch'unele. Ti jech c'ot ta yo'nton ta xch'unel ti Abrahame, c'ot ta totil yu'unic ti buch'utic jech ta xc'ot ta yo'ntonic ta xch'unele, manchuc mi mu'yuc yich'ojic ti circuncisione. Ta staic ti lec x'ileic yu'un Dios ti buch'utic jech ta xc'ot ta yo'ntonic ta xch'unele.

Gálatas 3:14

Taje, ja' ic'ot ta pasel ti jech ono'ox yaloj ti Dios ta stojol ti Abrahame, ti ta staic slequilal yutsilal Dios ti jyanlumetic ta sventa ti Cristo Jesuse, yo' jech jcotoltic ta xquich'tic ti Ch'ul Espíritu ti yaloj ono'ox ti Dios ta xac' ta sventa ti ta xc'ot ta o'ntonal ta xch'unel ti Jesucristoe.

Gálatas 3:7

Ja' yu'un un, sc'an xana'ic ti buch'utic bats'i snitilultac ti Abrahame, ja'ic ti buch'utic ta xc'ot ta yo'ntonic ta xch'unel ti Diose.

Deuteronomio 26:5

Ja'uc le' une, xi xcholet ta jamal ta xaval ta stojol ti Ajvalil Dios avu'un jech c'u cha'al li'e: ‘Ti jmolmuc'totac ta vo'nee, ja' arameoetic ti xloc' x'ochic no'ox batele, ti uni jutebic ta j'ech'el ti bat nacliicuc ta Egiptoe. Comic ta naclej ti bu taje. C'otic ta jun muc' ta lum ta j'ech'el. Ts'acal to une, ech'em yepalic ta jmec ti tsots xu' yu'unique.