Génesis 10:9 - Bible in Tzotzil de Chamula

⁹ Ac'bat yu'un Dios ti Nimrode ti c'ot ta banquilal jnutsuvile, bu lic talel ti c'op ti xi x'ale: “Ti yo'nton le'e, co'ol sba jech c'u cha'al ti Nimrod laj sc'an Dios ti c'ot ta banquilal jnutsuvile.”

Bible in Tzotzil de Chenalhó with Deuterocanon

⁹ Li Nimrode ja' yabtel ta smil ti'bol yu'un jech ac'bil yu'un li Muc'ul Diose. Ja' te ilic tal li lo'il ti jech chalique: “Ja' co'ol jech chac c'u cha'al Nimrod ti jech la sc'an Muc'ul Dios ti ja' banquilal jmilchonbolometic ic'ote”, xi.

Génesis 10:9 Iomraidhean Croise

Génesis 10:10

Ti jteclumetic bu laj spas mantal ti Nimrode, ja' ti Babele, ti Ereque, ti Acade, ti Calnee, oy ta yosilal ti Sinare.

Génesis 10:8

Ti Cuse nich'naj, ja' ti Nimrode, ja' sba vinic ti cajal pasvan ta mantal li' ta banomile.

Génesis 13:13

Ti bu taje, scotol ti jnaclejetic teye, chopol stalelic. Mu ts'icbaj ti mulil ta spasic ta sba ta sat ti Diose.

Génesis 25:27

Ti ololetique ch'iic. Ti Esaue, banquilal jnutsuvil xa'i sba, yabtel ti paxyal ta te'tique. Yan ti Jacobe xlajet no'ox xa'i sba, lec ta xa'i ti tey no'ox xtiq'uet ta snae.

Génesis 27:30

Ti Isaaque laj xa ox yo'nton ta yac'bel yich' slequilal Dios ti Jacobe, naca to ta xloc' batel bu oy ti stote, c'alal ja' o vul ta nutsuvil ti Esaue.

Génesis 6:11

Yu'un ti ta sba ta sat ti Diose, mu'yuc smelol ta mulil colo'il ta xil ti banomile, ti epajem vocol yu'un ti ilbajinele.

Génesis 6:4

C'alal ti yaj'ánjeltac Dios laj yic'beic yantsil nich'nabic ti viniquetic yo' ta xilic ti xnich'nabic xchi'uque, ja' o lic ayanuc talel ti inate' viniquetic ta ba'yel une, xchi'uc ti ta ts'acal to une. Ti stuquic taj une, puc sc'oplalic ta vo'ne ti jelavem xu' yu'unique.

2 Crónicas 28:22

Manchuc mi tsots xa batem ti vocol staoje, staoj yav yanijem yo'nton ta stojol ti Diose. ¡Ja' jech o stalel ma' ti ajvalil Acaz une!

Salmos 52:7

“Vi to la s'elan c'ot ta stojol un ti buch'u mu sa' spojel ta stojol ti Diose, ti spatoj yo'nton yu'un yepal ti sc'ulejale, ti yac'ojbe yipal xchi'uc ti xchopolale.”

Isaías 18:2

ti ta staquic talel ti j'al-mantal j'ich'-c'opetic yu'unic ta x'ech'ic talel ta uc'um Niloe, ti xcajetic no'ox talel ta barco ti meltsanbil jchop o ta puje. Nuletanic batel ta anil un cha'e, j'alc'op j'ich'-mantaletic, ta jun lum ti bu nacalic ti natiquil viniquetique, ti xlebebet no'ox ta ch'uletel ti sbec'talique, ti ja' jun lum ti buyuc no'ox xi'bilique, jun lum ti tsots xu' yu'une, ti cajal xa'i sbae, ti nacalic ta jun banomil ti buyuc no'ox oy ti uc'ume.

Jeremías 16:16

“Jbel xcal ti vu'un Diosune, ta jtac talel epal jmas-choyetic ti ochuc yu'unic ta smasobil choyetic ti israeletique. Ts'acal to un, ta xcac' taluc epal jnutsuviletic yo' ta x'och ta c'abal yu'unic. Ta xch'ajatic ta sa'el ta pimilal te'tic, ta vitstic, ta sjap c'al tonetic.

Ezequiel 13:18

Xi xavalbeic ya'iic une: ‘Xi s'elan ta xal ti Diose: Teque'oxuc xa no'ox xch'a ta xquil un, ti xaloc' xa'ochic no'ox batel ta sna ti jnaclejetique, ti xats'isanic xa uni poq'uetic ti oy slo'laob yo' jech scotol banomil utsuc ta xchuc ta sc'obique, xchi'uc xameltsanic xa uni volob jolil yo' jech scotolic ta xchuc ta sjolic. ¿Mi ta xanopic xana' ta xac' ti cuxlejale xchi'uc ta smilel jteclumal ti c'usi xtal ta ajolic ta spasele?

Miqueas 7:2

Ja' jech ti li' ta banomile, mi ja'uc xa oy viniquetic ti oy stuq'uil snopbenal yu'unic ta stojol ti Diose. Scotolic ja' yac'oj sjol yo'ntonic ti snopojic xa c'usi ora ta sliques ta spasel ti c'usi chopole; ta ono'ox xac'be sba spets'alic ta jujun tal.