Génesis 10:5 - Bible in Tzotzil de Chamula

⁵ Taje, ja' snitilultac ti Jafet naquiic ta ti' nabe. Ti jujuchope oy sbats'i c'op stuquic, xchi'uc xtoc svoc'ol-voc'ol ti slumalique.

Bible in Tzotzil de Chenalhó with Deuterocanon

⁵ Le'e ja' smomnich'nabtac Jafet ti inaquiic ta ti'ti' nabe. Ta jujun slumal stuquic inaquiic, xchi'uc jmoj la stsob sbaic ta jujuchop sbiic. Ta sc'op stuquic ic'opojic.

Génesis 10:5 Iomraidhean Croise

Génesis 10:20

Taje, ja' snitilultac ti Came, jujuvoc' slumalic, jujuvoc' sts'unubalic, xchi'uc jujuchop sbats'i c'opic.

Génesis 10:25

Ts'acal to un, xi s'elan laj yil chib xnich'on ti Hebere. Ti june, Peleg sbi. Yu'un ti jech yorail taje, laj xch'ac sbaic ti jnaclejetic ta banomile. Xchi'il ta voq'uel ti Pelege, Joctán sbi.

Génesis 10:32

Scotolic taje, ja' snitilultac yalab xnich'nab ti Noee, ti c'u s'elan lic boluc batel ti snitilulique, ti slec-lecoj ti yosil sbanomilique. Tanijic batel ta sbejel banomil ti c'alal ech' xa ox ti nojel ta vo'e, c'otic ta muc'tiquil lumetic ta sjoylej banomil.

Génesis 10:4

Ti xnich'nabtac ti Javane, ja' ti Elisae, ti Tarsise, ti Quitime, ti Rodanime.

Génesis 10:6

Xnich'nabtac ti Came, ja' ti Cuse, ti Mizraime, ti Fute, xchi'uc ti Canaane.

Génesis 9:19

Ti oxvo' xnich'nab Noé taje, ja'ic lic sbolesic banomil yan velta xchi'uc ti snitilultaque.

Ester 10:1

Ti ajvalil Asueroe lic suj ta stojel patan ti jujun jteclumetique, xchi'uc ti joyobtabil ta nab ti bu oyique.

Salmos 72:10

Ich'batuc talel matanaletic xchi'uc yan c'usitic ta xloc' ta yo'ntonic ti ajvaliletic yu'un ti Tarsise, ti nacalic bu joyobtabil ta nabe, ti ajvaliletic ti nacalic ta Sabae, ti ta Sebae.

Isaías 11:11

Ta yorail taje, ta xac' iluc xtoc smuc'ul stsatsal ti Diose. Ta xlic stsob talel ti scomelal slumale, yu'un ta xic' sutel talel ti buch'utic tiq'uilic ta lum Asiriae, ti tiq'uilic ta Egiptoe, ti tiq'uilic ta lum Patrose, ti tiq'uilic ta lum Etiopiae, ti tiq'uilic ta lum Elame, ti tiq'uilic ta lum Sinare, ti tiq'uilic ta lum Hamate, xchi'uc ta lumetic ti oy ta sti'il ti muc' ta nabe.

Isaías 24:15

Ja' ec ti buch'u oyic ta sloq'ueb c'ac'ale, xchi'uc ti jnaclejetic ti oyic ta sti'il nabe, ta xalbeic yutsil slequilal ti Ajvalil Dios yu'un ti Israele.

Isaías 40:15

Ta sventa ti stuque, co'ol s'elan jbaj uni vo' ta xil ti muc'tiquil lumetique, co'ol s'elan juteb uni pucuc ta xil ti oy ta jun sbisole. Ti jteclumetic ti oyic ta ti' nabe, co'ol s'elan jbej sat uni yi' ta xil.

Isaías 41:5

Ti jnaclejetic ti nacalic ta sti'il nabe, laj yilic. bat xch'ulelic ta xi'el xchi'uquic. Nic ta jujujot xchiquintac ti banomile. Nopajic xa talel, le' xtalique.”

Isaías 42:10

Q'uejinanic ta jun ach' q'uejimol ta stojol ti Diose. Lequil c'opojanic yu'un ti nacaloxuc ta namal banomile, xchi'uc ti buch'utic xnuxetic ta ba nabe, xchi'uc ti c'usitic chanuletic ti cuxajtic teye, xchi'uc ti muc'tiquil lumetic ti oyic ta ti' nabe, xchi'uc ti jnaclejetic yu'une.

Isaías 42:4

Mu jutebuc ti c'ux o'nton yu'une. Mu xc'ot ta tubel ti c'usi nopbil yu'une, ja' to ti c'uxi vinaj lec smelol ti pojel c'uxubinel ta banomile. Ti jnaclejetic ti oyic ta ti' nabe, ts'etel xchiquinic ta ya'yiel ti chanubtasel yu'une.”

Isaías 49:1

A'yibeicun ava'iic lec ti xi ta xcale, lumetic ti nacaloxuc ta ti' nabe. Avocolicuc, ts'etano ani' achiquinic, namal muc'tiquil lumetic: Laj staun ta iq'uel ti Dios ti c'alal mu'yuc to ox ta xivoq'ue. Laj sbiiltasun ti c'alal oyun to ox ta xch'ut ti jme'e.

Isaías 51:5

Nopaj xa talel yorail ma' ti tsalbaile. Be xa talel yabtelanel ti colele. Ta jmuc'ul jtsatsal, ta jventain ti jteclumetique. Batem xa yo'ntonic ta smalaicun ti jteclumetic ti nacalic ta ti' nabe, ti spatoj yo'ntonic ta sventa ti jmuc'ul jtsatsale.

Isaías 59:18

Ti Diose ta jujun ta xac'be stoj ti c'u s'elan loc' ta sa'el yu'unique. Ta stsits ti scontrataque. Ti buch'u xti'et sjolic ta stojole, ta xac'be ti c'u yepal ja' xtun o ta xich'ique, ti ja' jech sc'oplal ec ti jnaclejetic ti oyic ta ti' nabe.

Isaías 60:9

Barcoetic ti jmoj xnuletic talele, ti jba'be talel ti barcoetic yu'un ti lum Tarsise, ti yic'ojic talel ta nom ti avalab anich'nabe, jmoj xchi'uc ti oroe, ti plata yu'unique, ta yich'el ta muc' ti Ajvalile, ch'ul Dios yu'un ti Israele, ti xtixet lac'ot ta yutsilale.

Jeremías 2:10

Batan avilic ta banomil ti joyobtabil ta nab ti oy ta yeloval stuq'uil smaleb c'ac'ale, tuc'ulano avilic lec ta Cedare, q'uelic un mi oy buch'u jech ta spas jech c'u cha'al ta xapasique.

Ezequiel 26:15

“Ti vu'un Diosune xi ta xcalbe ti Tiroe: Ta xniquic ta xi'el ti muc'tiquil lumetic oyic ta ti' nab c'alal ta xa'iic xc'ulet no'ox ta xalilije, xchi'uc ti x'avlajetic no'ox yayijesatic ta milel ti jnaclejetic avu'une.

Ezequiel 26:18

Ti lac'ot xa ta tsutsel tana une, xniquic ta xi'el ma' ti jnaclejetic oyic ta ti' nabe. Ti tub ta ac'oplal tana une, ti jnaclejetic ta banomil joyobtabil ta nabe, mu x'ech' ta xa'iic ti xi'ele.’

Daniel 11:18

Ts'acal to xtoc un, ta xlic stsac ta leto ti jteclumetic ti oy ta sti'il nabe. Ep xtoc ti ta x'och ta yoc ta sc'obe. Ja' no'ox un, oy jun banquilal jvolvanej yu'un soldadoetic ti ta xlic stubbe sc'oplal ti q'uexlal sba ti va'i s'elan snopoje, ti yaloj ox ti ja' q'uexlal apun ta xc'ot yu'un ti ajvalil ti oy ta yolon ti yolon xocon sloq'ueb c'ac'ale.

Sofonías 2:11

Ti Diose, toj xi'bal sba ta j'ech'el ti c'usi ta spas ta stojolique. Ta j'ech'el ta stubbe sc'oplal scotol ti sbiinoj diosetic yu'un ti jteclume yo' jech ti stuque ich'bil ta muc' ta xc'ot yu'unic scotol ti buyuc no'ox oyique.

Deuteronomio 32:8

Ti Buch'u oy ta toyole, oy jun velta laj spuc batel ti yajval lumetique xchi'uc ti muc'tiquil lume; laj xchapanbe bu ta xc'ot sts'aquil yosilic ti lume, ja'uc le' une, mu'yuc laj xch'ay ta yo'nton ti israeletique.