Génesis 10:10 - Bible in Tzotzil de Chamula

¹⁰ Ti jteclumetic bu laj spas mantal ti Nimrode, ja' ti Babele, ti Ereque, ti Acade, ti Calnee, oy ta yosilal ti Sinare.

Bible in Tzotzil de Chenalhó with Deuterocanon

¹⁰ Li lumetic bu la spas mantal ta sliquebe ja' Babel, Erec, Acad, xchi'uc Calne; ja' te oy ta yosilal Sinar.

Génesis 10:10 Iomraidhean Croise

Génesis 10:9

Ac'bat yu'un Dios ti Nimrode ti c'ot ta banquilal jnutsuvile, bu lic talel ti c'op ti xi x'ale: “Ti yo'nton le'e, co'ol sba jech c'u cha'al ti Nimrod laj sc'an Dios ti c'ot ta banquilal jnutsuvile.”

Génesis 11:2

C'alal loq'uic batel ta stuq'uil sloq'ueb c'ac'ale, laj staic jun stenlej ti oy ta yosilal Sinare. Com nacliicuc ti bu taje.

Génesis 11:9

Ti bu taje, ti Diose slec-lecoj xa liquel sbats'i c'opic yu'un ti jujuvoc' jnaclejetic ta banomile. Va'i un, tan puc batic yu'un ta sbejel banomil. Jech o xal un, ti jteclume laj sbiin Babel.

Génesis 14:1

Ti jech ora ta vo'ne taje, xi s'elan oy chanib ajvaliletic: Ti Amrafele, ja' ajvalil yu'un ti jteclum Sinare. Ti Arioque, ja' ajvalil yu'un ti jteclum Elasare. Ti Quedorlaomere, ja' ajvalil yu'un ti jteclum Elame. Ti Tidale, ja' ajvalil yu'un ti jteclum Goime.

Isaías 10:9

Co'ol c'otemic ta xca'i ma' ti lumetic ta jventae jech c'u cha'al ti lum Calnoe xchi'uc ti Carquemise, ti Hamate jech c'u cha'al ti Arfade, ti Samariae jech c'u cha'al ti lum Damascoe.

Isaías 11:11

Ta yorail taje, ta xac' iluc xtoc smuc'ul stsatsal ti Diose. Ta xlic stsob talel ti scomelal slumale, yu'un ta xic' sutel talel ti buch'utic tiq'uilic ta lum Asiriae, ti tiq'uilic ta Egiptoe, ti tiq'uilic ta lum Patrose, ti tiq'uilic ta lum Etiopiae, ti tiq'uilic ta lum Elame, ti tiq'uilic ta lum Sinare, ti tiq'uilic ta lum Hamate, xchi'uc ta lumetic ti oy ta sti'il ti muc' ta nabe.

Isaías 39:1

Ti jech yorail ta vo'ne taje, ti ajvalil Merodac-baladán xnich'on ti Baladán ajvalil yu'un ti lum Babiloniae, laj ya'ibe sc'oplal ti yal ta chamel ti Ezequiase, ti lecub xa xtoque. Laj stac batel vunetic ta stojol jun chibuc j'al-mantal j'ich'-c'opetic ti yich'ojic batel matanal xtoque.

Jeremías 21:2

“Avocoluc jac'uncutic ta stojol ti Diose, yu'un ti Nabucodonosor ajvalil yu'un ti jteclum Babiloniae, tal xa stsacuncutic ta leto. Oyuc to la c'uxi xu' yac'uc iluc jtosuc ti Dios ti ch'ayal ta xc'ot o'ntonal yu'une yo' jech ta sq'uej sba loq'uel ta jtojoltic ti Nabucodonosore.” Va'i ti Dios une c'opoj talel ta stojol ti Jeremiase.

Jeremías 50:1

Sc'oplal ti Babilonia muc' ta lum yu'un ti caldeoetique, xi s'elan caj'ac'bat sna' yu'un Dios ti j'alc'op Jeremiase:

Jeremías 50:21

“Tsaquic ta leto ya'i ti oyic ta yosilal Merataime, xchi'uc ti jnaclejetic ta Pecode. Nutsic, tsutsesic ta j'ech'el ya'iic, ja' to ti c'uxi mu junuc ta xcome. C'otuc ta pasel avu'un scotol ti c'u s'elan laj cale. Vu'un laj cal mantal ti Diosune.”

Ezequiel 27:23

Ta xbolomajic ta atojol ec ti jteclum Harane, ti Cane, ti Edene, jbolomajeletic oyic ta jteclum Sabá, ta Asiria, xchi'uc scotol jteclum ti oyic ta Mediae.

Daniel 1:2

Jech ti Diose laj yac' ye ti ac'o ochuc ta c'abal yu'un Nabucodonosor ti Joacime, ti ochuc ta yoc sc'ob xtoc ti c'usitic jtunel ta xch'ulna ti Diose. Ti Nabucodonosore laj yic' batel c'alal to Babilonia ti jchuqueletique. Jech ti c'usitic toj jtunel ti laj sta batele, c'ot yac' ti bu q'uejel sc'ulejal ta xch'ulna ti yajdiostaque.

Amós 6:2

Batan avilic ta jteclum Calnee, q'uelic ti c'u s'elan ta xc'ot ta pasel ti bu taje. Ech'anic avilic ti bu ti muc' ta jteclum Hamate. Yalanic ech'el xtoc ta Gat ti oy ta yosilal filisteoetique. ¿Mi yu'un ta xanopic xana' ti toj lec oyoxuc ti vo'oxuque, ti ja' mu sta slequilic ti jteclumetic taje? ¿Mi yu'un ja' x'ech' to yutsil ti ateclumalique, ti ja' mu sta ti jteclumetic taje?

Miqueas 4:10

Valc'uj sutbijan xa, avetan xa xchi'uc ti yipal xcuxule, jteclum Sión, jech c'u cha'al junuc ants ti xvalc'uj sutbij xa ta xa'ibe xc'uxul ta svoq'uel ti yole, yu'un ti ateclumale ta xloc' ech'el ta atojol, yu'un ta xbat nacliicuc ta jamal osiltic. Ma'uc no'ox taje, yu'un ta xbatic c'alal to ta jteclum Babilonia. Ti bu taje, ti Diose ta stic' sba ta spojel ti steclumale, yu'un ta spoj ta yoc ta sc'ob ti jcontrainvanejetique.

Miqueas 5:6

Jech ti stuquic une ta xlic stsatsal-pasic ta mantal ti Asiria ti ja' yosilal ti Nimrode. Jech pojbil ta xijc'ot ta yoc ta sc'obic ti asirioetic ti laj xa xtuch'ic jelavel talel ti sts'aquil cosiltic ti ta spojic yalojic ti jbanomiltique.

Zacarías 5:11

Xi laj stac'bun ti stuque: “Ta xich' meltsanbel xch'ulnail ta jteclum Babilonia. C'alal mi tsuts xa ox ta meltsanel ti ch'ulnae, ta xich' tiq'uel ochel, ta xich' chotanel ta scajleb.”