Génesis 1:3 - Bible in Tzotzil de Chamula

³ Va'i un, xi laj yal ti Diose: “Ac'o sac jamtajuc”,, xi. Jech sacjamtaj.

Bible in Tzotzil de Chenalhó with Deuterocanon

³ Ja' yu'un li Diose jech laj yal:, “Ac'o oyuc sac osil”, xi. Jech isacub li osile.

Génesis 1:3 Iomraidhean Croise

Génesis 2:4

Taje, ja' jech s'elan sc'oplal meltsaj ti vinajele xchi'uc ti banomile. C'alal meltsaj yu'un vinajel xchi'uc banomil ti Dios ti ja' Ajvalile,

Job 36:30

Ti Diose xleblajet no'ox yu'un ti sac tsel ta sba ti muc' ta nabe, ta smac ta sac jamtael ti sninabil ti muc' ta nabe.

Job 38:19

¿Bu q'uejbil xana' ti saquil osile, xchi'uc ti yic'ubel osile?

Salmos 104:2

sac jaman no'ox xojobal ti c'u'iletique. Co'ol s'elan jlic muc' ta poc' laj alich'an ti vinajele.

Salmos 118:27

Ti Ajvalile, ja' ti Dios une, ti sac jaman no'ox ti jbetic yu'une. Licuc xa ti q'uine, ich'ic talel ti jepbil c'ob te' ti nichimticuc c'otuc bu oy xulubtac ti altare.

Salmos 148:5

Ta sventauc ti Diose, lequil c'opojanic, yu'un ta jbel no'ox smantal, lic ayanuc talel scotol.

Salmos 33:6

Ti vinajele, xchi'uc ti c'u yepal oy ta stojole, laj smeltsan ti Dios ta sventa ti sc'ope, ti ta yic'al no'ox ti yee.

Salmos 33:9

Yu'un ta sc'opojel no'ox, lic meltsajuc scotol; ta smantal no'ox, lec com scotol.

Salmos 97:11

Xojobin no'ox yutsil ti buch'u stuc'ulanoj sbae; ti muyubajele c'otem ta sventa ti buch'u oy yutsil slequil yo'ntone.

Isaías 45:7

Vu'un laj jmeltsan ti saquilal osile, ti ic'al osile. Vu'un ta xcac' ta yaq'uel ti lequilale, xchi'uc ti vocole. Vu'un ti Ajvalilun ta spasel scotol ti va'i s'elan taje.

Isaías 60:19

“Ti ta c'ac'altique, mu xa tsotsuc sc'oplal liquel ti xchijlajan no'ox xojobal ti c'ac'al ta atojole. Ti xojobal u ta ac'ubaltique, mu xa tsotsuc sc'oplal ta xava'i. Yu'un ti vu'un Ajvalilune ta xic'ot ta saquilal osil avu'un sbatel osil, ti xatixetic no'ox liquel ta jtojol ti vu'un Diosun avu'une.

San Mateo 8:3

Ti Jesuse laj scajan sc'ob, xi laj yalbee: —Jechuc, pocbil tusbil ta xac'ot. Ta jech yepal un, pocbil tusbil c'ot ti jc'a'emal-chamele.

San Juan 1:5

Yu'un xnobobet no'ox ta ic'al osil xojobal ti saquilal osile. Ti ic'al osile mu'yuc c'usi xut xtub yu'un ti saquilal osile.

San Juan 1:9

Talem xa ta banomil ma' ti Buch'u ta xac' ti xojobal ta stojol scotol ti jnaclejetic ta banomile.

San Juan 11:43

C'alal jech laj yal taje, xi laj yal ti tsots avane: —Lázaro, loc'an talel teye.

San Juan 3:19

Ti buch'utic mu xc'ot ta yo'ntonique, chapal xa sc'oplal ta stoj ti smulique, yu'un yacalic ta spasel c'usi chopol c'alal ja' o tal ta banomil ti Jesucristo ti ja' luze, mu lecuc laj ya'iic. Ja' lec laj ya'iic ta spasel ti c'usi ja' sventa ti ic'al osile. Ja' mu sc'anic ti saquilal osile.

2 Corintios 4:6

Yu'un ja' laj yal stuc ti Diose ti xojobinuc ti luz ta ic'al osile. Jech xtoc laj yac' xojobinuc ta co'ntontic ti luze yo' jech ta xcojtiquinbetic yutsilal slequilal ti Dios ti xojobin no'ox yutsil ta stojol ti Jesucristoe.

Efesios 5:14

Ta sventa ti jech jamal ta xich' albele, xu' ta xlic stij yo'nton xchi'uc. Jech o xal xi ta xale: “Julavan ti jech vayalote. Tamo aba liquel ti jech achi'inojan ti animaetique, tey xojobin no'ox vulel ta atojol ti Cristoe.”

Efesios 5:8

Ta vo'ne ti vo'oxuque, oyoxuc to ox ta ic'al osil ti naca vocol xale. Avi tana li'e, oyoxuc ta saquilal osil ta sventa ti junoxuc xchi'uc ti Cajvaltique. Jech o xal un, ac'beic yipal ta spasel jech c'u cha'al ti buch'utic oy ta saquilal osile.

1 Timoteo 6:16

Yu'un stalel o ti jech stalel o cuxule, ti xojobin no'ox ti bu oye, ti mu'yuc buch'u xu' ta xnopaj ech'el ti bu oye. Mi ja'uc jun vinic yiloj ti Diose, mi ja'uc xu' sq'uel xtoc. Yu'un sbatel osil c'otem ta sventa ti ich'biluc ta muc' xchi'uc ti smuc'ul stsatsale. Jechuc.

1 Juan 1:5

Xi s'elan ma' ti laj quich'cutic chanubtasel yu'un ti Jesucristoe, ti ta xcalcutic ava'iic ta atojolique: sac jaman no'ox xojobal yutsilal ti Diose, mi jutebuc oy ic'al osil ta stojol.

1 Juan 2:8

Manchuc mi jech un, co'ol s'elan ach' mantal ta jts'ibaboxuc talel ta atojolic. Yu'un jbel sc'oplal vinaj ta stojol ti Cristo jech c'u cha'al ta xvinaj ta atojolique. Yu'un xojobin xa talel ti saquilal osil ta atojolique, laj xa avictaic comel ti ic'al osile.