Génesis 1:12 - Bible in Tzotzil de Chamula

¹² Jech ti banomile lic xch'ies talel scotol ti c'usitic ta xch'ie, ti momoletic ta xac' sbeq'ue, xchi'uc te'etic ta xac' sat. Jech ti Diose laj yil ti lec scotole.

Bible in Tzotzil de Chenalhó with Deuterocanon

¹² Jech lic ch'iuc scotol li vomol a'male, xchi'uc li ts'i'lal ti chac' sbeq'ue, xchi'uc li te'etic ti chac' sate. Li Diose toj lec laj yil scotol.

Génesis 1:12 Iomraidhean Croise

Génesis 1:11

ja' yu'un un, xi laj yale: “Ti banomile xi s'elan ac'o xch'ies talel ti c'usiuc no'ox ta xch'ie: momoletic ti ta xac' sbeq'ue, xchi'uc te'etic ti ta xac' sate.” Ja' jech ic'ot ta pasel.

Génesis 1:13

Ja' jech chapaj ta yoxibal c'ac'al.

Salmos 104:14

Ta xapules momol yaxaletic ta sventa ta slo' ti chon bolometique, xchi'uc ti buch'utic oy c'usi ta sts'unic yo' ta sta ti sve'elique.

Isaías 61:11

Jech c'u cha'al ti oy c'usi ta xvoc' ta banomile, ti potol no'ox ti sq'uelom ta yavil ts'unbil nichime, ja' jech ta xvul ta loq'uel yu'un Dios ti tsalvaneje. Scotol ti muc'tiquil lum une, xlaetic no'ox liquel ta jun lametel q'uejimol.

Marcos 4:28

Ja' yabtel stuc banomil ti xi ta spase: ba'yel ta xloc' talel ti yanale. Ta xlic vinajuc bu ta x'ayan ti sate. Ta sjalil un, xitilic xa liquel ti sat ta yijubele.

San Lucas 6:44

Stac' ojtiquinel jujutos ti te' c'u s'elan sna' ta xac' ti sate. Mu xu' xac' sat icux ti jpets ch'ix te'e. Ja' jech xtoc, mu xu' xac' sat uva ti jpets macome.

2 Corintios 9:10

Ti ts'unubal ti ta xich' ts'unele, xchi'uc ti c'usi ta xich' tunel lajesele, Dios ta xac'. Ti Dios taje ja' ta xac'boxuc scotol ti c'usi ta xtun avu'unic ta sventa ti ats'unubique, xchi'uc ta sts'ites talel ti ats'unubic ti jech ta yutsil avo'ntonic ta xacoltavanique.

Gálatas 6:7

Mu xalo'la abaic, yu'un ti Diose mu stac' lo'lael. Ti c'usi ta sts'un ti vinique, ja' jech ta stsob sutel.

Hebreos 6:7

Yu'un c'otem jech c'u cha'al junuc banomil ti lec ta xa'i xuch'ilan vo' c'alal ta xtalolan jujucoje. Ti banomil taje, sva'anoj sba ti Dios ta stojol mi ta xac'be lec sat sts'unob ti buch'u ta xabtelane.