Génesis 1:11 - Bible in Tzotzil de Chamula

¹¹ ja' yu'un un, xi laj yale: “Ti banomile xi s'elan ac'o xch'ies talel ti c'usiuc no'ox ta xch'ie: momoletic ti ta xac' sbeq'ue, xchi'uc te'etic ti ta xac' sate.” Ja' jech ic'ot ta pasel.

Bible in Tzotzil de Chenalhó with Deuterocanon

¹¹ Jech laj yal noxtoc: “Ac'o ch'iuc ta banamil scotol vomol a'mal, xchi'uc ts'i'lal ti chac' sbeq'ue, xchi'uc te'etic ti chac' sate”, xi. Ja' jech ic'ot ta pasel.

Génesis 1:11 Iomraidhean Croise

Génesis 1:12

Jech ti banomile lic xch'ies talel scotol ti c'usitic ta xch'ie, ti momoletic ta xac' sbeq'ue, xchi'uc te'etic ta xac' sat. Jech ti Diose laj yil ti lec scotole.

Génesis 1:29

Ts'acal to un, xi albatique: “Scotol momoletic ta xac' ti sbeq'ue, scotol te'etic ta xac' ti sate, ta xcac'boxuc alajesic scotol. Scotol taje, ja' ta xavipanic.

Génesis 2:16

Xi s'elan laj yalbe ti mantale: “Xu' xalo'be sat scotol ti te'etic ti oy ta ts'unubale.

Génesis 2:5

mu'yuc to ox bu voq'uem ti te'etique, ti momoletique, yu'un ti Dios ti ja' Ajvalile, mu'yuc to laj yac' taluc vo' ta banomile, mi ja'uc oy buch'u ta xabtelan.

Génesis 2:9

Ja' jech xtoc laj yac' ch'iuc ep ta tos lequil te'etic ti lec ta lo'bel ti sate. Ti ta o'lol ts'unubale, laj yac' ch'iuc ti j'ac'-cuxlejal te'e, xchi'uc ti te' ta xac' ta na'el ti leque xchi'uc ti chopole.

Job 28:5

Ta sba ti banomile, lec ta xch'i ti trigo yu'une; ta yolon une, co'ol s'elan volibil ta c'oc'.

Salmos 1:3

Ti buch'u jech ta snopilan taje, co'ol s'elan jpets te' teq'uel ta ti' uc'ume, ti ta yorail no'ox ta xac' ti sate, ti j'ech'el mu xnucultaj ti yanaltaque. Scotol ti c'usi ta spase, lec ta xc'ot ta loq'uel yu'un.

Salmos 147:8

Yu'un xtemet no'ox talel yu'un ti toc ta vinajele, ti xchapanoj xa ta xac' taluc ti chaquilo' ta banomile, ti ta xac' ch'iuc talel smomolal ti osiltique.

Isaías 61:11

Jech c'u cha'al ti oy c'usi ta xvoc' ta banomile, ti potol no'ox ti sq'uelom ta yavil ts'unbil nichime, ja' jech ta xvul ta loq'uel yu'un Dios ti tsalvaneje. Scotol ti muc'tiquil lum une, xlaetic no'ox liquel ta jun lametel q'uejimol.

Jeremías 17:8

Co'ol s'elan jpets te' teq'uel ta ti' uc'um, ti ta sts'un ech'el yibel ti bu ta x'ech' ti vo'e. Mu'yuc c'usi xal yo'nton yu'un ti corixmae, limil no'ox yutsil xchi'uc ti yanale. Mu xa'i ti q'uepelale, c'ajomal pich'il no'ox ti sate.

San Mateo 3:10

Chapal xa ti eq'uel ta slomes ti te'etic xchi'uc ti yibele. Scotol te'etic ti mu'yuc lec ta xac' ti sate, ta xich' bojel yo' jech jip xi ochel ta c'oc'.

San Mateo 6:30

Mi jech ta spas ti Dios ta stojol ti nichim ti teq'uel ta yaxaltic tanae, ti oc'om ta xchiq'ue ta c'oq'ue, x'ech' to ta sc'u'iltasoxuc ti Diose, ja' no'ox to vo'oxuc ti mu xach'unic leque.

Marcos 4:28

Ja' yabtel stuc banomil ti xi ta spase: ba'yel ta xloc' talel ti yanale. Ta xlic vinajuc bu ta x'ayan ti sate. Ta sjalil un, xitilic xa liquel ti sat ta yijubele.

1 Corintios 15:38

Ta ts'acal to un, ti Diose ta xac'be yich' sbec'tal ti c'u s'elan ta sc'anane, yu'un ti jujutos ts'unubile ta xac'be yich' sat ti c'u s'elan xc'ot o ta xile.

Hebreos 6:7

Yu'un c'otem jech c'u cha'al junuc banomil ti lec ta xa'i xuch'ilan vo' c'alal ta xtalolan jujucoje. Ti banomil taje, sva'anoj sba ti Dios ta stojol mi ta xac'be lec sat sts'unob ti buch'u ta xabtelane.

Santiago 3:12

Jech ti jtec' icuxe ma'uc aceituna ta xac' ti sate, mi ja'uc ta xac' sat icux ti jpets uvae. Ja' jech ti jun nio'e, mu xtuc talel ch'ail vo' c'alal lequil vo' ono'ox ta xtuc talele.