Génesis 1:1 - Bible in Tzotzil de Chamula

¹ Ti c'usitic lic meltsajuc talel yu'un ti Dios ta sliquebale, vinajel xchi'uc ti banomile.

Bible in Tzotzil de Chenalhó with Deuterocanon

¹ Ta sliqueb c'alal lic ayinuc scotole, Dios la spas li vinajel xchi'uc banamile.

Génesis 1:1 Iomraidhean Croise

2 Reyes 19:15

ti xi lic c'opojuc ti'inuc ta stojol ti Diose: “Ajvalil, Dios yu'un ti Israele, ti xi s'elan chotolot ta xapas mantal ti bu va'alic ti c'usi oy xiq'uique: Vo'ot no'ox Diosot jpas-mantalot yu'un ti jpas-mantaletic ta sjoylej ti banomile. Avabtelanoj ta smeltsanel ti vinajele, ti banomile.

1 Crónicas 16:26

Ti diosetic yu'unic ti yan jteclumetique, mu'yuc c'usi xu' yu'unic ta j'ech'el; ja'uc ti Diose laj smeltsan ti vinajele.

2 Crónicas 2:11

Va'i ti Hiram une, ajvalil yu'un ti Tiroe, laj stac batel jlic vun ta stojol Salomón ti xi ta xale: “Ti Diose lac'ot ta Ajvalil yu'un ti Israele. Oy syail xc'uxul yo'nton ta stojol ti steclumale.”

Nehemías 9:6

Ti Esdrase xi laj yale: “Atuc no'ox ti Diosote, mu'yuc xa yan. Vo'ot laj ameltsan ti vinajele, xchi'uc ti c'usitic oy x'ech' to bu oy ti vinajele, xchi'uc scotol ti c'analetic yu'une. Laj ameltsan ti banomile, xchi'uc scotol ti c'usi oy yu'une, ti muc'tiquil nabetique, xchi'uc scotol ti c'usitic oy yu'une. Avac'ojbe xcuxlej scotol ti c'usitic oye. Jech o xal ti c'analetic ti oy ta vinajele, ta xich'ot ta muc'.

Job 26:13

Ta yic'al no'ox ye, xchijlajan no'ox yutsil sac jaman ti vinajel yu'une; ta sc'ob no'ox, laj smil ti sutub ic' chone.

Job 38:4

¿Bu xa ono'ox oyot xcaltic c'alal lic jmeltsan talel ti banomile? Alo talel ca'itic mi yepal xana' ta j'ech'el.

Job 9:8

Mi junuc yajcoltaobba laj sjam ta q'uiel ech'el ti vinajele, ti laj xpuch' ta teq'uel ti muc' ta ayin ta muc' ta nabe.

Salmos 102:25

Ta sliquebal no'ox, laj achotan lec ti banomile, laj ameltsan ti vinajel une.

Salmos 104:24

¡Mu xlaj ta albel sc'oplal ti jaytos laj apase, Dios! Meltsaj avu'un scotol ta sventa ti abijile. Noj ta banomil avu'un scotol ti c'usitic laj ameltsane.

Salmos 104:30

Mi ta xavuch'ta ta sventa ti xcuxlejale, ta xcuxiic, yu'un naca pasbilic, ta xlic ach'ubuc avu'un ti c'usitic oy ta banomil unbi.

Salmos 115:15

Ac'o sva'an sba ta atojolic ti Diose, ti Buch'u laj smeltsan ti vinajele, ti banomile.

Salmos 121:2

Ti jcoltaele, ta xlic talel ta stojol ti Diose, ti ja' yabtel ti vinajel banomile.

Salmos 124:8

Ti jcoltaeltique lic talel ta stojol ti Diose, ti Buch'u laj smeltsan ti vinajel banomile.

Salmos 134:3

Ti Diose, ja' yabtel ti vinajel banomile, ta vits Sión to, ta xlic talel ti ac'uxubinel yu'une.

Salmos 136:5

Colaval, utic ti Buch'u ta sbijil laj smeltsan ti vinajele, yu'un sbatel osil oy syail xc'uxul yo'nton.

Salmos 146:6

Ti stuque laj smeltsan ti vinajele, ti banomile, ti muc' ta nabe, xchi'uc scotol ti c'usitic cuxulic ta stojole. Mi jutebuc stselbuj ti sc'ope.

Salmos 33:6

Ti vinajele, xchi'uc ti c'u yepal oy ta stojole, laj smeltsan ti Dios ta sventa ti sc'ope, ti ta yic'al no'ox ti yee.

Salmos 33:9

Yu'un ta sc'opojel no'ox, lic meltsajuc scotol; ta smantal no'ox, lec com scotol.

Salmos 8:3

C'alal ta jq'uel ti vinajel ti laj ameltsane, ti ue, xchi'uc ti c'analetic laj avaq'ue,

Salmos 8:4

xi ta xlic jnope: ¿C'usi yabtel ya'yel ti vinic une? ¿C'u cha'al oy sc'oplal ti yalab xnich'nabique? ¿C'u cha'al ta xavules ta ajol ti tsots sc'oplal ta xava'i ti xvulvun avo'nton xchi'uque?

Salmos 90:2

Ta sliquebal c'alal ch'abal to ox ti vitsetique, ti mu'yuc to ox ti banomile, xchi'uc ti ch'abal to ox ti c'usitic oye, vo'ot ono'ox Diosot ti oy c'usi laj ech'uque, ti yacal li'e, xchi'uc ti ta to xvul ta loq'uele.

Salmos 96:5

Ti diosetic yu'un ti yan jteclumetique, mu'yuc c'usi xu' yu'unic, ja'uc ti Diose laj smeltsan ti vinajele.

Éxodo 20:11

Yu'un ti Diose, ta vaquib (6) no'ox c'ac'al, laj smeltsan ti vinajele, ti banomile, ti nabe, xchi'uc scotol ti c'usitic oy ta stojolique. Ta yucubal (7) c'ac'al une, laj xcux yo'nton. Jech o xal ti Diose laj sts'uiltas ti sc'ac'alil cuxob o'ntonale. Jamal laj yal ti ja' jun ch'ul c'ac'ale.

Éxodo 31:18

C'alal laj yo'nton ti Dios ta sc'oponel ti Moisés ta vits Sinaie, laj yac'be talel ti pech-pech tonetic ti bu ts'ibabil talel ti oy c'usi tsots albil sc'oplale, ti ts'ibabil ta sc'ob stuc ti Diose.

Proverbios 16:4

Ti Diose oy smelol ti laj yac' ayanuc ti c'usitic oye, jech ec ti buch'u mu'yuc xch'ulel xa'i sbaique, smalauc xa no'ox xa'i ti tsitsele.

Proverbios 3:19

Ti laj sva'an vinajel banomil ti Diose, ta sbijil ta snopobil yu'un.

Eclesiastés 12:1

Ti jch'iel jc'opojelot to tana le'e, vuleso ta avo'nton ti Buch'u laj yac' ach'ulel avanimae yo' to mu ta xc'ot ta atojol ti c'usitic tsots ta xvul ta loq'uele, ti ta xc'ot sjabilal ta xachie: “Laj to sc'oplal ma' ti oy lequil cuxlejal une.”

Isaías 37:16

“Cajval, ti scotol xu' avu'une, Diosot yu'un ti Israele, ti chotolot ti bu va'alic ti c'usi oy xiq'uique, ti atuc no'ox Diosot yu'un scotol ti ajvaliletic ti ta spasic mantal ta banomile, ti vo'ote, laj ameltsan ti vinajel banomile.

Isaías 40:21

¿Mi yu'un mu xana'ic xcaltic un? ¿Mi yu'un mu'yuc x'ale xava'iic? ¿Mi yu'un mu'yuc xaslo'iltabeic talel ta vo'ne? ¿Mi yu'un mu'yuc ono'ox xachiquintaic talel ta vo'ne ti c'alal lic meltsajuc talel ti banomile?

Isaías 40:26

Toyo ech'el asatic ta vinajel, xachiic c'alal ta xaq'uelique: ¿Buch'u laj smeltsan scotol le'e? Ja' ti Buch'u laj xchapanbe yavil ta jujuvoq'ue, ti scotolic biiltasbilic yu'une. Toj ech'em ta jmec ti smuc'ul stsatsale, ti jelavem xu' yu'une, ti chapal lec yu'un ti c'usi ta spas ta stojolique.

Isaías 40:28

¿Mi yu'un mu xana'? ¿Mi yu'un mu'yuc ava'yioj? Ti Ajvalil ti ja' Dios sbatel osile, ti laj smeltsan scotol ti banomile, mi ja'uc sna' slubtsaj, mu xojtiquin ti lubele, yu'un mu no'ox albajuc ta j'ech'el ti sbijile.

Isaías 42:5

Ti Ajvalil Diose laj smeltsan ti vinajele, xchi'uc laj sq'ui batel. Chapaj yu'un ti banomile, xchi'uc ti c'usitic ta xch'i ta stojole. Ta xac'be yich' ic' xchi'uc xcuxlejal ti jnaclejetique. Ti Dios taje xi ta xalbe ti yajtunele:

Isaías 44:24

Xi s'elan ta xal ti jpojvanej jcoltavanej Dios avu'un ti laj yac'bot avich' abec'tal ti c'alal mu'yuc to ox ta xavoq'ue: “Vu'unun ti Diose, ti laj jchapan ta smeltsanel scotol ti c'usitic oye. Laj jam ech'el ta q'uiel ti vinajele. Tsacal lec ti banomil c'ot cu'une, mu ja'uc oy buch'u laj scoltaun.

Isaías 45:18

Ti jpasvinajel ti ja' Diose, ti laj smeltsan ti banomile, ti lec c'ot ta meltsajel yu'une, ti lec stsacanoj sba c'ot yu'une, ti ma'uc sventa ti jeche' xocol ti laj smeltsane, ti ayanuc ti jnaclejetique, xi ta xale: “Vu'un ti Diosune, mu'yuc xa yan.

Isaías 51:13

¿Mi yu'un laj xa aten ach'ay ta avo'nton ti Buch'u laj yac' ach'ulel avanimae, ti Buch'u laj sq'ui ech'el ti vinajele, ti laj yac'be yictac ti banomile? ¿Mi yu'un j'ech'el xanicnun ta xi'el sbatel ora ta scoj ti capem sjolic ti j'ac'vanej ta vocol ti chapalic xa yo' ta stub ti ac'oplale? Ja'uc le' une, ¿mi oy to van ti sti'emal sjolic xana' une?

Isaías 51:16

Vu'un laj jq'ui ech'el ti vinajele. Laj cac'be yip ti banomile. Laj cac' ta ave ta ati' ti jc'ope. Ta yip stsatsal jc'ob, laj jchabiot. Xichi laj calbe ti lum Sione: ‘Ti vo'ote jteclumalot.’ ”

Isaías 65:17

“A'yio ava'iic, ta xlic jmeltsan ta ach' ti vinajele, ta ach' ta xlic jmetsan ti banomile. Ti c'usitic laj c'otuc ta pasel ta vo'nee, ch'aybil xa c'ot ta o'ntonal, mi junuc xa oy buch'u ta svules ta sjol taje.

Jeremías 10:12

Ta sventa smuc'ul stsatsal, laj smeltsan banomil ti Diose; ta sventa sbijil stuc, laj yac'be yic ti banomile; ta sventa sbijil stuc, ti bu c'alal smacoj c'ot yu'un ti vinajele.

Jeremías 32:17

‘Cajval, ti ta sjunul amuc'ul atsatsal laj ameltsan ti vinajele ti banomile. Ma'uc ma' ti mu'yuc c'usi ta xc'ot ta pasel avu'une.

Jeremías 51:15

Ta sventa ti smuc'ul stsatsale, laj smeltsan banomil ti Diose. Ta sventa ti sbijile, laj yac'be lec yip ti banomile. Ta sventa ti xbaxbolile, laj sq'ui batel ti vinajele.

Zacarías 12:1

Ti li'e, ja' sc'oplal Israel ti scaj'aloj ti Diose. Ti Dios ti Buch'u laj yac' ayanuc ti vinajele, ti laj yac'be yictac ti banomile, ti yac'ojbe xcuxlej ti jnaclejetique, xi ta xale:

San Mateo 11:25

Ti jech yorail taje, xi laj yal ti Jesuse: —Tot, Cajvalot, ta jlequil-c'oponot, Yajval vinajel banomil, mu'yuc laj avac'be sna' scoltael ti buch'utic bij ta xa'ibe xchiquinal ti yalojique. Ja' no'ox laj avac'be sna' scoltael ti buch'utic laj spas sbaic ta olole.

Marcos 13:19

Yu'un sba to vuelta ti mu albajuc ta xvul ta loq'uel ti vocole. Mi ja'uc oy bu sta jech c'ot ta pasel ta sliquebal c'alal laj smeltsan talel banomil ti Diose. Mi ja'uc xa oy bu ta xc'ot ta pasel xtoc un.

Hechos 14:15

—Jchi'lactic, ¿c'u cha'al jech ta xapasic le'e? Vinicuncutic no'ox jech c'u cha'al ti vo'oxuque. Ti jech litalcutic li'e, ja' tal calcutic ava'iic ti lequil ach' c'ope yo' ta xavictaic ta spasel ti vi s'elan le'e, ti ma'uc toj tsots sc'oplale. Sutanic xa talel ta stojol ti cuxul Dios ti Buch'u laj spas ti vinajele, ti banomile, ti muc' ta nabe, xchi'uc scotol ti c'usitic oye.

Hechos 17:24

“Ti Dios ti laj smeltsan ti banomile xchi'uc scotol ti c'usitic oye, le'e, ja' yajval vinajel, banomil. Mu xnaqui ta ch'ul naetic meltsanbil yu'un ti jnaclejetique.

Hechos 4:24

C'alal jech laj ya'iique, scotolic xi laj yalic ti c'opoj ti'inique: “Cajval, vo'ot Diosot laj apas ti vinajele, ti banomile, ti nabe, scotol ti c'usitic oye.

Romanos 11:36

Yu'un scotol ti c'usitic oye, ta xlic talel ta stojol ti Diose, ja' pasbil yu'un yo' ta xtun yu'un. ¡Vinajuc slequilal sbatel osil ti Diose! Jechuc.

1 Corintios 8:6

Ti ta jventatique, c'ajomal no'ox oy jun Dios ti c'otem ta Totile, ti Buch'u laj spas scotol ti c'usitic oye xchi'uc ti laj spasotique ta sventae. Jun xtoc ti Cajvaltique, ja' ti Jesucristoe, ti ja' ta sventa lic ayanuc scotol ti c'usitic oye, xchi'uc ti vo'otique.

Efesios 3:9

Ti Buch'u laj smeltsan scotol ti c'usitic oye, laj yac'bun cabtel ta svinajesel ta stojol scotol ti jnaclejetic ta banomil ti c'usi mu to ox xvinaj yu'un ti Dios ta vo'nee.

Hebreos 1:10

Oy bu xi ta xal xtoque: “Ti vo'ote, Cajval, ta aventa lic meltsajuc talel ti banomile, yu'un ta avoc ac'ob laj ameltsan ti vinajele.

Hebreos 1:2

Avi tana une, ti slajebtic xa batel ti c'ac'ale, c'opoj ta jtojoltic ta sventa ti Xnich'one. Yu'un ti Diose laj spas scotol ti c'usi oy x'ayan ta sventa ti Xnich'one, xchi'uc laj yac'be yich' scotol ti c'usitic oy x'ayane.

Hebreos 11:3

Ti jech c'ot ta co'ntontic ta xch'unele, jna'tic lec ti ta sc'op stuc Dios imeltsaj talel scotol ti c'usitic oy x'ayane. Yu'un ti c'usi ta xquiltic avi li'e, imeltsaj talel ta sventa ti c'usi mu xvinaj ta q'uelele.

Hebreos 3:4

Yu'un ti jujubej nae, sc'an oy buch'u ta smeltsan. Yu'un scotol ti c'usitic oye, ja' smeltsanojan ti Diose.

2 Pedro 3:5

Yu'un ti buch'utic taje, yalel mu sc'an svules ta sjolic ti vo'ne smeltsajel talel ti vinajele, xchi'uc ta sventa sc'opojel Dios loc' talel ti banomil ta vo'e, ti cacal ta vo' com ti banomile.

1 Juan 1:1

Ta jts'ibaboxuc talel sc'oplal ti Buch'u oy xa ono'ox c'alal lic ayanuc talel scotol ti c'usitic oye. Yu'un laj quil ta jsatcutic, xchi'uc laj ca'ibecutic ti sc'opojele. Ti laj quilcutic laj jpiccutic taje, ja' sc'oplal ti Buch'u yich'oj ta sventa ti cuxlejale.

Apocalipsis 10:6

Tey laj sva'an ta yalel ti Buch'u sbatel osil cuxule, ti laj smeltsan ti vinajele, ti banomile, ti nabe, scotol ti c'usitic oye, ti xi laj yale: “Mu xa xjalij sc'ac'alil ti c'usi ta xc'ot ta pasele.

Apocalipsis 14:7

Xi tsots ta xale: “Xi'taic ti Diose, albeic yutsilal slequilal, yu'un sta xa yorail ta xchapanvan. Ich'ic ta muc' ti Buch'u laj spas ti vinajele, ti banomile, ti nabe, ti sat vo'etique.”

Apocalipsis 21:6

Ts'acal to un, xi laj yalbune: “C'ot xa ta pasel. Vu'unun ti sliqueb spajebe, yu'un vu'un laj jliques, vu'un ta jlajes. Ti buch'u ta xa'i taqui ti'ile, ta xcac'be yuch' ti sat vo' ti ta xac' cuxlejale, mi jutebuc tojbil ta j'ech'el.

Apocalipsis 22:13

Vu'un ti sliqueb spajebe, yu'un vu'un laj jliques, vu'un ta jlajes.”

Apocalipsis 3:14

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Laodiceae: “Xi ta xal ti Buch'u stalel jech oe, ti ja' melel ti sc'op laj sva'an sba ta yalele, ti c'otem ta jpas-mantal yu'un scotol ti c'usitic laj smeltsan ti Dios ta sliquebal talele:

Apocalipsis 4:11

“Cajval Dios cu'uncutic, ac'otebal o ti ich'bilot ta muq'ue, ti ta xa'albat ti yan avutsile, ti oy amuc'ul atsatsale, yu'un vo'ot laj apas scotol ti c'usitic oye, yu'un loc' ayan ta avo'nton ti jech oy scotol ti c'usitic laj ameltsane.”