Gálatas 4:3 - Bible in Tzotzil de Chamula

³ Xi s'elan ma' ti c'otem ta jtojoltic eque: c'alal mu'yuc to ox vulem ti jch'uleltique, pech'el chucolotic yu'un ti stalel snopben jnaclejetic ta banomile.

Tzotzil Zinacantan

³ Jaꞌ noꞌox yechotic yaꞌel uc. Coꞌolotic toꞌox xchiꞌuc mozoil yaꞌel yuꞌun naca toꞌox mantal ta jchꞌuntic. Calojtic ti jaꞌ chicuxiotic o ta sbatel osile. Pero yaloj onox ti Rioxe ti ta sta yora ti chiyacꞌbotic ti cꞌusuc yuꞌune.

Bible in Tzotzil de Chenalhó with Deuterocanon

³ Ja' to'ox jechutic ec li vu'utique; xco'laj to'ox xchi'uc ololutic. Ja' to'ox smozoinojutic li c'usitic xch'unojic cristianoetic li' ta banamile.

Tzotzil San Andres

^3-5 Jaꞌ noꞌox jech eꞌuc li joꞌotique, coꞌol toꞌox schiꞌuc jtunelutic yaꞌel li cꞌalal jaꞌ toꞌox jchꞌunojtic li mantaletique, yuꞌun icaltic ti jaꞌ chijcol oe. Pero yaloj onoꞌox li Dios ti chcꞌot scꞌacꞌalil ti ta sventa li Snichꞌone chijyacꞌbutic li cꞌustic oy yuꞌune. Li cꞌalal icꞌot scꞌacꞌalil li cꞌu ora snopoj li Totile, istac talel li Snichꞌone. Cꞌalal itale, jaꞌ jech chac cꞌu chaꞌal joꞌotic yuꞌun ivocꞌ ta jun ants. Schiꞌuc jech chac cꞌu chaꞌal joꞌotic ti ta mantal oyutique yuꞌun jnopojtic ti jaꞌ chijcol o ta sventa li cꞌustic ta jpas jtuctique. Jaꞌ liscoltautic jech snichꞌnabutic xa Dios ta sventa li Cajvaltique.

Tzotzil de Huixtán

^3-5 Ja' no'ox hech uc ti Diose. Xchapanoj ono'ox ti chijyac'bucutic jventaintic scotol c'usi oy yu'un ti sventa ti Snich'one. Hech yu'un ch'acbil yu'un ti Diose c'usi ora chtal ti Snich'one. Hech yu'un laj sta yorail ti itale. Yu'un ti c'alal mu to chtal ti Snich'one, hechucutic hech chaj c'u che'el mozo yu'un pasbilucutic ti mantal yu'un ti c'utic laj jch'untic ti co'ntontic ti hech chijcolucutic laj jcuytique. Hech chaj c'u che'el ho'ucutic ic'ot ti Snich'one yu'un i'alintaat yu'un ants. Ja' hech chaj c'u che'el ho'ucutic ti jch'untic mantal ja' hech ic'ot. Tal scoltaucutic yu'un hech yol snich'on Dios chijc'otucutic ti sventa, ho'ucutic ti oyucutic ti mozoil yu'un ti c'utic laj jch'untic ti co'ntontique ti chijcolucutic laj jcuytique.

Gálatas 4:3 Iomraidhean Croise

San Mateo 11:28

La' cuxo avo'ntonic ta jtojol ti vo'oxuc toj lubemoxuc yu'un ti avabtelique, yu'un ti avicatsique.

San Juan 8:31

Ti Jesuse xi laj yalbe ti israeletic ti buch'utic laj xch'unique: —Mi staoj yav avo'ntonic ta xch'unel ti c'u s'elan laj calboxuque, ta j'ech'el ja' cajchanc'opoxuc.

Hechos 15:10

Va'i un cha'e, ¿c'u cha'al ta xatoy abaic ta stojol ti Diose, ta yac'bel alal icatsil ti jyanlum jch'unolajeletic li'e? Yu'un ti vo'otique mu'yuc xc'ot ta ch'unel cu'untic, mi ja'uc ti jmolmuc'totique.

Romanos 7:14

Ti oy c'usi tsots albil sc'oplale, jna'tic ti lec ch'ul mantal ono'oxe, yu'un liquem talel ta stojol ti Diose. ¡C'u stu un! lum ach'elun, oy jtalel, laj xa jchon jba ta mosovinel yu'un ti mulile.

Romanos 8:15

Ti Ch'ul Espíritu ti la'ac'bat avich'ique, ma'uc ta stic'oxuc ta mosovinel, ta yac'beloxuc xi'el. Yu'un ta sventa ti Ch'ul Espíritue lac'otic ta xnich'nabtac ti Diose. Ta sventa ti Ch'ul Espíritu taje, xichi ta xic'opoj ta xiti'ine: “Jch'ul tot, Cajval.”

2 Corintios 11:20

Yu'un ti vo'oxuque ts'iquem cuchem avu'unic stalel ti buch'utic ta smosovinoxuque, ti yac'ojboxuc avocolic ta xch'olbel ta ye ta sti'e, ti pasbiloxuc ta mantal yu'une, ti bajbil tenbiloxuc yu'une, ti xtoyet ye sti' ta atojolique.

Gálatas 2:4

C'alal jech tsoboluncutique, melel, oy buch'u laj stic' sbaic ochel ta mucul, ti jch'unolajel spas sbaic yilele, yo' ta xpa'ivanic ta ya'yiel sc'oplal ti colel ta xcalcutic ta sventa ti oyotic ta stojol ti Cristo Jesuse, yu'un oy ta yo'ntonic ta stsatsal sujvanic ta xch'unel ti oy c'usi tsots sc'oplal albile.

Gálatas 3:19

Va'i un cha'e, ¿c'usi xtun o ti oy c'usi tsots sc'oplal albil yu'un ti Moisese? Vul ta loq'uel yo' ta xac' jna'tic ti oy jmultique. Ja' itun o c'alal to ic'ot sc'ac'alil ti vul ta loq'uel ti jun snitilul ti Abraham ti albil ono'ox sc'oplal yu'un ti Diose. Ti oy c'usi tsots sc'oplal albile, jelav talel ta sc'ob ti ánjeletique, laj yich' ti Moisese. Ti Moisese laj yac'be sna' ti israeletique.

Gálatas 4:2

Oy buch'u ta xchabi, oy buch'u ta sbainbe ti xrextoe, ja' to mi sta yorail ti yaloj ono'ox comel ti stot ti ta x'ac'bat yich'e.

Gálatas 4:24

Sc'oplalic ti cha'vo' antsetique, xi s'elan ta xac' ta a'yiel sc'oplal ti chib tratee: Ti june, ja' ta xac' ta a'yiel sc'oplal ti oy c'usi vul ta loq'uel ta vits Sinaie, ti ta sco'oltas jech c'u cha'al ti Agare, ti mosovinbilic o ta xc'otic ti buch'u oyic ta stojol ti trate taje.

Gálatas 4:25

Sc'oplal ti Agare, ja' svinajeb ti trate vul ta loq'uel ta vits Sinaí ti oy ta Arabiae. Yu'un ja' ta xac' ta na'el sc'oplal ti israeletic ta Jerusalén avi tana li'e, ti staoj yav chuculic ta mosovil scotolic xchi'uc ti yalab xnich'nabique.

Gálatas 4:31

Jech un cha'e, Jchi'iltac, mu co'oloticuc jech c'u cha'al yol ti me' mosovile, yu'un ja' yalabotic ti ants ti ma'uc mosovinbile.

Gálatas 4:8

C'alal mu'yuc to ox ava'binojic sc'oplal ti cuxul Diose, mosovinbiloxuc yu'un diosetic ti ma'uc diose.

Gálatas 4:9

Ja'uc avi tana li'e, laj xa avojtiquinic ti cuxul Diose, ti xcaltic lec ava'iique, ja' laj yojtiquinoxuc ti Diose. ¿C'u cha'al un chae ta xba avac' abaic ta mosovinel xtoc ta stojol ti c'usi j'ech'el mu'yuc c'usi xu' yu'une?

Colosenses 2:20

Ti vo'oxuque jmoj lachamic xchi'uc ti Cristoe. Laj sc'oplal, ech' avu'unic ta snopilanel jech c'u cha'al ta snop ti jnaclejetique. ¿C'u cha'al ya'yel un cha'e ti avac'ojbeic yipal ta snopel jech c'u cha'al ta snopic ti jnaclejetic ta banomile?

Colosenses 2:8

Xi ta xcalboxuc ava'iique: bijanic me, mu me xavac' abaic ta lo'lael ta stojol ti buch'utic ja' xa melel ya'yel ti c'usi ta xalique. Yu'un ti stuquique ma'uc ta xalbeic sc'oplal ti Cristoe. Yu'un ja' no'ox ta xalic ti c'u s'elan liquem yu'unic ti jnaclejetic ta banomile, naca no'ox snopben viniquetic.

Hebreos 5:12

Ti jechuque, jchanubtasvanejoxuc xa, yu'un vo'ne xa c'otem ta avo'ntonic ta xch'unel talel. Ti le' une, uni chu'il to avipanojic, yu'un ta to xac'an ac'o avich'ic albel ta ach' ti sc'op Dios ti bu mu tsotsuc ta a'yibel ti smelole, mi ja'uc xti' avu'unic ti yijil ve'lile.

Hebreos 7:16

Ti Ach' pale ti va'ie, ma'uc ta sventa ti c'u s'elan ta xal ti mantale. Yu'un ja' no'ox och ta Paleal ta sventa ti oy stsatsal xcuxlejal ti mu sna' xlaje.