Gálatas 2:2 - Bible in Tzotzil de Chamula

² Ti jech libat teye, yu'un ja' laj yac'bun jna' ti Dios ti tsots sc'oplal ta xibate. C'alal ja' o stsoboj sbaic ta Jerusalén ti buch'utic yich'ojic ta sventa ti jch'unolajeletique, laj calbe ya'iic smelol ti lequil ach' c'op ti c'u s'elan ta jchol ta stojol ti jyanlumetique. Ti jech laj jpase, yu'un mu jc'an mi mu'yuc stu ta xc'ot ti c'usi ta xcale.

Tzotzil Zinacantan

² Ti libat ta Jerusalene, yuꞌun jaꞌ yech isyules ta jol ti Rioxe. Jaꞌ ay jcꞌopon ti muchꞌutic ti stuquic noꞌox snaꞌbeic smelol avalojic cꞌusi yaloj ti Cajvaltique. Jaꞌ ay calbe yaꞌiic ti cꞌu xꞌelan chacalbeic voꞌoxuc ti maꞌuc juriooxuque, ti jaꞌ chacꞌ jcuxlejaltic ta sbatel osil ti Cajvaltic Jesucristoe. Ti ay calbeique, yuꞌun jaꞌ mu jcꞌan mi mu coꞌoluc li cꞌusi chcalticotique. Yuꞌun mi mu coꞌoluque, yicꞌal mu cꞌusi bal o li cꞌusi ta jpase.

Bible in Tzotzil de Chenalhó with Deuterocanon

² Yu'un jech laj yac'bun jna' Dios ti libate. Ja' bat jc'opan stuquic li banquilal jcholc'opetique. Ja' bat calbe ya'yic c'u x'elan ta jcholboxuc Lequil A'yej, vo'oxuc li yanlumoxuque. Yu'un mu jc'an ti altic ch-ech' li cabtel laj xa jpase, xchi'uc li cabtel ta to jpas batele.

Tzotzil San Andres

² Libat ta Jerusalén yuꞌun jech liyalbe Dios ti acꞌo xibate. Jaꞌ a jcꞌopon li banquilaletic li buchꞌutic ta xalbeic scꞌop li Cajvaltic li más ichꞌbilic ta mucꞌ avuꞌunique. Jaꞌ a calbe yaꞌiic ti cꞌu sba chacalbeic, li joꞌoxuc li maꞌuc jꞌisraeloxuque, ti jaꞌ noꞌox chijcol o ta sventa li Cajvaltique. Yuꞌun mi mu jmojuc li cꞌu sba chcalcutique, oy yicꞌal mu cꞌusi xtun o li cabtel li joꞌone.

Tzotzil de Huixtán

² Yu'un ti nibate, yu'un hech albilun ti co'nton yu'un ti Diose. Hech yu'un ti nibate. Ja' ay calbe ya'yic ti quermanotic ti te oyic ti Jerusalene ti c'u che'el chajchanubtasoxuc ti sc'op ti Diose, ho'oxuc ti yanlum crixchanooxuque. Ja' no'ox ay jcholbe ya'yic ti much'utic oy yabtelique. Ja' no'ox ay jac'be mi hech chchanubtasvan hech chaj c'u che'el chajchanubtasoxuc xchi'uc achi'iltac, ho'oxuc ti yanlum crixchanooxuque. Yu'un mi mu co'oluc chcaltutic ti smantal ti Diose, repenta chc'ot ti altic chi'abtej ho'oni.

Gálatas 2:2 Iomraidhean Croise

Eclesiastés 10:1

Stuil ti jcot chamem vove ta soc smuil yu'un ti lequil muil poxile. Ti c'usiuc no'ox ta sbol pas ta anil ti buch'u oy sbijil ta alele, ta stsul sc'oplal ti ich'bil to ox ta muq'ue.

San Mateo 10:16

“A'yio ava'iic, co'ol a'elanic jech c'u cha'al chij ta jtacoxuc batel ta stojol ti jti'vanej-oq'uiletique. Bijanic ec un, jechuc abijilic jech c'u cha'al ti jti'vanej-chone. Ti atalelic une, jechuc jech c'u cha'al ti palomae.

Hechos 15:12

Scotol ts'ijil comic. Lic sts'etan xchiquinic ta ya'yiel c'alal yacal ta yalel ti Bernabee xchi'uc ti Pabloe, ti c'u s'elan laj yac' iluc ti Dios ti oy c'usi ch'ayal ta xc'ot o'ntonal yu'unic c'alal oyic ta stojol ti jyanlumetique.

Hechos 15:2

Taje, tsots laj stsac sbaic ta c'op xchi'uc ti Pabloe, ti Bernabee. Ta jech yepal un, va'anatic ti Pabloe, ti Bernabee xchi'uc jayibuc xchi'ilic yo' ta xbatic ta Jerusalén ta xchapanel c'op ti jcholc'opetique xchi'uc ancianoetic yu'un ti jch'unolajeletic ta jteclum taje.

Hechos 15:4

C'alal c'otic ta Jerusalén ti Pabloe, ti Bernabee, ich'bilic ta muc' c'ot yu'un ti jch'unolajeletique, ti jcholc'opetique xchi'uc ti ancianoetique, ti c'ot yalic c'u s'elan abtej ti Dios ta stojolique.

Hechos 18:9

Oy jun ac'ubal ti Pabloe xi s'elan ac'bat yil yu'un ti Cajvaltique: —Mu xaxi'. Mu xapajes aba. Ac'bo yipal ta yalel ti lequil ach' c'ope.

Hechos 23:11

Ta yac'ubalil un, laj yac' sba iluc ti Dios ta stojol ti Pabloe, ti xi laj yale: “Mu xaxi', Pablo, ti c'u s'elan laj xa aval ti jc'oplal li' ta Jerusalene, ja' jech ta xbat aval jc'oplal ta Roma.”

Hechos 5:34

Ta scotolic ti jchapanvanejetique, oy jun fariseo ti sbiinoj Gamaliel ti ich'bil ta muq'ue, ja' jun banquilal jchanubtasvanej yu'un ti oy c'usi jbel tsots albil sc'oplale. Laj yal mantal ti yich'uc loq'uesel jliqueluc ti jcholc'opetique,

Romanos 9:16

Ta tael ti c'uxubinel yu'un ti Diose, ma'uc ta sventa ti ac'bil xa yipal ti oy c'usi sc'an pasele, ja' no'ox ta sventa xc'uxul yo'nton ti Diose.

1 Corintios 1:23

Ja'uc ti vu'uncutique ja' ta xcalcutic batel sc'oplal ti Cristo jipil ta curus chame. Ti israeletique q'uexlal sba ta xa'iic ti jech ta x'albatique. Ti jyanlumetique jeche' lo'il c'op no'ox ta xa'iic ti jech ta x'albatique.

1 Corintios 2:2

C'alal oyun ta atojolique, mu'yuc c'usi yan laj jnop. Ja' no'ox tsots sc'oplal laj ca'i ti laj calboxuc ava'iic sc'oplal ti Jesucristo ti jipil ta curus cham laje.

1 Corintios 9:24

Xana'ic lec ti j'anilajeletique, scotolic ta x'anilajic, ja'uc le'e, jun no'ox ti buch'u ta xich' ti matanale. Lec un cha'e, jechuc anilajanic ec yo' ta xataic ti matanale.

1 Corintios 9:26

Ta jventa ti vu'une, mu ta jeche'uc no'ox xivilet ta anil mi mu'yuc c'usi jq'ueloj batele. Mi ja'uc jeche' no'ox xjayluj jelavel yic'al jc'ob c'alal ta jmaj ti cajcontrae.

2 Corintios 12:1

Mu'yuc c'usi xloc' o venta yu'un mi ja' no'ox ta xalbe sba ti sc'oplal stuque. Ja'uc le'e, ta xcalboxuc ava'iic oy c'usi li'ac'bat quil, oy c'usi li'ac'bat jna' yu'un ti Cajvaltique.

Gálatas 1:12

Ma'uc jun vinic laj xchanubtasun, laj yac'bun ca'i. Ja' laj yac'bun jna' stuc ti Jesucristoe.

Gálatas 1:16

Laj yac'bun cojtiquin ti Xnich'one yo' jech ta xcal batel ti lequil ach' c'op yu'un ta stojol ti jyanlumetique. Mu junuc oy buch'u laj jac'be razon ti c'usi ta jpase,

Gálatas 1:6

Toj ch'ayal no'ox ta xc'ot co'nton avu'unic ta xca'i, ti ta ora no'ox, ta xavalopatinic comel ti Diose c'alal ja' laj yic'oxuc ta stojol ta sventa syail xc'uxul yo'nton ti Cristoe. Avi tana une, ats'acliic xa batel yan c'op ti ma'uc colebale.

Gálatas 2:6

Ti banquilal jcholc'opetic teye, ti ich'bilic ta muc' yu'un ti jch'unolajeletique, mu'yuc laj yalbun ca'icutic ti sc'an to smelol ti lequil ach' c'op ta xcalcutique. Ma'uc ta xixi' yu'un ti jech cajal yabtel yich'ojique, yu'un ti Diose mu yalel toyoluc ta xil.

Gálatas 2:9

Jech o xal un, ti Santiagoe, ti Pedroe, ti Juane, ja' ti ich'bilic ta muc' teye, laj ya'iic ti ja' laj yac'bun Dios ti cabtele. Jech o xal ti stuquique laj stsacbun jc'ob xchi'uc ti Bernabee, ja' svinajeb ti jununcutique, ti co'ol ti cabtelcutique. Lec laj ya'iic ta xba abtejcun ta stojol ti jyanlumetique. Lec laj ya'iic ec ta xcom abtejicuc ta stojol ti israeletique.

Gálatas 5:7

Ti vo'oxuque, lec to ox ti bu atamojic batele. ¿Buch'u laj smacoxuc ta be ta yich'el ta muc' ti bu ja' melele?

Filipenses 2:16

c'alal yacaloxuc ta yalbel ya'iic ti cuxlejal ach' c'ope. Ja' yu'un un, c'alal ta xcha'sut talel ti Cristoe, ximuyubaj ta atojolic, yu'un jna' lec mu jeche'uc no'ox ech' vocol ti li'abej ta atojolique.

Filipenses 2:29

Muyubajanic, ich'ic ta muc' ti jchi'iltic Epafroditoe, yu'un co'ol achi'il abaic ta sventa ti Cajvaltique. Ti buch'u xco'olaj yo'ntonic jech c'u cha'al ti stuque, ich'ic ta muc' ta sjunul avo'ntonic.

1 Tesalonicenses 3:5

Ti jech mu xa ts'icbaj ta xca'i ti c'u a'elanique, jech o xal laj jtac ta jaq'uel mi c'otem to ta avo'ntonic ta xch'unel ti Cajvaltique, yu'un lixi' mi oy bu laj sujoxuc ta spasel chopol ti pucuje, ti jeche no'ox mu'yuc c'usi tun o ti cabtelcutic ta atojolique.

2 Timoteo 4:7

Laj, tsuts xa cu'un scotol ti bu to ox jtamoje. ti lec iloc' cu'un ti cabtel li'ac'bat jbain ti bu xijipet ta jujujot yu'une. Staoj o yav jch'unoj ti Cajvaltique, mu'yuc xilubtsaj.

Hebreos 12:1

Ti yepal no'ox joyol ta jpat ta jxocontic ti buch'utic laj yaq'uic ta ilel ti c'otem ta yo'ntonic ta xch'unele, jech o xal la' jiptic comel ti c'usi ta xmacvan ta bee, xchi'uc ti mulil ti ta x'uninvan ya'ie. Ja' lec, sjunuluc co'ntontic cac'betic yipal ti anil ti quechel beotic batele.