Gálatas 1:4 - Bible in Tzotzil de Chamula

⁴ Ti Cajvaltic Jesucristoe laj yac' sba ta milel ta scoj ti jmultique, yo' jech tal spojotic loq'uel ta scoj ti toj chopol ti sba banomil avi tana li'e, ti jech ono'ox oy ta yo'nton ti Jtotic Diose.

Tzotzil Zinacantan

⁴ Ti Cajvaltic Jesucristoe iyacꞌ sba ta milel ta scoj jmultic yoꞌ xcom o cuꞌuntic li cꞌusitic chopol liꞌ ta sba balamile. Yuꞌun jaꞌ yech iscꞌan ti Jtotic Riox ta vinajele.

Bible in Tzotzil de Chenalhó with Deuterocanon

⁴ ja' li Boch'o laj yac' sba ta milel ta scoj jmultic, yu'un jech la scoltautic loq'uel ta sventa li c'usitic chopol li' ta banamile. Yu'un jech la sc'an li Dios cu'untique, ja' li Jtotique.

Tzotzil San Andres

⁴ Li Cajvaltic Jesucristoe laj yacꞌ sba ta milel ta jcojtic jaꞌ yuꞌun lijlocꞌutic ta scꞌob li cꞌustic chopol liꞌ ta balumile. Ti jech la spase, yuꞌun jaꞌ jech iscꞌan li Jtotic Dios cuꞌuntique.

Tzotzil de Huixtán

⁴ Ti Cajvaltic Jesucristoe ja' laj yac' sba ti milel ti jventatic yu'un hech libre nijc'otucutic. Hech mu xa xismozoinucutic ti mulile ti li'oy ti balumile. Yu'un ti hech laj scoltaucutique, yu'un hech laj sc'an ti Jtotic Diose.

Gálatas 1:4 Iomraidhean Croise

San Mateo 20:28

Ti vu'un co'ol j'elantique, mu'yuc tal mosovinvancun, tal cac' jba ta tunel, tal cac' jba ta milel yo' ta jtojbe scolelic ti mu albajuc yepal oyique.

Romanos 4:25

Aq'ue ta milel ta scoj ti jmultique, xchi'uc cha'cuxesat yo' jech ta jtatic ti lec xij'ile yu'un ti Diose.

Gálatas 2:20

yo' mu cu'unuc xa jba jtuc ti jech cuxulune, yu'un ja' xa cuxul ti Cristo ta jtojole. Ti jech cuxulun xchi'uc ti jbec'tale, cuxulun xa no'ox ta sventa ti c'ot ta co'nton ta xch'unel ti Xnich'on Diose, ti laj xc'uxubinune, ti laj yac' sba ta milel cu'une.

1 Pedro 2:24

Ti Cristoe laj sbain ta sbec'tal stuc ti jmultic c'alal cham laj ta curuse, yo' jech ta xlaj x'ech' sc'oplal ti mulil oy ta jtojoltique, yo' jech ta jtamtic ta spasel ti c'usi oy smelol stuq'uile. Yu'un ta sventa ti yayij ti Cristoe, laj ata acolelic yu'un.

SUN TITO 2:14

Yu'un laj yac' sba ta milel ta jcojtic ta spoquel stuselotic ta j'ech'el ti laj scoltaotic loq'uel ta stojol ti mulile yo' jech ta xijc'ot ta yu'un, xchi'uc ti oyuc ta co'ntontic ta spasel ti c'usi leque.

2 Corintios 4:4

Ti jech mu xc'ot ta yo'ntonic ta xch'unel ti lequil ach' c'op yu'un ti Cristo ti c'alal ja' yutsilal slequilal stuc ti Diose, ja' ta scoj macbil snopbenal, macbil satic yu'un ti sdiosic li' ta banomile.

1 Timoteo 2:6

Yu'un ti Jesucristoe laj yac' sba ta milel yo' jech ta stojbe spojel scolel scotol ti jnaclejetic ta banomile, ti sta xa yorail laj yac' ta na'el ti Dios avi tana li'e.

Efesios 2:2

Yu'un ta vo'ne ti vo'oxuque jech laj apasic jech c'u cha'al ta spasic ti jnaclejetic ta banomile, ti ach'unojbeic smantal ti pucuj ti ta ic' ta xanave, ti ta x'abtej ta yo'ntonic ti buch'utic mu xch'unic ti c'usi ta xal ti Diose.

1 Tesalonicenses 3:13

Ti stuque ac'o yac'boxuc yip avo'ntonic yo' mu'yuc c'usi quechel mac avu'unic, yo' mu'yuc amulic ta xc'ot ava'an abaic ta stojol ti Jtotic Dios cu'untique c'alal ta xcha'sut talel ti Cajvaltic Jesucristoe xchi'uc ti yu'untaque.

Romanos 12:2

Mu xa jechuc xanopic jech c'u cha'al ta spasic ti jnaclejetic ta banomil ti yan sjol yo'ntonique. Jeluc ti snopbenal avu'unique yo' jech ta x'ach'ub ti acuxlejalique. Jech ta xlic ava'ibeic yo'nton ti Diose, ja' ti c'usi lec ta pasele, ti c'usi xmuyubaj yo'nton yu'une, ti c'usi lec tuc' ta xile.

Filipenses 4:20

Ich'biluc ta muc' sbatel osil ti Jtotic Diose. Jechuc.

Efesios 5:2

Oyuc xc'uxul avo'ntonic c'uxianic jech c'u cha'al laj xc'uxubinotic ti Cristoe, ti laj yac' sba ta milel ta jcojtic ti co'ol s'elan jcot uni chij ti laj yich' aq'uel ta smoton Dios ti jun yutsil slequil laj yile.

Apocalipsis 1:5

xchi'uc ta sventa ti Jesucristoe, ti Buch'u j'ech'el laj sva'an sba ta rextico ti c'usi ta xale, xchi'uc ti Buch'u ja' ba'yel cha'cuxie, ti oy ta yoc ta sc'ob ti ajvaliletic li' ta banomile. Yu'un laj xc'uxubinotic ti Cristoe, laj spocbotic jmultic ta sventa laj smal ti xch'ul ch'ich'ele.

Apocalipsis 5:9

Xi s'elan lic sq'uejintaic jun ach' q'uejimol: “Vo'ot ac'otebal o xu' avu'un xajam ti balbil vune, xchi'uc stotsel loq'uel ti seyoale, yu'un laj avich' avocol ta milel, yu'un laj amanuncutic ta ach'ul ch'ich'el yo' licomcutic ta yu'un ti Diose, ti oyuncutic ta jujun lume, ti jujuchop ti jc'opcutique, ti jujun muc'tiquil lume, ti oyuncutic ta sjoylej banomile.

1 Juan 3:16

Jna'tic lec c'u s'elan ma' ti c'uxul o'ntonale, yu'un ti Jesucristoe laj xa yac' sba ta milel cu'untic. Jechuc me co'ntontic ta scoltael ti jchi'iltique, manchuc mi ta xcac' jol jbaquiltic yu'un.

1 Juan 2:2

Ti jech laj yac' sba ta milel ti Jesucristoe, laj jtatic yu'un ti ch'aybil c'ot ti jmultique. Ma'uc no'ox ti vo'otique, ja' jech c'ot ta stojol scotol ti jnaclejetic ta sjoylej banomile.

1 Pedro 3:18

Yu'un ti Cristoe jcoj no'ox laj yich' svocol ta milel ta scoj ti jmultique. Manchuc mi ch'abal ti smule, laj ono'ox yich' svocol ta scoj jchopolaltic yo' jech ta xijyic'otic batel ta stojol ti Diose. Ta sventa ti oy sbec'tale, cham. Ja'uc le'e, c'alal cha'cuxie, cha'cuxi ta sventa ti Ch'ul Espíritue.

Santiago 4:4

Mu'yuc atuq'uilic ta j'ech'el jnaclejetic ta banomil. ¿Mi mu xana'ic ya'yel ti buch'u c'upil ta xa'i ti sba banomile, ta xc'ot ta yajcontra Dios? Buch'uuc no'ox ti ta sc'upijel yo'nton ta st'uj ti sba banomile, ta xjoybij ta yajcontra Dios.

Hebreos 6:5

ti laj ya'ibeic slequil yutsil ti lequil ach' c'op yu'un ti Diose, ti laj ya'ibeic sc'oplal smuc'ul stsatsal ti ach' banomil ta xvul ta loq'uele,

2 Tesalonicenses 2:16

Ti Jtotic Dios cu'untique laj xc'uxubinotic, laj yac'botic spatobil co'ntontic sbatel osil ti oy c'usi ta jmalatic ta jtatic ta sventa ti slequilal yutsilal yo'ntone. Ti Dios taje xchi'uc ti Cajvaltic Jesucristoe, ac'o yac'boxuc yip avo'ntonic ta spasel ta yalel ti c'usi leque.

San Juan 12:31

Ja' xa yorail avi tana li' une, ta xlic yich' chapanel ti jnaclejetic ta banomile. Ja' xa yorail ta xich' jipel loq'uel ti buch'u ta spas mantal li' ta banomile.

San Mateo 26:28

yu'un ti ya'lel uva li'e, ja' c'ot xa ta pasel ti ach' trate ta sventa ti ta xmal ti jch'ich'ele, ti ja' ta sventa ti yepal ta staic ti ch'aybil ta xc'ot ti smulic ta jventae.

Isaías 65:17

“A'yio ava'iic, ta xlic jmeltsan ta ach' ti vinajele, ta ach' ta xlic jmetsan ti banomile. Ti c'usitic laj c'otuc ta pasel ta vo'nee, ch'aybil xa c'ot ta o'ntonal, mi junuc xa oy buch'u ta svules ta sjol taje.

Hebreos 9:14

Ti mi ja' jech taj une, buc xa la xch'ich'el ti Cristo ti ja' x'ech' to jelavem ti yip xu' yu'une. Ti jech coltabil yu'un Ch'ul Espíritu ti sbatel osil cuxule, ti Cristoe laj yac' sba ta milel ta stojol Dios ti c'ot ta jun matanal ti mu'yuc xchopolale, yo' ta xcac' jbatic ta tunel ta stojol ti Dios ta sventa ti tun ti xch'ich'el ta spoquel stusel ti sbolil jol co'ntontic ti naca ch'ayel jq'uelojtic batel yu'une.

Hebreos 2:5

Ti Diose ma'uc laj yac'be sventain ánjeletic ti banomil ti ta to xtale, ti ta xcalbecutic sc'oplale.

1 Tesalonicenses 3:11

Yu'un oy ta co'ntoncutic ac'o xiscoltauncutic stuc ti Jtotic Diose xchi'uc ti Cajvaltic Jesucristoe yo' jech xtal jvu'lanoxuc.

Efesios 6:12

Yu'un ma'uc yacalotic ta scontrainel ta stsalel ti jnaclejetic ta banomil ti oy sbec'tal xch'ich'elique. Yu'un ja' yacalotic ta scontrainel ta stsalel ti pucujetic ti oy yipic ta spasel ti c'usi chopole, ti ta ic' ta xanavique, ti ja' ta spas ta mantal ti jnaclejetic ta banomil ti oyic ta ic'al osile.

Efesios 1:11

Ti jech lijc'ot ta jun xchi'uc ti Cristoe, yu'un vo'ne xa ono'ox t'ujbilotic yu'un ti Diose yo' ta xquich'tic ti rextoil ti albil sc'oplal ta xaq'ue, ti co'ol xchi'uc jech c'u cha'al oy ono'ox ta yo'nton ti Dios ta spas ti c'u s'elan lec ta xil ti stuque.

Gálatas 6:14

Ja'uc ti vu'une, ja' no'ox tsots sc'oplal ta xca'i cham ta curus ti Cajvaltic Jesucristoe. Ti sventa cham ta curus ti Cristoe, laj sc'oplal ta xca'i ti banomile, yu'un ma'uc xa ventainbilun yu'un ti sba banomile.

Romanos 8:32

Ti jech mu'yuc laj sjalanbotic ti Xnich'on ti Diose, ti c'ajomal laj yac' ta milel ta sventa jcotoltique, ¿mi ja' xa la mu ta xijyac'botic ec scotol ti c'usi ta xac'be ti Xnich'one?

Romanos 8:3

Ta scoj ti mu'yuc yip ti lum ach'ele, mu'yuc xc'ot ta ch'unel ti oy c'usi tsots sc'oplal albil yu'un ti Moisese. Jech o xal ti Diose laj spas ti xi s'elan c'ot ta pasel yu'une: Yu'un co'ol s'elan jun jsa'mulil laj stac talel Xnich'on ti Diose. Laj yich' svocol ta stojel ti mulile yo' jech tub sc'oplal ti mulil ta sventa ti laj yich' ti sbec'tale.

Romanos 1:7

Jech o xal ta jts'ibaboxuc talel jvun ti li' nacaloxuc ta Romae, ti c'uxubinbiloxuc yu'un ti Diose, ti t'ujbiloxuc yo' xac'otic ta yu'untaque. Ich'beic slequilal yutsilal yo'nton ti Jtotic Diose xchi'uc ti Cajvaltic Jesucristoe, lamajemuc avo'ntonic.

San Juan 10:11

“Vu'unun ma' ti lequil j'il-chije. Ti lequil j'ilchije ta xac' sba ta milel ta sventa ti xchijtaque.

San Juan 6:38

Ti liyal talel ta vinajele, ma'uc tal jpas ti c'usi ta sc'an ti co'ntone. Ti litale, ja' tal jpas ti c'usi ta sc'an yo'nton ti Buch'u laj stacun talele.

San Juan 5:30

“Mu'yuc c'usi stac' jpas ta jtuc no'ox. Ti ta xichapanvane, ja' ti c'u s'elan ta xi'albat yu'un ti Jtote. Lec tuc' ti c'u s'elan ta xichapanvane, yu'un ma'uc ta jpas ti c'u s'elan ta jc'an jtuque, yu'un ja' ta jpas ti c'u s'elan ta sc'an stuc ti Jtot ti Buch'u laj stacun talele.

San Lucas 22:42

Xi laj yal ti Jesuse: —Ti jechuc la avo'nton xacoltaun yu'un ti jvocole, Tot, xu' avu'un. Ma'uc ta jc'an ti oy ta co'ntone, ja'uc ti c'usi oy ta avo'ntone.

Marcos 10:45

Ti vu'un co'ol j'elantique, ma'uc tal mosovinvancun, tal cac' jba ta tunel, tal cac' jba ta milel ta sventa stojol scolel ti epal jnaclejetique.

San Mateo 26:42

Sut batel xtoc ta c'opojel ti'inel ti Jesuse, ti xi laj yale: —Jch'ul Tot, Cajval, mi mu xac'an ta xavet'es ti jvocole, c'otuc ta pasel jech c'u cha'al ta sc'an ti avo'ntone.

San Mateo 6:9

Xi sc'an xavalic c'alal ta xac'opoj xati'inique: ‘Dios Totil, ti oyot ta vinajele, ich'biluc ta muc' ach'ul bi cu'uncutic.

Salmos 40:8

Ximuyubaj ta spasel ti c'usi oy ta avo'ntone, Dios; c'otem ta co'nton ti c'u s'elan lachanubtasvane.

Apocalipsis 7:9

Laj taj une, laj quil yepal oy bu talemic ta jujun banomil ti oyic ta muc'tiquil lumetique, ti jujutos ti sts'unobalique, ti jujutos ti sc'opique, ti oyic ta jujun jteclume. Ti yepal no'ox ta j'ech'el ti mu'yuc buch'u xchap yu'un c'u yepalique, tey va'ajtic ta stojol ti Buch'u chotol ta muc' ta chotlebale, xchi'uc ti jcot ta Uni Chije. Slapojic batel saquil c'u'il xchi'uc xtuchojic batel yanal xan.

Romanos 8:27

Ti Dios ti yiloj co'ntontique, ta sna' lec ti c'usi ta sc'an ti Ch'ul Espíritue, yu'un ti Ch'ul Espíritue ja' ta sc'an ti c'usi oy ta yo'nton Dios ta sventa ti yu'untaque.

San Lucas 22:19

C'un to un, laj stsac ti pane. Laj yalbe vocol ti Diose. Lic xet', laj yac'be jelavel ti yajchanc'optac ti xi laj yale: —Ti li'e, ja' jbec'tal jtacopal ta xich' aq'uel ta c'abal yo' ta xmile ta sventa alequilalic. Jech xapasolanic o sventa jna'obil.

San Mateo 13:22

Ti ts'unobal c'ot ta ch'ixtique, ta svinajesbe smelol ti oy jlom ta xa'iic ti lequil ach' c'ope. Ja' no'ox un, bat ta yo'ntonic ti c'usi sventa sba banomile, lajic ta lo'lael yu'un ti sc'ulejalique, jelav ti c'usitic ta sc'an ti stuquique. Ch'ay ta yo'ntonic un ti lequil ach' c'ope.

1 Corintios 15:3

Ti laj calboxuc ava'iic ta sliquebale, ja' laj jchanubtasoxuc ti c'u s'elan li'ac'bat jnae, ja' ti cham ti Cristo ta scoj ti jmultique jech c'u cha'al ts'ibabil ta ch'ul c'ope.

Efesios 5:16

Tunesic lec ti jujun c'ac'al ta x'ech'e, yu'un ti jujun c'ac'ale, naca vocol sq'ueloj talel.

1 Tesalonicenses 1:3

Ta sba ta sat ti Jtotic Dios cu'untique, j'ech'el mi ja'uc xach'ay ta co'ntoncutic c'alal ta xvul ta jolcutic ti c'ot no'ox ta avo'ntonic ta xch'unel ti Cajvaltique, ti ta syail xc'uxul avo'ntonic laj avac' abaic ta tunele, ti tsots ava'anoj abaique manchuc mi oy ti vocol ta atojolic ta sventa ti amalaojic ti Cajvaltic Jesucristoe.