Gálatas 1:1 - Bible in Tzotzil de Chamula

¹ Vu'un Pabloun, jcholc'opun. Ma'uc t'ujbilun tacbilun yu'un ti jnaclejetique, yu'un ja' laj st'ujun stuc ti Jesucristoe, xchi'uc ti Jtotic Dios ti Buch'u laj xcha'cuxes ti Jesucristoe.

Tzotzil Zinacantan

¹ Voꞌon Pabloon, yajꞌapoxtolon ti Cajvaltic Jesuse. Maꞌuc crixchano ti listac ta yalel aꞌyuc li scꞌop Rioxe. Jaꞌ listac ta yalel aꞌyuc ti Jesucristoe xchiꞌuc ti Jtotic Riox ta vinajele ti ixchaꞌcuxes loqꞌuel ta smuquenal ti Jesucristoe.

Bible in Tzotzil de Chenalhó with Deuterocanon

¹ Vu'un Pabloun, vu'un yajtacbolalun Jesucristo. Muc cristianouc la stacun; muc cristianouc laj yac'bun cabtel. Ja' la st'ujun stuc li Jesucristoe xchi'uc li Diose, ja' li Totil ti la xcha'cuxes loq'uel ta smuquinal li Jesucristoe.

Tzotzil San Andres

¹ Joꞌon Pabloun, joꞌon yajtacbalalun li Cajvaltique. Maꞌuc crixchano li la stacun ta yalel li scꞌop li Diose, schiꞌuc li la stꞌujune. Jaꞌ listꞌuj li Jesucristoe schiꞌuc li Jtotic Dios li ischaꞌcuxes loqꞌuel ta chꞌen li Jesucristoe.

Tzotzil de Huixtán

¹ Ho'on Pabloun, ho'on jcholc'opun. Mu'yuc much'u laj stic'un ti jcholc'op. Mu crixchanouc ti laj yac'bun ti cabtele. Ja' laj yac'bun cabtel ti Jesucristoe xchi'uc ti Jtotic Diose ti laj xcha'cuses loq'uel tal ti ch'en ti Jesucristoe.

Gálatas 1:1 Iomraidhean Croise

San Juan 10:30

Jununcutic xchi'uc ti Jtote.

San Juan 20:21

Laj taj une, ti Jesuse xi laj yal xtoque: —¡Laetuc, siquetuc avo'ntonic! Jech c'u cha'al laj stacun talel ti Jtote, ja' jech ta xajtacoxuc batel ec.

San Juan 5:19

Xi laj yal ti Jesuse: —J'ech'el ta xcalboxuc ava'iic, ti vu'un Xnich'onun ti Diose, mu'yuc c'usi stac' jpas ta jtuc no'ox. Ja' no'ox ta jpas ti c'u s'elan ta xquil ta spas ti Jtote. Scotol ti c'usi ta spas ti Jtote, ja' jech ta jpas ti vu'un Xnich'onune.

Hechos 22:10

‘¿C'usi xu' ta jpas, Yojtot?’ xichi laj jtac'bee: Xi laj yalbun ti Cajvaltique: ‘Lican, tamo batel abe ta Damasco. Ti bu taje, ta xa'albat ava'i scotol ti c'usi xu' ta xapase.’

Hechos 3:15

Ja' jech laj avaq'uic ta milel ti jventainej j'ac'-cuxlejale. Ja'uc le'e, cha'cuxesat yu'un ti Diose. Taj une, rexticouncutic yu'un.

Hechos 9:6

Xi laj sjac' c'alal xnicnun xa ta xi'el ti Sauloe: —¿C'usi ta xac'an ta jpas, Cajval? Xi albat yu'un ti Cajaltique: —Lican, ochan batel ta jteclum. Ti bu taje ta xa'albat ava'i ti c'usi stac' ta xapase.

Romanos 1:1

Vu'un Pabloun, yajtunelun ti Jesucristoe. Laj staun ta iq'uel yo' ta xi'och ta yajtacbolal ta yalel batel ti colebal lequil ach' c'op yu'un ti Diose,

Romanos 10:9

Mi ta xloc' ta ave ati' ti ja' Avajval ti Jesuse, mi ta xc'ot ta avo'nton ta xch'unel ti cha'cuxesat yu'un Dios ti Jesucristoe, ta xata acolel.

Romanos 14:9

Ja' yu'un un, cham ti Cristoe. Ja' jech xtoc cha'cuxi yo' jech ta xc'ot ta Ajvalil yu'un scotol ti buch'utic chamemic xae, xchi'uc ti buch'utic cuxulic toe.

1 Corintios 1:1

Vu'un Pablo, ti jech laj sc'an ti Diose, laj yic'un yo' ta xicom ta yajtacbolal ti Jesucristoe. Jmoj xchi'uc ti jchi'il Sóstenese

2 Corintios 1:1

Vu'un Pablo, loc' ayan ta yo'nton Dios ti jech jcholc'opun yu'un ti Jesucristoe. Ti vu'une xchi'uc ti jchi'il ta abtel Timoteoe ta jts'ibaboxuc talel ti jvun li'e, ti vo'oxuc yu'unoxuc xa ti Dios ti oyoxuc ta jteclum Corintoe xchi'uc ti c'u avepalic buyuc no'ox oyoxuc ta Acayae.

Gálatas 1:15

C'alal mu'yuc to ox voq'uemune, t'ujbilun xa ono'ox yu'un ti Diose. Ta sventa ti yepal no'ox ti syail xc'uxul yo'ntone, laj yic'un ta stojol c'alal c'ot ta nopel yu'une.

Gálatas 1:17

mi ja'uc ay jac'be ti ba'yel jcholc'opetic ti oyic ta Jerusalene. C'ajomal no'ox libat ta ora ta xocol banomil ti oy ta Arabiae. Ts'acal to lisut talel ta jteclum Damasco.

Efesios 3:8

Ta scotol ti buch'u c'otemic ta yu'untac ti Diose, ja' slajeb xa peq'uel ti jc'oplale. Ja'uc ti Diose laj yac'bun cabtel ta yalel ti lequil ach' c'op ta stojol ti jyanlumetique yo' jech ta xcalbe ya'iic sc'oplal ti Cristo ti mu no'ox albajuc yutsilal ti sc'ulejale.

2 Timoteo 1:1

Vu'un Pablo, yajcholc'opun ti Jesucristoe. Ti jech loc' ayan ta yo'nton ti Diose, tacbilun ta yalel sc'oplal ti cuxlejal ti albil ono'ox sc'oplal ta jtatic ti oyotic ta stojol ti Cajvaltic Jesucristoe.

SUN TITO 1:3

Avi tana un, ti Dios ti ja' Jcoltavanej cu'untique, sta xa yorail yu'un ti laj yac' ta a'yiel ti sc'ope, ta sventa smantal stuc ti laj yac'bun cabtel ta yalele.

Hebreos 13:20

Ti Diose laj xcha'cuxes ti Cajvaltic Jesucristo ti Buch'u c'otem ta Banquilal Jq'uel-chije, yu'un ja' ta sventa xch'ich'el chapaj sc'oplal ti ach' trate sventa sbatel osile.

Josué 22:15

Scotolic taje batic ta Galaad ti bu tsobolic snitilultac ti Rubene, ti Gade, xchi'uc ti o'lol jvoc' snitilultac ti Manasese, ti xi c'ot yalbeique:

1 Pedro 1:21

Ta sventa ti Cristoe, teq'uel c'ot ta avo'ntonic ti Dios ti laj xcha'cuxes c'alal cham ti Jesucristoe, xchi'uc ti laj yac'be yich' ti slequilal yutsilale. Jech o xal ti vo'oxuc une, teq'uel c'ot ta avo'ntonic, xchi'uc amalaojic ti oy c'usi ta xa'ac'batic yu'un ti Diose.

Apocalipsis 1:18

Vu'un ti stalel cuxulune. Licham to ox, avi tana une, cuxulun sbatel osil, yu'un oy xa ta coc ta jc'ob syavial ti lajebale, xchi'uc ti bu ta xbatic ti animaetique.

Apocalipsis 1:5

xchi'uc ta sventa ti Jesucristoe, ti Buch'u j'ech'el laj sva'an sba ta rextico ti c'usi ta xale, xchi'uc ti Buch'u ja' ba'yel cha'cuxie, ti oy ta yoc ta sc'ob ti ajvaliletic li' ta banomile. Yu'un laj xc'uxubinotic ti Cristoe, laj spocbotic jmultic ta sventa laj smal ti xch'ul ch'ich'ele.

Apocalipsis 2:8

Xi xats'ibabe batel ta stojol ti buch'u sbainoj ti jch'unolajeletic oyic ta Esmirnae: “Xi ta xal ti Buch'u sbainoj ti sliqueb spajebe, ti Buch'u cham cha'cuxie: