Filemón 1:9 - Bible in Tzotzil de Chamula

⁹ Ja'uc ta sventa ti c'ux ta xca'i jbatique, ja' x'ech' lec ta xca'i ti ta jc'anbot ti vocole. Vu'un ti mol Pabloune, ti tiq'uilun ta chuquel ta sventa ti Cristo Jesuse,

Tzotzil Zinacantan

⁹ Pero muꞌnuc chajpas ta mantal, chacalbe noꞌox ti cꞌuxubajicon ta avoꞌone, voꞌon Pabloon, molon xa, tiqꞌuilon ta chuquel yuꞌun jaꞌ yech iscꞌan ti Jesucristoe.

Bible in Tzotzil de Chenalhó with Deuterocanon

⁹ pero ta sventa ti lec jc'anoj jbatique ja' yu'un ta jc'anbot vocol. Vu'un li Pabloun ti molun xae, ti li' tiq'uilun ta chuquel ta scoj li Jesucristoe,

Tzotzil San Andres

⁹ Pero muc bu chajpas ta mantal. Jaꞌ noꞌox chacalbe yuꞌun jnaꞌoj ti cꞌuxun ta avoꞌone, joꞌon li Pabloun ti molun xae, li liꞌ tiqꞌuilun ta chuquel ta sventa li Jesucristoe.

Tzotzil de Huixtán

⁹ Pero mu jc'an chajpasot ti mantal. Ja' no'ox chacalbot vocol ti atojol yu'un ti c'uxun ti avo'nton, ho'on ti Pabloune ti molun xae, ho'on ti li' chuculun ti sventa ti Jesucristoe.

Filemón 1:9 Iomraidhean Croise

Salmos 71:18

Cajval Dios, mu xajip xatenun mi liyijub xa une, mi sac chijan xa ti jole. Tsots to sc'oplal ta xcalbe ya'iic amuc'ul atsatsal ti jch'iel jc'opojeletic li'e, xchi'uc ti ta to xtale.

Salmos 71:9

Mu xajip xatenun mi limolib xae; mu xatenun ti c'alal mu'yuc xa yipal cu'une.

Proverbios 16:31

Yich'el ta muc' c'otem xchi'uc ti sac chijan ti jolile, laj sta ti oy smelol stuq'uil ti sc'opojele.

Isaías 46:4

Jech ono'ox stalel ta jpas, ac'o mi yijoxuc xa. Mi sac chijanoxuc xa, staoj yav quicojoxuc japojoxuc. Laj cac' avich' abec'talic ti staoj yav ti jpetoj jcuchojoxuque, ti oy apojel acolel abainelic cu'une.

Romanos 12:1

Ja' yu'un un, Jchi'iltac, ta sventa syail xc'uxul yo'nton ti Dios ta jtojoltique, ta jc'anboxuc vocol, cuxul ac'o abaic ta tunel jech c'u cha'al ti matanal ti c'otem ta sventa ti Diose, ti jun yutsil slequil ta xich' aq'uel ta stojole. Taje, ja' jech ta ich'el ta muc' ti Diose.

2 Corintios 5:20

Ja' yu'un un, c'otemuncutic ta yajva'lej ti Cristoe, co'ol s'elan ja' stuc ti Dios ta sc'anboxuc vocol ta atojolic ta sventa ti vu'uncutique. Ta jc'anboxuc vocol ta atojolic un, ta sventa ti Cristoe, c'otuc ta avo'ntonic ti lec xa xayilic ti Diose.

2 Corintios 6:1

Ti jech jchi'il jbatic ta abtel ta sventa yabtel ti Diose, ta jc'anboxuc vocol ta atojolic ti mu xabaj xatenic yutsil slequil yo'nton ti Dios ti laj yac'boxuc avilique.

Gálatas 3:26

Ta sventa ti c'otem ta o'ntonal ta xch'unel ti Jesucristoe, yalab xnich'naboxuc ti Dios ta sventa ti jech oyoxuc xa ta stojol ti Jesucristoe.

Efesios 3:1

Ti jech taje, xiquejelet, ta xic'opoj xiti'in ta stojol Dios ti vu'un Pablo tiq'uilun ta chuquel ta sventa yabtel ti Cristo Jesuse, ta sventa alequil avutsilalic ti vo'oxuc jyanlumoxuque.

Efesios 4:1

Ja' yu'un un, ti vu'un tiq'uilun ta chuquel ta sventa ti Cajvaltique, ta jc'anboxuc vocol ta atojolic, ti tuc'ulano abaic jech c'u cha'al laj snop ac'oplalic ti Dios c'alal laj staoxuc ta iq'uele.

Efesios 6:20

Tacbilun yu'un Dios ta yalel ti lequil ach' c'op ti tiq'uilun ta chuquel yu'un avi tana li'e. C'oponic Dios yo' mu ta xi'eluc ta xcal ti lequil ach' c'ope, yu'un ja' cabtel.

1 Timoteo 1:12

Col no'ox yalbun ti Cajvaltic Jesucristoe ti laj yac'bun quipe, ti laj yil jun co'nton ta stojole, laj yic'un ta yajtunel un

SUN TITO 2:2

Jech ti moletique, albo ya'i ti oyuc sbijilique, ti lecuc ti sc'oplalique, ti lecuc ta q'uelel ti xcuxlejalique, ti junuc yo'nton xch'unojicuc ti Cajvaltique, ti oyuc xc'uxul yo'ntonique, ti oyuc smuc'ul stsatsal yo'ntonic ta sts'iquel ti svocolique.

Hebreos 13:19

Tsots sc'oplal ta jc'an xac'oponic Dios ta jtojol yo' jech ta xtal jq'ueloxuc no'ox.

1 Pedro 2:11

Ti jech j'ech'el-beoxuc li' ta banomile, Jchi'iltac, ta jc'anboxuc vocol ta atojolic ti mu xavac'be abaic ti c'usi ta sc'an ti sc'upijel avo'ntonic ti contra xil sbaic xchi'uc ti ach'ulelique.

Jueces 21:22

Mi ta xtal sc'anic parte ta jtojolcutic ti stot sme'e, mi ja' ti xchi'iltac ta voq'uel ti tsebetique, ja'uc le' une, xi ta xcalbecutique: ‘Quere, c'uxubajuc avo'ntonic ta jtojolcutic. Ch'aybo ti smulique. Mu'yuc xloc' o yajnilic ti c'u yepal laj jtacutic talel c'alal laj jtsaccutic ta leto ti Jabese. Yu'un ma'uc vo'oxuc laj avac'beic ti yajnilique. Melel me cac'tic un, mu'yuc amulic ta xc'ot yu'un ti c'usi jamal laj ava'an abaic ta yalele.’ ”