Filemón 1:6 - Bible in Tzotzil de Chamula

⁶ Ti buch'utic laj xch'unic ti c'u s'elan ach'unoje, ta jc'anbe ti Diose ti ac'o ya'iic smelol scotol ti bendición ti quich'ojtic ta sventa ti Cristo Jesuse.

Tzotzil Zinacantan

⁶ Ti chapas li cꞌusitic leque, jaꞌ chilic o ti spas yuꞌunic uc, lavi coꞌol slecubtasoj avoꞌonic ti Jesucristoe.

Bible in Tzotzil de Chenalhó with Deuterocanon

⁶ Ta sventa ti oy xch'unojel avo'nton eq'ue, ta jc'anbe Dios ti ac'o avotquin lec scotol li c'usitic lec jtaojtic ta sventa ti jun oyutic xchi'uc Cristoe.

Tzotzil San Andres

⁶ Ta jcꞌanbe Dios ti acꞌo tsatsubuc yoꞌonic li buchꞌutic yichꞌojic xa ta mucꞌ li Diose ta sventa ti chilic ti lec achꞌunoj ti jaꞌ chascolta li Cajvaltique. Jech joꞌot ta aventa ti chilic ta sqꞌuelic ti xuꞌ chijtuqꞌuibutic jcotoltic ta sventa li Jesucristoe.

Tzotzil de Huixtán

⁶ Ti jc'ambe vocol ti Diose ti yu'un laj xa avaq'uilan ti q'uelel ti xch'unojel avo'ntone hech yu'un ac'o tsatsubuc yo'ntonic scotolic. Yu'un laj xa yilic ti aventa ti ep yutsil co'ntontic chijyac'bucutic ti Cristo Jesuse.

Filemón 1:6 Iomraidhean Croise

San Mateo 25:16

Ti j'abtel ti buch'u laj yich' comel ti vo'ob mil (5,000) taq'uine, lic abtejuc xchi'uc, jolin yu'un vo'ob mil (5,000).

San Mateo 5:16

Ac'beic yipal, vinajuc xojobinel aluzic ta stojol ti yane. C'alal ta xilic ti lec c'usitic ta xapasique, ta slequil-c'optaic ti Dios avu'unic ti oy ta vinajele.

1 Corintios 14:25

Ti c'usi mu xvinaj mucul oy ta yo'ntone, ta svinajesbat yu'un ti c'usi ta xavalique. Ta xlic squejan sba ta yich'el ta muc' ti Diose. Ta xlic yal ti j'ech'el li' xchi'inojoxuc ti Diose.

1 Corintios 16:9

Yu'un lec to jamal jbe ta xi'abtej yu'un ti Cajvaltique, ti xloc' venta ta j'ech'ele, ja'uc le'e, yepal no'ox xtoc ti contrainele.

Filipenses 4:8

Ti jech jchi'il jbatique, slajeb ti xi ta xcalboxuque: ja'uc nopic scotol ti bu ja melele, scotol ti bu ja' ich'bil ta muq'ue, scotol ti bu lec sc'oplale, scotol ti c'usi jun yutsile, scotol ti bu lec ta q'uelele, scotol ti c'usi lec sc'oplale. Nopic scotol ti c'usi lec ta alele, ti c'usi lec sc'oplal ta nopele.

Colosenses 1:9

Ti c'alal jech laj ca'icutic ti ac'oplalique, jech o xal mu xquicta jbacutic ta sc'oponel ta sc'anbel Dios ti ac'o yac'boxuc avilic ti c'usi ta sc'ane, ti ac'o yac'boxuc ep ta tos abijilique, ti ac'o yac'boxuc sbijil ajol avo'ntonique.

Colosenses 3:10

Yu'un xi s'elan lac'otic xae: laj xa ac'u'inic ti ach' cuxlejale, ti yacal ta x'ach'ub batel ta stael jech c'u cha'al stalel ti Dios ti j'ac'-ch'ulelal xcuxlejal avu'unique, xchi'uc ta yojtiquinel batel ti c'u s'elan ti stuque.

SUN TITO 3:14

Ti c'u yepal oy ta jtojoltique, ac'o xchanic ta spasel ti c'usi leque yo' jech xu' ta xcoltavanic c'alal oy bu tsots sc'oplal ta xtune, yo' jech jtunelicuc ti li' cuxulique.

Hebreos 6:10

Yu'un ti Diose oy stuq'uil yo'nton, mi ja'uc xch'ay ta yo'nton ti ta sventa syail xc'uxul avo'ntonic oy c'usi lec laj apasic ti laj avaq'uic iluc ta scoltael ti jch'unolajeletique, ti jech to yacal ta xapasic avi tana li'e.

Santiago 2:14

Jchi'iltac, ¿c'usi bal o mi xijvulvun xa ta yalel ti c'otem ta co'ntontic ta xch'unele, c'alal mu'yuc c'usi lec ta jpastique? ¿Mi yu'un la ta xijcol xana' ti jech c'otem ta co'ntontic ta xch'unele?

Santiago 2:17

Mi naca no'ox ta xich' alel ti c'otem ta o'ntonal ta xch'unele, ti c'alal mu'yuc c'usi ta xich' pasele, mu'yuc c'usi bal o ti oy c'usi xch'unoj ta xale.

1 Pedro 2:12

Oyuc slequil stuq'uil ajolic ta stojol ti buch'utic yan yajvalique, ac'o mi yacal ta yalel ta atojolic ti jun to chopol jnaclejoxuque. Yu'un ti c'alal ta xilic ti c'usi lec ta xapasique, ta xlic lequil-c'opojicuc ta stojol Dios c'alal ta sta sc'ac'alil ta x'ich'bat ti yeique.

1 Pedro 3:1

Ja' jech ti vo'oxuque, antsetic ti nupul ts'acaloxuque, co'oluc avo'ntonic xchi'uc ti amalalique. Yu'un mi oy buch'utic mu xc'ot ta yo'nton ta xch'unel ti lequil ach' c'op ti amalalique, c'alal ta xilic ti oy c'usi lec ta xapasique, mu xa ta epal c'opuc ta xc'ot ta yo'nton ta xch'unel.

1 Pedro 3:16

Ja'uc le'e, biq'uituc xavac' abaic ta stojol ti buch'u c'usi ta sjaq'uique. Yo' jech mu'yuc c'usi xal avo'ntonic, lecuc ta q'uelel ti c'usi ta xapasique, yo' jech ta ye no'ox stuc ta xq'uexav avu'unic ti buch'utic ta xaschopol-c'optaic ta sventa ti c'otem ta avo'ntonic ta xch'unel ti Cristoe.

2 Pedro 1:8

Mi stsacoj lec yip ta atojolic ti va'i yepal taje, mu jeche'uc no'ox ti acuxlejalique, mi ja'uc jeche' no'ox laj avojtiquinic ti Cajvaltic Jesucristoe.