Filemón 1:17 - Bible in Tzotzil de Chamula

¹⁷ Jech o xal un, mi jchi'il jbatic ta xava'ie, ic'bun me ti Onesimoe jech c'u cha'al ti vu'un tey ta xic'ote.

Tzotzil Zinacantan

¹⁷ Lavi jchiꞌil xa jbatic ta xchꞌunel li scꞌop Rioxe, icꞌo lamozo Onésimoe. Ti cꞌalal xaviqꞌue, coꞌol xchiꞌuc voꞌon avicꞌon yaꞌel.

Bible in Tzotzil de Chenalhó with Deuterocanon

¹⁷ Ja' yu'un, me cuts' calal jbatic chava'ay ta sventa li Cajvaltique, ic'o me li amozoe jech chac c'u cha'al vu'un chavic'un chc'ot.

Tzotzil San Andres

¹⁷ Mi melel ti coꞌol quichꞌojtic ta mucꞌ li Cajvaltique, chꞌamo la avajtunel Onésimoe. Cꞌalal mi achꞌame, coꞌol schiꞌuc joꞌon achꞌamun yaꞌel.

Tzotzil de Huixtán

¹⁷ Hech yu'un mi yu'un jchi'il jbatic ti avo'nton chava'i, ic'bun me ti atojol hech chaj c'u che'el lec chavilun.

Filemón 1:17 Iomraidhean Croise

San Mateo 10:40

“Buch'uuc no'ox ti ta xayich'ic ta muq'ue, ta xiyich'un ta muc' ec. Ti buch'utic ta xiyich'ic ta muq'ue, ta xich'ic ta muc' ti Buch'u laj stacun talele.

San Mateo 18:5

Buch'uuc no'ox ti ta jventa ta xich' ta muc' jun olol jech c'u cha'al ti olol li'e, ta xiyich'icun ta muc' ec.

San Mateo 25:40

Ti vu'un Ajvalilune xi ta jtac'beique: ‘Ta xcalboxuc ava'iic ta melel, ta sventa ti laj ac'uxubinic ti jun jchi'ile, ti peq'uel yuni c'oplale, vu'un laj ac'uxubinicun.’

Hechos 16:15

Laj yich' vo' xchi'uc ti yalab xnich'nabe. C'un to un xi laj sc'anbuncutic vocole: —Mi ta xavil jch'unolajelun ta melel yu'un ti Cajvaltique, la'ic, comanic ta jna. Laj sujuncutic yo' jech ta xicomcutic ta sna.

2 Corintios 8:23

Mi oy buch'u ta sjac'beic sc'oplal ti Titoe, albeic ya'i ti ja' jun jchi'il ta abtel yo' ta xituncutic avu'unic. Mi ta sjac'boxuc sc'oplal xtoc ti cha'vo' co'ol jchi'il jbatique, albeic ya'i ti ja' tacbilic talel yu'un ti jch'unolajeletic ti buch'utic ta xich'ic ta muc' ti Cristoe.

Efesios 3:6

Xi s'elan ma' ti c'usi mu xvinaj to oxe: ta sventa ti lequil ach' c'ope, ti jyanlumetique co'ol ta xich'ic ti xrextoic jech c'u cha'al ta xich'ic ti israeletique, yu'un junic xa ta stojol ti Cristoe, jmoj ta xa'ac'batic ti c'usi yaloj Dios ta xac' ta sventa ti Cristo Jesuse.

Filipenses 1:7

Xloc' venta ti jech ta jnop ta atojolic acotolique, yu'un oyoxuc ta co'nton, yu'un avac'oj avoc ac'obic ta yabtelanel ta sventa ti c'uxubinel laj yac'botic ti Diose, manchuc mi tiq'uilun ta chuquel, mi yacalun ta spaquel jc'oplal ta stojol ti jchapanvanejetique, mu ja'uc xquicta jba ta yalel ti lequil ach' c'ope.

1 Timoteo 6:2

Mi oy buch'u ja' jch'unolajel ti yajvalique, ma'ucuc xalic ta yo'ntonic ti ja' yamal xa sc'oplal ta xich'ic ta muc' ti jech co'ol jch'unolajeletique. Ja'uc le'e, x'ech'uc to ac'o yac' sbaic ta tunel ta stojol, yu'un ti bu yac'oj sbaic ta tunele, ja' jun jch'unolajel ti c'uxubinbile. Ti va'i s'elan taje, ja' jech xaval, ja' jech xachanubtasvan.

Filemón 1:10

ta jc'anbot vocol yu'un ti Onesimoe, yu'un ja' ic'ot ta jnich'on li' ta chuquinabe, yu'un laj xch'un ti sc'op Dios ti laj calbe ya'ie.

Filemón 1:12

Jech o xal un, ta ach' ta jtacbot talel ta atojol. Ic'bun me co'oluc s'elan ava'i ti vu'un tey ta xic'ote.

Filemón 1:18

Ti mi oy c'usi chopol laj spasbot ti laj syanijes avo'ntone, mi oy yil ta atojole, c'anbun, vu'un ta jtoj.

Hebreos 3:1

Ja' yu'un un, Jchi'iltac, ti ic'biloxuc yu'un Dios yo' jech ta xac'otic ta yu'untaque, oyuc ta avo'ntonic sc'oplal ti Cristo Jesús ti ja' jun jcholc'ope, ti ja' c'otem ta jun Banquilal Palee. Col no'ox yal ti ja' sventa ti oy c'usi jch'unojtique.

Hebreos 3:14

Yan mi staoj yav jpatoj co'ntontic xijcham xijlaj jech c'u cha'al ta sliquebe, oy c'usi ta xij'ac'bat unbi jech c'u cha'al laj yich' ti Cristoe.

Santiago 2:5

A'yio ava'iic li'e ti xi ta xcalboxuque, Jchi'iltac: T'ujbilic yu'un Dios ti buch'utic me'unic li' ta banomile yo' jc'ulej ta xc'otic ta sventa yo' ta xc'ot ta yo'ntonic ta xch'unel ti Cajvaltique, yo' ta staic ti ventainel ti jech ono'ox albil sc'oplalic ti buch'utic c'ux ta xa'iic ti Diose.

1 Pedro 5:1

Ti jech quich'oj cabtel ta sbainel ti jch'unolajeletique, xchi'uc ti rexticoun ti c'u s'elan laj yich' svocol ti Cristoe, xchi'uc ti oy ta jventa ta yich'el ti slequil ti c'alal ta xvul ta loq'uele, xi ta jbijubtas ti jchi'iltac ti buch'utic co'ol quich'oj cabtelcutic ta sbainel ti jch'unolajeletic ti oy ta tsobobbail avu'unique:

1 Juan 1:3

Ja' ta xcalcutic ava'iic sc'oplal ti Buch'u laj quilcutique, ti laj xa ca'ibecutic ti sc'opojele, yo' jech jun avo'ntonic ta jtojolcutic jech c'u cha'al ti vu'uncutic jun co'ntoncutic ta stojol ti Jtotic Diose, xchi'uc ti Xnich'one, ja' ti Jesucristoe.