Éxodo 9:7 - Bible in Tzotzil de Chamula

⁷ Jech ti faraone laj yal mantal ti ac'o ba yich' q'uelbel ti chon bolometic yu'unic ti israeletique. Vinaj ti mu'yuc xcham jcotuc ti chon bolometic yu'unique. Ac'o mi jech laj ya'i un, pucujib ti yo'ntone. Mu'yuc laj yac' loc'uc batel ti israeletique.

Bible in Tzotzil de Chenalhó with Deuterocanon

⁷ Li faraone la stac batel boch'o bat sq'uelbeic li sts'unub yovol israeletique, ja' to laj yilic ti mu jcotuc chamene. Ac'o me jech laj ya'ay li faraone, pero itsatsub yo'nton yan velta noxtoc, jech mu'yuc laj yac' loc'uc batel li israeletique.

Éxodo 9:7 Iomraidhean Croise

Job 9:4

Ti Diose, jelavem smuc'ul stsatsal, jelavem sbijil, ¿mi oy la buch'u xu' xtac'tun xa ta stsacolan ta c'op, mi ch'an no'ox la x'ute?

Éxodo 3:19

Ac'o mi jech ta xavalbeic ya'i ti ajvalil yu'un ti Egiptoe, ja' no'ox un, jna' lec ti mu xac' loc'anic batel ti mi mu'yuc c'usi tsots ta xc'ot ta stojole.

Éxodo 7:13

Ac'o mi jech laj yil ti faraone, c'ajomal pucujib yo'nton xchi'uc. Mu'yuc laj yich' ta muc'. Jech c'ot ta pasel jech c'u cha'al laj ono'ox yal ti Diose.

Éxodo 7:14

Ts'acal to un, ti Diose xi laj yalbe ti Moisese: —Ti faraone pucujib xa ti yo'ntone. Mu sc'an xac' loc'uc batel ti israeletique.

Éxodo 8:32

Ja' no'ox un, ti faraone lic pucujibuc yo'nton yan velta. Mu'yuc laj yac' loc'uc batel ti israeletique.

Éxodo 9:12

Ja' no'ox un, ti Diose laj yac' pucujibuc yo'nton yan velta ti faraone. Jech o xal un, mu'yuc laj yich' ta muc' ti Moisese, ti Aarone. C'ot ta pasel jech c'u cha'al albil ono'ox yu'un Dios ti Moisese.

Éxodo 9:8

Jech ti Diose xi laj yalbe ti Moisese xchi'uc ti Aarone: —Jopic batel jopuc stanil ti jornoe. Ti tane, ac'o svij muyel ta vinajel ti Moisés ta sba ta sat ti faraone.

Proverbios 29:1

Ti buch'u xtac'tun no'ox c'alal ta xich' tojobtasele, ta jech yepal ta xlic sta ti svocol une.

Isaías 48:4

Jna'oj xa ono'ox ti mu xava'ibe xchiquinale, ti tsots ta j'ech'el avo'nton jech c'u cha'al ti tsatsal taq'uine, ti mu stac' ca'el puxel jech c'u cha'al ti c'anal taq'uine.

Daniel 5:20

Ja' no'ox un, ti c'alal lic stoy sba ta j'ech'ele, ti jot o xa ta xbat ti snopobil yu'une, ti stuc xa no'ox jech ti lec oy ta xa'i sbae, jech o xal pojbat ti jelavem xu' yu'une, ti yutsilal slequilal ti jech c'otem ta ajvalile.

Romanos 9:18

Va'i un cha'e, ti Diose ta xc'uxubin ti buch'u ta sc'an ta xc'uxubine. Ta spucujibtasbe yo'nton ti buch'u ta sc'an ta spucujibtasbee.