Éxodo 9:6 - Bible in Tzotzil de Chamula

⁶ Ta yoc'omal un, jech laj spas ti Diose. Cham scotol xchon sbolomic ti egipcioetique. Yan ti israeletique, mi ja'uc jcotuc cham ti xchon sbolomique.

Bible in Tzotzil de Chenalhó with Deuterocanon

⁶ Ta yoc'omal la spas jech li Muc'ul Diose. Jech icham scotol sts'unub yovol li egiptoetique. Yan li sts'unub yovol israeletique me jcotuc mu'yuc icham.

Éxodo 9:6 Iomraidhean Croise

Salmos 78:48

Ti xvacaxique, ti xchijique, naca ta bot laj chamicuc xchi'uc ta chauc ti xc'avlajet no'oxe.

Salmos 78:50

J'ech'el laj scajanbe ta sbaic scotol ti sc'ac'al yo'ntone. J'ech'el laj stubbe sc'oplalic. J'ech'el yac'oj sjol sbaquilic un.

Éxodo 12:12

Yu'un ti jech ac'ubal taje, ta xi'ech' ta stojol scotol ti egipcioetic ti ta jyayijesbe ta milel scotol ti sbanquilal nich'nabic ti jujuchop jnaclej egipcioetique, xchi'uc scotol ti sba yoltac ti xchon sbolomique. Yu'un ta jchapan ya'iic ti diosetic yu'un ti egipcioetique. Yu'un jech xcal ti Vu'un Ajvalilune.

Éxodo 12:29

Ta o'lol ac'ubal un, ti Diose, mu yalel toyoluc ech' smilbe sbanquilal nich'nabtac ti jujuchop jnaclej egipcioetique. Yu'un jech c'ot ta stojol sbanquilal nich'on ti faraón ti oy sc'oplal ti ta xich' comel ti abtele, xchi'uc ti banquilal nich'oniletic ti tiq'uilic ta chuquele, xchi'uc sba yoltac ti chon bolometique.

Éxodo 8:22

Ja' no'ox un, c'alal jech ta xc'ot ta pasel taje, ti jnich'nab ti nacalic ta Gosene, mu xlajic ta ti'el ta jts'uts'-ch'ich' vov. Yu'un mu jcotuc ta xc'ot tey. Yu'un ch'acbilic cu'un. Ja' to jech xana' ti li' oyun ta alumal ti Vu'un Ajvalilune.

Éxodo 9:25

Ti bote laj slilin ta c'asel scotol ti c'usi x'ayan ta yosilal ti egipcioetique: Laj smilan ti jnaclejetique, ti chon bolometique, xchi'uc scotol ti ts'unbolal te'etic ta osile. Jepanantic com yu'un scotol sc'ob-c'obtac ti te'etic yu'un ti jteclume.

Éxodo 9:26

Ac'o mi jech un, yan ti ta Gosén banomil ti bu nacalic ti israeletique, mi ja'uc jbej bot c'ot tey.

Éxodo 9:4

Yo' jech mu xcham jcotuc chon bolometic yu'un ti israeletique, ti Diose, jelel ti c'usi ta spasbe ta stojol ti chon bolometic yu'un ti israeletique xchi'uc ti chon bolometic yu'un ti egipcioetique.’ ”

Éxodo 9:5

Ti Diose laj to yac'be sc'ac'alil. Ja' yu'un xi laj yale: —Taje, oc'om ta xc'ot ta pasel cu'un.