Éxodo 9:4 - Bible in Tzotzil de Chamula

⁴ Yo' jech mu xcham jcotuc chon bolometic yu'un ti israeletique, ti Diose, jelel ti c'usi ta spasbe ta stojol ti chon bolometic yu'un ti israeletique xchi'uc ti chon bolometic yu'un ti egipcioetique.’ ”

Bible in Tzotzil de Chenalhó with Deuterocanon

⁴ Yan li sts'unub yovol israeletique mu'yuc jech ta jpasbe jech chac c'u cha'al ta jpasbe ats'unub avovolic vo'oxuc li egiptooxuque. Li sts'unub yovol israeletique mu'yuc ta xcham jcotuc’, uto c'otel —x'utat yu'un Muc'ul Dios li Moisese.

Éxodo 9:4 Iomraidhean Croise

Éxodo 10:23

Jalij oxib c'ac'al ti mu'yuc buch'u ta xil ti slac'naique, ti mu ja'uc xa jutebuc xu' ta xloq'uic batel ti bu oyique. Yan ti bu oy sna scotolic ti israeletique, sac lec osil tey.

Éxodo 12:13

‘Yu'un ti ch'ich'e, ja' ta xtun ta senyail ti ta xvinaj ti bu nail tiq'uiloxuque. Jech ti c'alal ta jyayijes ta milel ti egipcioetique, mi junuc ta xachamic. Yu'un ta xquil bu oy ti ch'ich'e, jelavel ta xijelav.

Éxodo 8:19

Jech o xal un, ti buch'utic xilic ti toyol cajale, xi bat yalbeic ya'i ti faraone: —Le'e, ja' xa yabtel ti Diose. Ja' no'ox un, ti faraone pucujib ti yo'ntone. Mu xich' ta muc'. C'ot ta pasel jech c'u cha'al yaloj ono'ox ti Diose.

Éxodo 8:22

Ja' no'ox un, c'alal jech ta xc'ot ta pasel taje, ti jnich'nab ti nacalic ta Gosene, mu xlajic ta ti'el ta jts'uts'-ch'ich' vov. Yu'un mu jcotuc ta xc'ot tey. Yu'un ch'acbilic cu'un. Ja' to jech xana' ti li' oyun ta alumal ti Vu'un Ajvalilune.

Éxodo 9:26

Ac'o mi jech un, yan ti ta Gosén banomil ti bu nacalic ti israeletique, mi ja'uc jbej bot c'ot tey.

Éxodo 9:5

Ti Diose laj to yac'be sc'ac'alil. Ja' yu'un xi laj yale: —Taje, oc'om ta xc'ot ta pasel cu'un.

Éxodo 9:6

Ta yoc'omal un, jech laj spas ti Diose. Cham scotol xchon sbolomic ti egipcioetique. Yan ti israeletique, mi ja'uc jcotuc cham ti xchon sbolomique.

Amós 4:7

Ja' jech xtoc laj jpas ti mu'yuc xtal oxib (3) u ti vo'e, ti c'alal ja' o xa yorail ta xich' ts'unel ti ts'unubale. Ja'uc ti ta yan jteclume, laj cac' taluc vo'. Ti ta yan jteclume, mu'yuc xcac' taluc vo'. Ti ta yan osil banomile, laj cac' taluc vo'. Ti ta yan osil banomile, mu'yuc xcac' taluc ti vo'e.

Malaquías 3:18

Va'i unbi, ta xlic avilic xtoc ti mu xco'olaj ta q'uelel xchi'uc ti buch'u leque xchi'uc ti buch'u chopole, xchi'uc ti buch'utic ta snijan xchiman sbaic ta yich'el ta muc' ti Diose xchi'uc ti buch'u mu snijan xchiman sbaique.”