Éxodo 9:18 - Bible in Tzotzil de Chamula

¹⁸ ¡Lec ti jech avo'ntone! Jech ora oc'om jech c'u cha'al li'e, ta xcac' taluc tsots bot ti sba to velta jech ta xc'ot ta pasel li' ta Egiptoe.

Bible in Tzotzil de Chenalhó with Deuterocanon

¹⁸ Lec oy ti me jech avo'ntone. Oc'om ta jcocan yalel tal epal bot ti mu'yuc ono'ox baq'uin jech xyal tal c'alal lic yich' va'anel li Egiptoe xchi'uc c'alal to tanae.

Éxodo 9:18 Iomraidhean Croise

1 Reyes 19:2

Va'i un, ti Jezabele xi laj yalbe ti Elías ti laj stac ech'el jun j'alc'op j'ich'-mantale: “¡Mi vo'ot Eliasote, Jezabelun ec! Tsotsuc ac'o xistsitsun ti diosetique mi mu xc'ot ta pasel cu'un jech ora oc'om ta atojol jech c'u cha'al laj apasbe ti j'alc'opetique.”

1 Reyes 20:6

Ma'uc no'ox taje, oc'om jech ora jech c'u cha'al li'e, ta jtac talel caj'opisialtac yo' jech ta xchajic ta sa'el ti anae, xchi'uc snaic ti avaj'opisialtaque. Scotol ti c'usi lec ta staique, ta xc'ot ta yu'unic.’ ”

2 Reyes 7:1

Ti Eliseoe xi laj staq'ue: —Chiquintao ava'i sc'opojel ti Diose. Ti Diose xi ta xale: ‘Ti ta ochebal ti sti' jteclum jech ora oc'om jech c'u cha'al li'e, ta jsep no'ox uni plata taq'uin, xman o yu'un vucub (7) litro juch'bil trigo, xchi'uc xtoc ta jsep no'ox uni plata taq'uin, xman o yu'un vo'lajuneb (15) litro ta chop o ta trigo.’

2 Reyes 7:18

C'ot ono'ox ta pasel un ti c'u s'elan laj scaj'al ti j'alc'op ta stojol ti ajvalile. Mu'yuc stselbuj ta j'ech'el ti laj yal ti ta jsep no'ox uni plata taq'uin xman yu'un ti vucub (7) litro juch'bil trigoe, ti ta jsep no'ox uni plata taq'uin xman yu'un ti vo'lajuneb (15) litro ti jtos o ta trigo ta xchone ta ochebal sti' ti jteclume.

Job 37:13

Scotol taje, bal xa xa'i ti Dios ta stsitsel ti banomile, mi ja' ti ta xac' ta ilel ti yutsil slequil yo'ntone.

Job 38:22

¿Mi c'otemot ta sq'uelel bu yavil jq'uejoj ti taive, ti bote,

Job 38:23

yo' jech ta jtac batel c'alal yorail ti tsots vocole, yo' jech ta jtac batel c'alal yorail liquem ti c'ope, ti letoe?

Salmos 83:15

yich'icuc ya'iic sibtasel ta ts'otetel sutub ic' avu'un, bec'bil batuc avu'un ta ti'ol lometel vo' xchi'uc ti yic'ale.

Éxodo 10:14

Taj une, laj soquesic sjunlej ti lume. Mi ja'uc oy bu jech c'ot ta pasel ta vo'ne. Mi ja'uc oy bu ta to xc'ot ta pasel ti ta xtal epal c'ulub jech c'u cha'al ti c'ac'al tana li'e.

Éxodo 10:6

Ta xnoj ta c'ulub ti anae, sna ti avaj'abteltaque, xchi'uc sna scotol ti avinquileltaque. Ja' to sba velta ti jech ta xc'ot ta pasele. Mu'yuc laj yilic jech ti c'alal laj ech'icuc ti atot ame'ique, ti amuc'tot ayayaique. Le'e, ja' to no'ox jech laj avilic o vul ta loq'uel.” C'alal laj c'opojuc ti Moisese, laj xpux sutel yoc, loc' batel ta sna ti faraone.

Éxodo 11:6

Ta sjunlej Egipto, ta xlic avanicuc ta oq'uel, yu'un mu xnel mu x'ech' ta xa'iic ti svocolique. Mu ja'uc oy bu c'otem ta pasel ta vo'ne. Mi ja'uc ta to xc'ot ta pasel.”

Éxodo 9:17

Manchuc mi jech un, ti vo'ote avac'ojbe yipal ta xamacbe yo'nton ti calab jnich'nabe, yu'un mu xacolta batel.

Apocalipsis 16:21

Ti ta vinajele, baj talel muc'tiquil bot ta sbaic ti jnaclejetic ta banomile, ti ech'em ta cha'vinic (40) kilo yalal ti jujubeje. Ti jnaclejetique ech'em no'ox c'usi chopol ta xloc' ta yeic ta stojol ti Diose, ta scoj ti cuxul j'ilbajinvanej vocol ta xich'ic yu'un ti bote.