Éxodo 9:16 - Bible in Tzotzil de Chamula

¹⁶ Ja' no'ox un, yu'un laj to cac' ch'ian c'opojan yo' jech ta xavil ta aba ta asat ti jmuc'ul jtsatsale, yo' jech ta aventa ta xiyojtquinicun ta sjunlej banomil.

Bible in Tzotzil de Chenalhó with Deuterocanon

¹⁶ Pero li' to cuxulot cu'un, yu'un jech chcac'bot avil c'u x'elan li jvu'ele, yu'un jech ac'o vinajuc batel jbi ta scotol banamil.

Éxodo 9:16 Iomraidhean Croise

2 Samuel 7:23

Ja'uc ec ti Israel ti ja' anich'nabe, ¡mu'yuc xa yan xco'olaj jech c'u cha'al ti stuquique! ¡Yu'un c'ajomal no'ox stuc muc' ta lum oy ta banomil! Yu'un vo'ot laj atic' aba ta spojel scoltael, Dios, ti c'ot ta alumale, ti cajal c'ot sc'oplal avu'un ta sventa ti oy c'usi muc'tic laj apas ti ch'ayal c'ot o'ntonal yu'une. Laj yil ta sba ta satic ti avalab anich'nabe ti tenbil c'ot ti jyanlumetic xchi'uc ti diosetic yu'unic ti laj atic' aba ta spojel scoltael ti oyic ta Egiptoe.

2 Reyes 19:35

Ta yac'ubalil taj une, bat ti yaj'ánjel Dios ti laj smil vo'ob slajunvinic ta mil (185,000) viniquetic ti bu vololic ta lamlej ti asirioetique, ti chamem sacub scotolic ta yoc'omale.

1 Crónicas 16:24

Ta sba ta saticuc scotol ti jteclumetique, ti muc'tiquil lumetique, albeic ya'i ti yutsilal slequilal ta spase.

Nehemías 9:10

Muc'tic no'ox ti c'usi laj avac' ta ilel ti ch'ayal o'ntonal xc'ot yu'un ti c'usitic laj apas ta scontrainel ti faraone, ta stojol ti yajtuneltaque, ta stojol ti jnaclejetic yu'un ti steclumale. Laj avil ti jelavem xa'i sbaique, ti loq'uel ta xutilanic ti israeletique. Ja' jech puc ac'oplal avi tana ti jelavem xu' avu'une.

Salmos 106:8

Le' une, coltabilic yu'un ti Diose, ac'bat yilic ti smuc'ul stsatsal une, ta sventa ti ich'biluc c'otuc ta muq'ue.

Salmos 64:9

Scotolic ta xlic xi'taic ti Diose; ta xlic yalbeic sc'oplal ti yabtele; ta sjolinic ti c'usi laj spas une.

Salmos 76:10

Ti scapemal sjol ti jnaclejetique, ta xjoybij ta alequil c'optael; ta sventa juteb ti sc'ac'al yo'ntone, jun to sronail ajol ta xc'ot yu'unic.

Éxodo 14:17

Ta xcac' pucujibuc yo'nton ti egipcioetique yo' jech ta xasnutsoxuc. Va'i un, ta xcac'be yil ti jmuc'ul jtsatsal ta stojol ti faraone, ta stojol scotol ti yajsoldadotaque, ti carretaetic yu'une, ti jcajlejetic ta ca' yu'une.

Éxodo 14:4

Ja' no'ox un, vu'un ta xcac' pucujibuc yo'nton ti faraone yo' jech ta xlic sjol ta nutsvanej. Ti jech taje, ta xcac' iluc ti jmuc'ul jtsatsal ta stojole, xchi'uc ta stojol scotol ti yajsoldadotaque. Jech ti egipcioetique ta sna'ic ti vu'un Ajvalilune.” Ja' jech laj spasic ti israeletique.

Éxodo 18:11

ti mu albajuc chopol ti c'usi laj spasboxuque. Avi ta un, ta jna' lec ti jelavem smuc'ul stsatsal ti Diose, ti ja' mu sta scotol ti yan diosetique.

Éxodo 9:15

Ch'abal xa li' oyot ta banomil xchi'uc ti ateclumaltac ti lajuc jlaman ta aba scotol ti jmuc'ul jtsatsal ta yac'belot ti vocole.

Éxodo 9:17

Manchuc mi jech un, ti vo'ote avac'ojbe yipal ta xamacbe yo'nton ti calab jnich'nabe, yu'un mu xacolta batel.

Proverbios 16:4

Ti Diose oy smelol ti laj yac' ayanuc ti c'usitic oye, jech ec ti buch'u mu'yuc xch'ulel xa'i sbaique, smalauc xa no'ox xa'i ti tsitsele.

Jeremías 32:20

Ch'ayal c'ot o'ntonal yu'un, yan senyailetic c'usitic laj apas ta muc' ta lum Egiptoe, ti jech to ta xavac' iluc ta stojol ti israeletique, xchi'uc ta sba ta satic scotol ti jnaclejetique. Cajal c'ot ti ac'oplal yu'un une.

Ezequiel 39:21

“Jech ta xcac' iluc cutsilal jlequilal ta stojol scotol ti muc'tiquil lum jyanlumetique. Scotol muc'tiquil lumetic ta xil ta sba ta satic c'u s'elan laj jchapan, c'u s'elan laj jtsits.

Malaquías 1:11

Yu'un scotol ti muc'tiquil lum ti oy ta banomile, ta xiyich'ic ta muc'. Buyuc no'ox ta xchiq'uic pom sventa quich'el ta muc, jun yutsiquil ti matanal ta xaq'uique.

Malaquías 1:14

Bac svocol xa'i o ti buch'u xac' xa ye yilel ti ta xac' jun lequil matanal chon bolom ti oy ta corral ti c'alal ja' ta xac' ti oy xchamele. Ti jech banquilal Ajvalilune, xi'tabilun yu'unic jlomuc ti muc'tiquil lumetique.” Ti va'i s'elan taje, ja' ta xal stuc ti Dios ti scotol xu' yu'une.

Números 14:21

Ja' no'ox un, ti jech cuxulun ta melele, ti jech ta xvinaj ti cutsilal ta scotol banomile,

Romanos 9:17

Ti ts'ibabil ta ch'ul c'ope, xi albat yu'un Dios ti ajvalil ta Egipto banomile: “Laj jva'anot ta ajvalil yo' ta xcac' ta ilel ti jmuc'ul jtsatsal ta atojole, sventa yo' ta xtanij batel ti jc'oplal ta sjoylej banomile.”

Romanos 9:22

Ja' no'ox jech ec ti Diose, oy ta yo'nton ta xac' ta q'uelel ti oy smuc'ul stsatsal xchi'uc ti oy sts'iquemal xcuchemale. Yu'un vo'ne xa sts'icojbe talel sbolilic ti buch'utic ja' xtunic o oy sc'oplal ta xich'ic tsitsele, xchi'uc ti oy sc'oplal ch'ayel ta xbatique.

Josué 4:24

Ti jech taj une, ja' jech ta sna'ic scotol ti jteclum ti oy ta sjoylej banomil ti jelavem xu' yu'un ti Diose. Jech ti vo'oxuc une ta j'ech'el ta xavich'ic ta muc' ti Ajvalil Dios avu'unique.”

1 Pedro 2:19

Yu'un mi ta jeche' no'ox ta xac' avocolic ti avajvalique, lec ta xilot ti Dios c'alal mi ts'ic avu'unic ta sventa ti oy atunelic ta stojole.

1 Pedro 2:8

Oy bu xi ta xal ti ch'ul c'op xtoque: “Ta xc'ot ta jbej jmac-acanil ton yu'unic, ta jbej jbalch'unvanej ton yu'unic.” Yu'un xi s'elan q'uelel talel ta stojolic ta scoj ti mu xc'ot ta yo'ntonic ta xch'unel ti sc'op Diose: ta sbosi yacan xchi'uquic, yu'un jech ono'ox albil sc'oplalic.

Judas 1:4

Yu'un oy jlo'lavanej viniquetic ti ta mucul laj xa stic' sbaic ochel ta atojolique, ti vo'ne xa ono'ox albilic sc'oplalic ta ch'ul c'op ti chapal sc'oplalic ta xbat stojique. Ti viniquetic taje mu'yuc xch'ulel xa'i sbaic. Ta xalic ti ja' la ta sventa spasel c'usi chopol ti jech oy syail xc'uxul yo'nton ti Diose. Ta sbajic ti ja' no'ox stuc c'otem ta Cajvaltique, ti ta Jpojvanej cu'untic ti Jesucristoe.

1 Samuel 4:8

¡Teque' no'ox xch'a un! ¿Buch'u xa ta xispojotic mi lij'och ta yoc ta sc'ob ti diosetic ti scotol xu' yu'un taje? ¡Yu'un ja' ono'ox laj stsutses ti egipcioetic ti c'alal c'ot ta stojolic ti ep ta tos vocol ta sbajtical banomile!