Éxodo 8:8 - Bible in Tzotzil de Chamula

⁸ Jech o xal ti faraone xi laj yalbe ti Moisese xchi'uc ti Aarone ti c'alal laj sta ta iq'uele: —C'anbeic ti Diose ti ac'o sloq'ues batel ti ranaetic ti oy ta jtojole xchi'uc ti jvinquileltaque. Ta xcac' loc'uc batel ti avinquileltaque. Ac'o ba yac'beic smoton ti Diose.

Bible in Tzotzil de Chenalhó with Deuterocanon

⁸ Li faraone la stac ta iq'uel li Moisés xchi'uc Aarone, jech laj yalbe: —C'anbeic vocol li Muc'ul Diose, yu'un ac'o sloq'ues batel li xch'uch'etic li' ta jtojolcutic xchi'uc li jchi'iltaque. Xu' ta xcac' ti ac'o bat yac'beic smoton Muc'ul Dios li achi'iltaque —xut.

Éxodo 8:8 Iomraidhean Croise

1 Reyes 13:6

Va'i un, ti ajvalile xi laj yal ti nopaj ech'el ta stojol ti j'alc'ope: —Avocoluc, c'opono ta jventa ti Ajvalil Dios avu'une yo' jech ta xpoxtaj ti jc'obe. Ti j'alc'ope laj sc'anbe vocol ti Diose. Sc'ob ti ajvalile poxtaj. Laj sta yav jech c'u cha'al ta ba'yele.

Salmos 66:3

Xi xavalbeic ti Diose: “Jun yutsil ti avabtele. Alunebic xa ta xyalic ta lum ti avajcontratac ta sventa ti amuc'ul atsatsale.

Éxodo 10:16

Jech ti faraone ta anil laj stac mantal ta stojol ti Moisese xchi'uc ti Aarone, ti xi laj yalbee: —Laj jta jmul ta stojol ti Ajvalil ti ja' Dios avu'unique xchi'uc ta atojolic ec.

Éxodo 10:17

Avocoluc, ch'aybun xa jtenuc ti jmul avi tanae. Avocolicuc, c'oponbeicun ti Ajvalil ti ja' Dios avu'unique, yu'un sbalin to ya'yel ti ac'o sloq'ues batel ti jmilvanej vocole.

Éxodo 10:18

C'alal loc' batel ti Moisés ta stojol ti faraone, laj sta ta c'oponel ti Diose.

Éxodo 14:5

Ti yorail taje, ti ajvalil yu'un ti Egiptoe laj yich' albel ya'i ti jatavic xa loq'uel ti israeletique. Ja' yu'un un, ti ajvalile xchi'uc ti yajtuneltaque lic sjelic ti c'usi yalojic ta stojolique, ti xi lic yalbe sbaique: “¿C'u no'ox cha'al laj cac'tic baticuc ti israeletique, ti laj yictabotic comel ti cabteltique?”

Éxodo 32:11

Manchuc mi jech albat un, ti Moisese xi lic vulvunuc ta slamajesbel yo'nton ti Ajvalil ti ja' Dios yu'une: —Cajval, ¿c'u cha'al ta xlic sc'ac'al avo'nton yu'un ti anich'nabe, ti c'alal vo'ot atuc laj alaman c'otel amuc'ul atsatsal ti c'alal laj aloq'ues talel ta Egiptoe?

Éxodo 5:2

C'u stu un, ti faraone xi laj staq'ue: —¿Buch'u ti Ajvalil taje yo' jech ta jch'unbe smantal ti xu' xcac' que ti xu' ta xloq'uic batel ti israeletique? Mu xcojtiquin ma' ti Ajvalil taje. Ja' jech xtoc mi ja'uc ta xcac' loc'uc batel ti israeletique.

Éxodo 8:15

Ac'o mi jech laj yich' pasel taj une, c'alal laj yil ti faraón ti mu'yuc ti svocole, pucujib xtoc. Mu'yuc laj yich' ta muc' ti Moisese xchi'uc ti Aarone. C'ot ta pasel jech c'u cha'al albilic ono'ox yu'un ti Diose.

Éxodo 8:29

Xi laj stac' ti Moisese: —C'alal mi liloc' batele, ta jc'anbe ti Dios ti ac'o sloq'ues batel oc'om ti jts'uts'-ch'ich' vovetic ti oy ta atojole, ta stojol ti avaj'abteltaque, xchi'uc ti avinquileltaque. Ja' jech ta jc'anbe ti Diose, ti mi mu staojuc yav ti ja' no'ox ta xalo'launcutique, ti mi mu'yuc ta xamacbe yo'nton ti israeletic ti chbat yac'beic smoton ti Diose.

Éxodo 8:32

Ja' no'ox un, ti faraone lic pucujibuc yo'nton yan velta. Mu'yuc laj yac' loc'uc batel ti israeletique.

Éxodo 8:9

Ti Moisese xi laj stac'be ti faraone: —Albun ca'i c'usi ora ta xac'an ta jc'anbe ti Dios ti ta sloq'ues batel ti ranaetic ti oy ta atojolale, xchi'uc ta stojol ti avaj'abteltaque, xchi'uc ta stojol ti avinquileltaque, xchi'uc ti oy ta anae. Yan ti oy ta uc'ume, tey ta xcom.

Éxodo 9:27

Jech o xal ti faraone xi laj yal ti c'alal laj stac ta iq'uel ti Moisese xchi'uc ti Aarone: —Laj xa jna' jba ti oy jmule. Jmul jtuc xchi'uc ti jvinquileltaque. Ma'uc smul ti Diose.

Éxodo 9:28

Mu xa ts'icbaj ta xca'i ti xc'avlajet no'ox ti chauque xchi'uc ti bot xvajet no'ox ta xtal ta jtojolcutique. Jech o xal mu'yuc xa ta jpajtsanoxuc. C'oponic ti Dios ta jtojolcutique. Ta xcac' batanic.

Éxodo 9:33

Ti Moisese loc' batel ta jteclum ti c'alal laj xa ox sc'opon sba xchi'uc ti faraone. Laj stoy sc'ob ta sc'oponel ti Diose. Ta ora no'ox paj ti chauque, ti vo'e, xchi'uc ti bote.

Números 21:7

Va'i un, batic ti bu oy ti Moisese ti xi laj yalbeique: —¡Laj xa jta jmulcutic ti chopol lic'opojcutic ta stojol ti Diose, xchi'uc ti chopol lic'opojcutic ta atojole! ¡C'anbo ti Diose ti ac'o sloq'ues ech'el ti jti'oval chon ta jtojolcutique! Ti Moisese laj sc'anbe ti Diose ti ac'o xch'aybe smul scolo'ic ti israeletique.

Hechos 8:24

Xi laj stac' ti Simone: —Vocoletanic ta sc'anbel vocol ti Dios ta jtojol un chae yo' mu xc'ot ta pasel ti va'i s'elan laj avalbeicune.

1 Samuel 12:19

Jech o xal un, scotolic xi laj yalbeic ti Samuele: —C'anbo vocol ti Dios avu'un ta sventa ti avajtuneltac li'e yo' jech mu xichamcutic. Yu'un laj to cac'becutic xchi'il ti jmulcutic ti c'alal laj jc'ancutic ti ajvalil ti c'alal oy xa ono'ox ti jmulcutique.