Éxodo 8:6 - Bible in Tzotzil de Chamula

⁶ Jech ti Aarone laj stoy ti svaxton ta sba ti vo' ti oy ta jteclum Egiptoe. Scotol ti jteclume noj ta rana ti loq'uic talel ta uc'ume.

Bible in Tzotzil de Chenalhó with Deuterocanon

⁶ Li Aarone la stoy snamte' ta scotol li vo' ta Egiptoe, jech iloc' tal epal xch'uch'etic. Inoj ta xch'uch' scotol ti c'u smuc'ul li Egipto banamile.

Éxodo 8:6 Iomraidhean Croise

2 Samuel 7:22

¡Toj jelavem yutsil smuc'ul un cha'e, Cajval, ti c'usi ta xapase! ¡Yu'un mu'yuc buch'u xco'olaj jech c'u cha'al ti vo'ote! Yu'un mu'yuc xa yan xco'olaj jech c'u cha'al ti vo'ote. Mu'yuc xa yan dios jech c'u cha'al ti vo'ote, jech c'u cha'al jcotolcutic ca'binojcutique.

2 Crónicas 6:14

Tsots ti xi liquel ti sc'opojel sti'inele: “Ajvalil, Dios yu'un ti Israele, mi ja'uc ta vinajel ta banomil oy jun Dios jech c'u cha'al ti vo'ote. Ta xc'ot ta pasel avu'un ti atratee, ta yaq'uel iluc ti yutsilal avo'nton ta stojol ti buch'u sjunul yo'nton ta xac' sba ta tunel ta atojole.

Salmos 105:30

Laj snojes ta poc'oq'uetic sjunul ti jteclume, ti och batel ta jc'ol sna ti ajvalile.

Salmos 78:45

Tacbatic talel ti jti'vanej vove, ti poc'oq'uetique, ti laj soquesan sts'ilean scotole.

Salmos 86:8

Mu'yuc xa yan dios xco'olaj jech c'u cha'al ti vo'ote, Cajval. Mu'yuc xa yan xco'olaj yabtel jech c'u cha'al ti vo'ote.

Salmos 90:2

Ta sliquebal c'alal ch'abal to ox ti vitsetique, ti mu'yuc to ox ti banomile, xchi'uc ti ch'abal to ox ti c'usitic oye, vo'ot ono'ox Diosot ti oy c'usi laj ech'uque, ti yacal li'e, xchi'uc ti ta to xvul ta loq'uele.

Éxodo 10:2

Taje, yo' jech xu' xalo'iltabe ya'i ti anich'nabtaque, ti amamubtaque, ti c'u s'elan laj jvinajes ti mu'yuc stuq'uil sjol yo'nton ti egipcioetique, ti elom sba laj jvinajes ti jmuc'ul jtsatsal ta stojolique, yo' jech ta xana'ic xtoc ti vu'un Ajvalilune.

Éxodo 15:11

Le' une, Cajval, mu junuc dios xco'olaj jech c'u cha'al ti vo'ote. Mu'yuc buch'u xco'olaj xch'ul talel jech c'u cha'al ti vo'ote. Xi'bal sba ti c'usitic ti jun yutsiquil ta xapase. Ac'oteb o ti ac'bil ta toyol ac'oplale.

Éxodo 7:19

Ja' jech xtoc ti Diose xi laj yalbe ti Moisese: —Albo ya'i ti Aarone ti ac'o stsac ti svaxtone. Ac'o stoy batel sc'ob ta sba ti uc'umetique, ti bic'tal uc'ume, ti nabetique, ti ta joq'uetic yu'unic ti egipcioetique. Yu'un ta xjoybij ta ch'ich' scotol ti c'usiuc no'ox oy ya'lele. Ti buyuc no'ox ts'anajtic ti vo'e, mi ta ton, mi ta te', ta xjoybij ta ch'ich'.

Éxodo 9:14

Avi tana li'e, ta xcac' taluc scotol ti vocol ta atojole, ta stojol ti avaj'abteltaque, xchi'uc ta stojol ti avinquileltaque, yo' jech xana' ti mu'yuc buch'u jech yan ti li' ta banomil jech c'u cha'al ti vu'une.

Éxodo 9:29

Ti Moisese xi laj staq'ue: —Mi liloc' batel ta jteclume, ta ora no'ox ta jtoy jc'ob ta sc'oponel ti Diose. Ja' yu'un un, ta xpaj ti chauque xchi'uc ti bote yo' jech xana' ti ja' yu'un Dios ti banomile.

Isaías 43:10

Yu'un ti Diose xi jamal ta xale: “Vo'oxuc cajrexticooxuc, cajtuneloxuc ti laj jt'ujoxuque, yo' jech ta xavojtiquinicun, yo' jech ta xapat avo'ntonic ta jtojol, yo' jech ta xana'ic xtoc Buch'uun. Yu'un c'ajomal no'ox vu'un ti Diosune, mi junuc dios oy c'alal oyun ono'oxe, mi ja'uc ti oy bu to ta xvul ta loq'uel ta ts'acale.

Levítico 11:12

Scotol ti cuxulic ta vo' ti mu'yuc ti xiq'ue, ti mu'yuc ti smic'ale, c'otuc ta o'ntonal ti albil mu stac' ti'ele.

Deuteronomio 32:31

“Sna'ic lec ti cajcontratique ti mu stac' sco'oltasic ti jpojvanej yu'unic jech c'u cha'al ti jpojvanej cu'untique.

Deuteronomio 33:26

“Ta j'ech'el mu'yuc c'usi stac' co'oltasel Dios yu'un ti Jesurune, ti tsots yabtel yich'oj ti xcajet no'ox talel ta ba toc ti oy ta vinajele yo' ta xtal scoltaot.

Deuteronomio 4:35

Ti jech laj yac' ta ilel taje, yo' jech ta xana'ic ti Ajvalile ja' ti bats'i Dios ta melele, ti mu'yuc xa yan ta tael jech c'u cha'al ti stuque.

Apocalipsis 16:13

Ja' jech xtoc un, laj quil ti loc' jujucot rana ta ye ti muc' ta tsajal jti'oval chone, ta ye ti jti'oval chon ti loc' talel ta nabe, ta ye xtoc ti jlo'lavanej j'alc'ope.