Éxodo 8:4 - Bible in Tzotzil de Chamula

⁴ Ti ranaetique xbitlajet liquel ta aba, ta sba ti avaj'abteltaque, ta sba xtoc scotol ti avinquileltaque.’ ”

Bible in Tzotzil de Chenalhó with Deuterocanon

⁴ Li xch'uch'etique ta xbitujic muyel ta sba avac'olic, xchi'uc li achi'iltac ta abtele xchi'uc scotol li achi'iltaque’, uto —x'utat li Moisese.

Éxodo 8:4 Iomraidhean Croise

1 Reyes 13:6

Va'i un, ti ajvalile xi laj yal ti nopaj ech'el ta stojol ti j'alc'ope: —Avocoluc, c'opono ta jventa ti Ajvalil Dios avu'une yo' jech ta xpoxtaj ti jc'obe. Ti j'alc'ope laj sc'anbe vocol ti Diose. Sc'ob ti ajvalile poxtaj. Laj sta yav jech c'u cha'al ta ba'yele.

Salmos 107:40

ti Dios une ta sjip ta sten ma' ti j'ilbajinvanejetique. Ta xc'otic ta ch'ayel ta sbajtical banomil ti mu sna' bu ta xbatic yu'une.

Éxodo 10:17

Avocoluc, ch'aybun xa jtenuc ti jmul avi tanae. Avocolicuc, c'oponbeicun ti Ajvalil ti ja' Dios avu'unique, yu'un sbalin to ya'yel ti ac'o sloq'ues batel ti jmilvanej vocole.

Éxodo 8:24

Jech laj spas ti Diose. Co'ol s'elan lumal toc x'ic'ubin no'ox tal ti jts'uts'-ch'ich' vovetic ta sna ti faraone, ta sna ti yaj'abteltaque, xchi'uc ta jteclum yu'un ti egipcioetique. Ti jts'uts'-ch'ich' vove laj soquesan scotol ti c'usi x'ayan ta sjunlej Egiptoe.

Éxodo 8:3

Ti ta uc'ume, ta xvoc' talel epal ranaetic. Ta xloq'uic batel, chba stic'anan sbaic ta ana, ta avayeb. Ta xmuyan batel ta sba atem, ta snaic xtoc ti avaj'abteltaque, xchi'uc scotol ti avinquileltaque, ti ta sta'ajesobil apane, xchi'uc ti bu ta xich' vots'ele.

Éxodo 8:5

Ti Diose xi laj yalbe ya'i ti Moisese: —Albo ya'i ti Aarone ti ac'o stoy ti svaxton ta sba ti uc'ume, ti bic'tal uc'ume, ti nabe, ti bu ts'anajtic ti vo'e, yo' jech ta xloq'uic talel ti ranaetique. Ac'o snojesic sjunul ti jteclum Egiptoe.

Éxodo 9:28

Mu xa ts'icbaj ta xca'i ti xc'avlajet no'ox ti chauque xchi'uc ti bot xvajet no'ox ta xtal ta jtojolcutique. Jech o xal mu'yuc xa ta jpajtsanoxuc. C'oponic ti Dios ta jtojolcutique. Ta xcac' batanic.

Isaías 19:11

¡Bolibemoxuc ta j'ech'el, banquilaletic yu'un Zoan! Ti banquilal jbijubtasvanejoxuc yu'un ti lum Egiptoe, bol jtojobtasvanejoxuc ta j'ech'el. ¿C'u xa ono'ox xi vul ta ajolic ti xi laj avalbeic ti faraone: “Ma' ti vu'uncutique, snitiluluncutic bijil viniquetic ti laj ech'icuc ta ajvaliletic ta vo'nee”?

Isaías 19:22

Ti Diose ba'yel ta xac'be yich' svocol ti Egiptoe. Ta xlic xpoxta ta ts'acal to un. Ti stuquic une, ta sutes sbaic. Jech ta xlic c'uxubinaticuc, ta xpoxtaatic yu'un ti Diose.

Isaías 23:9

Ja' laj spas mantal ti Dios ti scotol xu' yu'une yo' jech ta spec'tsanbe ti stoyobbaile, ti batuc ta yoc scotolic ti buch'utic toj jelavem xa'i sbaic ta banomile.

Daniel 4:37

“Avi tana une, ti Nabucodonosorune ta jlequil-c'opta, ta jnijan jba ta yich'el ta muc', ta xcac' ta toyol sc'oplal ti Ajvalil yu'un ti vinajele. Yu'un scotol ti c'usi ta spase, ja' melel, tuc' scotol. Yu'un xu' ta spec'tsanbe sc'oplal ti buch'u ta snop ti xu' xa yu'un ti yaloje.”

Números 21:7

Va'i un, batic ti bu oy ti Moisese ti xi laj yalbeique: —¡Laj xa jta jmulcutic ti chopol lic'opojcutic ta stojol ti Diose, xchi'uc ti chopol lic'opojcutic ta atojole! ¡C'anbo ti Diose ti ac'o sloq'ues ech'el ti jti'oval chon ta jtojolcutique! Ti Moisese laj sc'anbe ti Diose ti ac'o xch'aybe smul scolo'ic ti israeletique.