Éxodo 8:26 - Bible in Tzotzil de Chamula

²⁶ Ti Moisese xi laj staq'ue: —Mu lecuc ti jech ta jpascutic taje. Yu'un ti chon bolometic ti ta jmilcutic ta sventa smoton ti Ajvalil Dios cu'uncutique, ch'ul chon bolometic ta xilic ti egipcioetique. C'alal ta xilic ti egipcioetic ti ta jmilcutic ti chon bolometic ti ja' ch'ul chon bolometic ta xa'iique, ta jbel sc'oplal ta xismiluncutic ta ton.

Bible in Tzotzil de Chenalhó with Deuterocanon

²⁶ Itac'ov li Moisese: —Mu lecuc me jech ta jpascutique, yu'un li egiptoetique toj chopol chilic me ta jmilcutic jts'unub covolcutic ta smoton Muc'ul Dios, ja' li Dios cu'uncutique. Me laj yil egiptoetic ti ta jchic'becutic smotonin Dios li jts'unub covolcutique, xu' chlic smiluncutic ta ton.

Éxodo 8:26 Iomraidhean Croise

Génesis 43:32

Slecoj mexa bu laj xchapanbeic sve'el ti Josee. Yan o mexa xtoc bu laj xchapanbeic sve'el xnich'nabtac ti Jacobe. Bevelic jutuc bu svoloj sbaic ta ve'el ti egipcioetic xchi'uc ti Josee. Yu'un ti egipcioetique na'bil yu'unic mu xu' ta scap sbaic ta ve'el xchi'uc ti hebreoetique.

Génesis 46:34

albeic ya'i ti ja' avabtelic ts'un chij jech c'u cha'al laj ech'uc ti atot ame'ic ta vo'nee. Ja' yu'un un, xu' nan xcom naclanic ta yosilal Gosén, yu'un ti egipcioetique mu lecuc ta xa'iic ta xchi'in ta naclej ti jts'un-chijetique.

2 Reyes 23:13

Ti ajvalile mu xa sc'an sq'uelbe sat ti c'opojebaletic ti oy ta yeloval sloq'ueb c'ac'al yu'un ti Jerusalene, ti oy ta stuq'uil yolon ti yac'ol xocon sloq'ueb c'ac'al yu'un ti vits olivose, ti ja' meltsanbil comel yu'un ti Salomón ajvalil yu'un ti Israele. Ti june, ja' ta sventa ti Astarte j'ac'vanej ta vocol ch'ul me'il yu'unic ti sidonioetique. Ti june, ja' ta sventa ti j'ac'vanej ta vocol loc'obbail Quemos dios yu'unic ti moabitaetique. Ti june, ja' ta sventa ti j'ac'vanej ta vocol loc'obbail Milcom dios yu'unic ti amonitaetique.

Esdras 9:1

C'alal laj taj une, xi tal yalbeicun ti banquilaletic ti nopajic talel ta jtojole: “Ti israeletique, xchi'uc ti paleetique, ti levitaetique, co'ol sjolic ti mu xicta sbaic ta spasel jech c'u cha'al liquem yu'un ti jnaclejetic yu'un ti jteclume. Ti xcaltique naca stalel ti cananeoetique, ti hititaetique, ti ferezeoetique, ti jebuseoetique, ti amonitaetique, ti moabitaetique, ti egipcioetique, xchi'uc ti amorreoetique, ti spajebal xa o ti c'usi chopol liquem yu'unic ta spasele.

Éxodo 3:18

Ti moletique ta xich'ic ta muc' ti ac'ope. Ja' yu'un un, ti vo'ote xchi'uc ti stuquique xi xavalbeic ya'i ti ajvalil yu'un Egipto c'alal chbat aq'uelique: “Ti Ajvalil Dios yu'unic ti hebreoetique, tal sa'uncutic. Ja' yu'un un, ac'o ave ati' ti ta xibatcutic ta sbajtical banomil ti oy oxibuc c'ac'al ti sbelele yo' chbat cac'becutic smoton ti Ajvalil ti ja' Dios cu'uncutique.”

Éxodo 8:8

Jech o xal ti faraone xi laj yalbe ti Moisese xchi'uc ti Aarone ti c'alal laj sta ta iq'uele: —C'anbeic ti Diose ti ac'o sloq'ues batel ti ranaetic ti oy ta jtojole xchi'uc ti jvinquileltaque. Ta xcac' loc'uc batel ti avinquileltaque. Ac'o ba yac'beic smoton ti Diose.

Isaías 44:19

Mi ja'uc ta snopic, ja' ti mu xa'ibeic ti xchiquinal ti oyuc bu xi ta xalique: “Ti jlom sjepelultac ti te'e, laj jsi'in. Ti ta yac'alile, laj jta'ajes o pan. Laj jvo o ti beq'uet ti laj jti'e. Ti jlom une, laj jmeltsan o ti vi s'elan ta q'uelele. ¡Ti c'usi nijil chimilun ta yich'el ta muq'ue, uni te' no'ox!”