Éxodo 8:22 - Bible in Tzotzil de Chamula

²² Ja' no'ox un, c'alal jech ta xc'ot ta pasel taje, ti jnich'nab ti nacalic ta Gosene, mu xlajic ta ti'el ta jts'uts'-ch'ich' vov. Yu'un mu jcotuc ta xc'ot tey. Yu'un ch'acbilic cu'un. Ja' to jech xana' ti li' oyun ta alumal ti Vu'un Ajvalilune.

Bible in Tzotzil de Chenalhó with Deuterocanon

²² C'alal me ic'ot ta pasel le'e, ta jvoc' comel li yosilal Gosene, yu'un ja' te nacalic li jteclum cu'une. Me jcotuc xcoch mu'yuc chvinaj te, jech chana' o ti vu'un Muc'ul Diosun; li' oyun ta avosilalique.

Éxodo 8:22 Iomraidhean Croise

Génesis 46:34

albeic ya'i ti ja' avabtelic ts'un chij jech c'u cha'al laj ech'uc ti atot ame'ic ta vo'nee. Ja' yu'un un, xu' nan xcom naclanic ta yosilal Gosén, yu'un ti egipcioetique mu lecuc ta xa'iic ta xchi'in ta naclej ti jts'un-chijetique.

Salmos 110:2

Ta Sión to ta xac'bot ta avoc ta ac'ob avaxton ti Diose, svinajeb ti avich'oj tsots avabtele. Nijil chimiluc c'otuc avu'un ti avajcontra un cha'e.

Salmos 74:12

Vo'ne xa talel ma' ti c'otemot ta Ajvalilot cu'une. Li vo'ot une, Ch'ul Dios, xi s'elan c'otem ta pasel ti yepal no'ox latsalvan talel li' ta banomile:

Éxodo 10:23

Jalij oxib c'ac'al ti mu'yuc buch'u ta xil ti slac'naique, ti mu ja'uc xa jutebuc xu' ta xloq'uic batel ti bu oyique. Yan ti bu oy sna scotolic ti israeletique, sac lec osil tey.

Éxodo 12:13

‘Yu'un ti ch'ich'e, ja' ta xtun ta senyail ti ta xvinaj ti bu nail tiq'uiloxuque. Jech ti c'alal ta jyayijes ta milel ti egipcioetique, mi junuc ta xachamic. Yu'un ta xquil bu oy ti ch'ich'e, jelavel ta xijelav.

Éxodo 19:5

Ja' yu'un un, mi ta xavac'beicun ta venta scotol ti c'usi ta xcale, mi ta xc'ot ta pasel avu'unic ti jtratee, xac'otic o lec ta calab jnich'nab, ja' mu sta ti yan jteclumetique. Yu'un ti banomile, ja' cu'un scotol.

Éxodo 20:11

Yu'un ti Diose, ta vaquib (6) no'ox c'ac'al, laj smeltsan ti vinajele, ti banomile, ti nabe, xchi'uc scotol ti c'usitic oy ta stojolique. Ta yucubal (7) c'ac'al une, laj xcux yo'nton. Jech o xal ti Diose laj sts'uiltas ti sc'ac'alil cuxob o'ntonale. Jamal laj yal ti ja' jun ch'ul c'ac'ale.

Éxodo 7:17

Ja' yu'un un, ti Diose xi ta xayalbot ava'ie: Avi tana un, ta xavil ti Vu'un Ajvalilune. C'alal ta jmaj ti uc'um ta jvaxton ti oy ta jc'obe, ti uc'ume ta xjoybij ta ch'ich'.

Éxodo 7:5

C'alal mi laj xa cac' iluc ti jmuc'ul jtsatsal ta stojol ti Egiptoe, mi loc' xa talel cu'un ti israeletique, jech ti egipcioetique ja' jech ta sna'ic ti Vu'un Ajvalilune.

Éxodo 8:10

—Oc'om no'ox —xi laj yal ti faraone. Ti Moisese xi laj staq'ue: —Jech ta xich' pasel yo' jech ta xana' ti mu'yuc xa yan Dios jech c'u cha'al ti Dios cu'uncutique.

Éxodo 8:21

Yu'un ti mi mu xavac' loc'uc batele, ta jtac talel jts'uts'-ch'ich' vov ta atojol, ta stojol ti avaj'abteltaque, ta stojol ti avinquileltaque, xchi'uc ti c'u yepal oy ta anae. Ta jnojes ta jts'uts'-ch'ich' vov scotol snaic ti egipcioetique, xchi'uc ti banomile.

Éxodo 8:23

Ta xcac' ta ilel ti mu xco'olaj ta jpas ta stojol ti avinquileltaque xchi'uc ti calab jnich'nabe. Taje, oc'om ta xc'ot ta pasel.’ ”

Éxodo 9:26

Ac'o mi jech un, yan ti ta Gosén banomil ti bu nacalic ti israeletique, mi ja'uc jbej bot c'ot tey.

Éxodo 9:29

Ti Moisese xi laj staq'ue: —Mi liloc' batel ta jteclume, ta ora no'ox ta jtoy jc'ob ta sc'oponel ti Diose. Ja' yu'un un, ta xpaj ti chauque xchi'uc ti bote yo' jech xana' ti ja' yu'un Dios ti banomile.

Éxodo 9:4

Yo' jech mu xcham jcotuc chon bolometic yu'un ti israeletique, ti Diose, jelel ti c'usi ta spasbe ta stojol ti chon bolometic yu'un ti israeletique xchi'uc ti chon bolometic yu'un ti egipcioetique.’ ”

Éxodo 9:6

Ta yoc'omal un, jech laj spas ti Diose. Cham scotol xchon sbolomic ti egipcioetique. Yan ti israeletique, mi ja'uc jcotuc cham ti xchon sbolomique.

Ezequiel 30:19

Ta xquich'be ye sti' ta xchapanel ti jteclum Egiptoe. Ta sna'ic unbi vu'un ti Ajvalilune.’ ”

Malaquías 3:18

Va'i unbi, ta xlic avilic xtoc ti mu xco'olaj ta q'uelel xchi'uc ti buch'u leque xchi'uc ti buch'u chopole, xchi'uc ti buch'utic ta snijan xchiman sbaic ta yich'el ta muc' ti Diose xchi'uc ti buch'u mu snijan xchiman sbaique.”