Éxodo 8:19 - Bible in Tzotzil de Chamula

¹⁹ Jech o xal un, ti buch'utic xilic ti toyol cajale, xi bat yalbeic ya'i ti faraone: —Le'e, ja' xa yabtel ti Diose. Ja' no'ox un, ti faraone pucujib ti yo'ntone. Mu xich' ta muc'. C'ot ta pasel jech c'u cha'al yaloj ono'ox ti Diose.

Bible in Tzotzil de Chenalhó with Deuterocanon

¹⁹ Li boch'otic xu' yu'un chac' ta ilel svu'elique, jech laj yalbeic li faraone: —Le'e ja' Dios jech la spas —xiic. Pero li faraone itsatsub yo'nton noxtoc, jech mu'yuc laj yich' o ta muc' jech chac c'u cha'al yaloj ono'ox Muc'ul Diose.

Éxodo 8:19 Iomraidhean Croise

Génesis 41:24

Ti vucbej sjol trigo c'upil sbae, lajic ta c'uxel yu'un ti vucbej sjol trigo taquijem xae. Laj calbe ya'iic ti buch'utic sna'ic st'unele, ja' no'ox un, mi ja'uc jun oy buch'u cuch yu'unic ta yalbel ti smelole.”

Salmos 8:3

C'alal ta jq'uel ti vinajel ti laj ameltsane, ti ue, xchi'uc ti c'analetic laj avaq'ue,

Éxodo 10:23

Jalij oxib c'ac'al ti mu'yuc buch'u ta xil ti slac'naique, ti mu ja'uc xa jutebuc xu' ta xloq'uic batel ti bu oyique. Yan ti bu oy sna scotolic ti israeletique, sac lec osil tey.

Éxodo 10:7

Ja' yu'un un, ti yaj'abteltac ti faraone xi laj yalique: —¿C'usi to ora ta xcom jvocoltic yu'un ti vinic le'e? Ja' lec, Jcuch abtel, ti jnaclejetic li'e, ja' lec, ac'o ba yich'ic ta muc' ti sDiosique, ti ja' Ajvalile. ¿Mi mu to xatuc'ulan lec, Jcuch abtel, ti soc xa sjunlej ti Egiptoe?

Éxodo 11:7

Yo' jech ta xana'ic ti mu xco'olaj ta spas ti Dios ta stojol ti egipcioetique xchi'uc ta stojol ti israeletique, ja' yu'un un, ti bu oyique, mi ja'uc ti xme'lal oq'uic xa liquel ti ts'i'etic c'alal ta xlic yilic junuc jxanbile, mi ja' jun chon bolom yu'unic ti israeletique.

Éxodo 7:13

Ac'o mi jech laj yil ti faraone, c'ajomal pucujib yo'nton xchi'uc. Mu'yuc laj yich' ta muc'. Jech c'ot ta pasel jech c'u cha'al laj ono'ox yal ti Diose.

Éxodo 7:4

Ti faraone mu xayac'oxuc ta venta. Manchuc mi jech un, ta jbusanbe ya'i talel ta stojol Egipto ti jmuc'ul jtsatsale. Ta jva'an jba ta spasel ti ep ta tos ti c'usitic ta xc'ot ta pasele yo' xu' ta jloq'uesic batel ti cajsoldadotaque, ti xcaltique, ja' ti israeletic ti ja' jteclumale.

Éxodo 7:5

C'alal mi laj xa cac' iluc ti jmuc'ul jtsatsal ta stojol ti Egiptoe, mi loc' xa talel cu'un ti israeletique, jech ti egipcioetique ja' jech ta sna'ic ti Vu'un Ajvalilune.

Éxodo 9:26

Ac'o mi jech un, yan ti ta Gosén banomil ti bu nacalic ti israeletique, mi ja'uc jbej bot c'ot tey.

Éxodo 9:4

Yo' jech mu xcham jcotuc chon bolometic yu'un ti israeletique, ti Diose, jelel ti c'usi ta spasbe ta stojol ti chon bolometic yu'un ti israeletique xchi'uc ti chon bolometic yu'un ti egipcioetique.’ ”

Daniel 2:19

Ti jech ac'ubal taje, ti Daniele jam ti sba sate. Ac'bat yil ti c'usi mucul ti mu xvinaje. C'alal jech ac'bat yile, laj slequil-c'opta ti Dios ti oy ta vinajele.

San Mateo 12:28

Ti jech ta jloq'ues ti pucujetique, ja' ta sventa ti Ch'ul Espíritu yu'un ti Diose. Ti jech li'e, ja' ta xac' ta na'el ti li' xa oy ta atojolic ti ventainel yu'un ti Diose.

San Lucas 11:20

Mi ta sventa smuc'ul stsatsal Dios ta jloq'ues ti pucujetique, ja' ta xac' ta na'el ti li' xa oy ta atojolic ti ventainel yu'un ti Diose.

San Juan 11:47

Ti fariseoetique xchi'uc ti banquilal yu'un ti paleetique, bat stsob sbaic xchi'uc ti banquilal jchapanvanejetic ti xi laj yalique: —¿C'usi ta xcutic ti vinic taje, ti ep ta xac' iluc ti oy c'usi ch'ayal ta xc'ot o'ntonal yu'une?

Hechos 4:16

Xi laj yalbe sbaique: —¿C'usi ta xcutic ti viniquetic le'e? Ti jnaclejetic li' ta Jerusalene sna'ic lec scotolic ti laj xa yaq'uic iluc ti oy c'usi ch'ayal ta xc'ot o'ntonal yu'une. Mi ja'uc stac' jnac'tic.

1 Samuel 6:3

Xi laj stac' ti stuquique: —Ti mi ta xasutesic batel ti xcaxa Dios yu'un ti Israele, mu xa ta jeche'uc no'ox ta xasutesic. Yu'un me ta sc'an ac'bel jutebuc sventa slajesobil yo'nton ti Diose. Va'i un, ti vo'oxuc une ta xacolic, ja' to ta xlic avilic c'u cha'al ti mu xayictaoxuc ta stsitsele.

1 Samuel 6:9

Xi me s'elan ti q'uelic lec une: Mi tuc' ta stam ech'el ti carreta ta stuq'uil ti Bet-semes ta yosilal stuque, yu'un ja' svinajeb ti Dios yu'un ti Israele ti ja' laj yac' taluc ti mu no'ox albajuc ti jvocoltique. Ti mi jot o bat une, ta jna'tic ti ma'uc Dios laj yac'botic ti jvocoltique, na'tic no'ox c'usi vul ta loq'uel ta jtojoltic unbi.